LECCIÓN 60
Saʼa kutú ka-ní ja kutuʼva-ní jín Tuʼun Yandios
Nu̱u̱ níí tutu yaʼa, maa-ní ni kutuʼva-ní kuaʼa tuni tuʼun sɨkɨ Jeová. De, ja sɨkɨ ja ni kutuʼva-ní, ni kuu kaʼnu tuni ka ja kutoo-ní Yandios de sanaa ja ni na kuáʼa-ní maa-ní nu̱u̱-Ya ji ni janduté-ní. De nú nchaʼa saʼa-ní sukua, sanaa ja jani xini-ní kuanduté-ní. De kánuu ja ta ja ni janduté-ní maa-ní jiniñuʼun kutuʼva ka-ní sɨkɨ Tuʼun Yandios. De kánuu ja, nɨkani saʼa kutú ka-ní ja kitaʼan-ní jín Jeová. Ná kundeʼe-yo na̱sa kuu saʼa-ní.
1. ¿Nakú jiniñuʼun ja saʼa ndakui ka-ní ja kitaʼan-ní jín Jeová?
Jiniñuʼun chuʼun tuni ini-yo tágua saʼa ndakui ka-yo ja kitaʼan-yo jín Jeová. ¿Nakú? “Chi tú nduú de sanaa̱ de scuíta ó” de kuji̱ka-yo nu̱u̱ Jeová (Hebreos 2:1). ¿Naguá chíndeé nu̱u̱-yo ja satiñu tu̱u̱n ka-yo nu̱u̱ Jeová? Jiniñuʼun ja nɨkani kaʼan-yo Tuʼun Yandios ji ndukú ka-yo na̱sa satiñu ka-yo nu̱u̱ Yandios-yo (kaʼvi-ní Filipenses 3:16). ¡Nduu iyo inka ja vaʼa nu̱u̱-yo ja satiñu-yo nu̱u̱ Jeová! (Salmo 84:10, TNM).
2. ¿Naguá jiniñuʼun saʼa ka-ní?
Vese curso-ní sɨkɨ Biblia ja jinú, ja teku-ní tanu kúni Yandios káta kejaʼa. Biblia kachi ja ɨn ɨn nda cristiano jiniñuʼun “ja̱ ndujeé” (Efesios 4:23, 24). Nú skuaʼa ka-ní sɨkɨ Tuʼun Yandios ji ndutútú-ní nu̱u̱ nda reunión congregación, kutuʼva ka-ní sɨkɨ Jeová ji na̱sa kaa ini-Ya. Ndukú ka-ní naguá kuu saʼa-ní tanu saʼa-Ya. De nú jiniñuʼun sa̱ma-ní ja saʼa-ní tágua saʼa sii-ní ini Jeová.
3. ¿Na̱sa chíndeé Jeová nu̱u̱-ní tágua kutuʼva ka-ní sɨkɨ Tuʼun-Ya?
Biblia kachi: “de Ya̱a̱ Dios chi sa̱ʼá ya̱ ja̱ cuja va̱ʼa ini̱ ro jíín tu̱ʼun ya̱, jíín ja̱ cuiñi ni̱ʼin ro, de cua̱ʼa ya̱ fuerza ini̱ ro, de quendo̱o cutú ro níí cání” (1 Pedro 5:10). Nu̱u̱ ndɨʼɨ-yo kenda ji̱chi ja kuu saʼa-yo kuachi, de Jeová taji ja jiniñuʼun-yo tágua kundeé ini-yo (Salmo 139:23, 24, TNM). De suni, maa-Ya kachi-Ya ja taji-Ya nu̱u̱-ní ja ndakui ji ja kuu ini-ní tágua satiñu tu̱u̱n ini-ní nu̱u̱-Ya (kaʼvi-ní Filipenses 2:13).
NÁ KUTUʼVA KA-YO SƗKƗ TUʼUN YAʼA
Ná kundeʼe-yo naguá kuu saʼa-ní tágua kutuʼva ka-ní sɨkɨ Tuʼun Yandios ji na ja vaʼa taji Jeová nu̱u̱-ní.
4. Ma sndoo̱-ní ja ndatuʼun-ní jín amigo ja kitaʼan vaʼa ka jín-ní
Sáʼan ji ja skuaʼa-ní Biblia chíndeé nu̱u̱-ní ja kuu kitaʼan vaʼa ka-ní jín Jeová. ¿A kuu saʼa nda tiñu yaʼa ja kuu kuñati ka-ní nu̱u̱-Ya? ¿Na̱sa?
Ka kaʼvi-ní Salmo 62:8, TNM de ka ndatuʼun-ní sɨkɨ nda tuʼun yaʼa:
Ja saʼa vaʼa ka-ní sáʼan chíndeé nu̱u̱-ní ja ndasaʼa ndakui ka-ní ja kitaʼan-ní jín Jeová. ¿Na̱sa kuu saʼa-ní?
Ka kaʼvi-ní Salmo 1:2, TNM de ka ndatuʼun-ní sikɨ nda tuʼun yaʼa:
Ja kaʼvi ka-ní Biblia chíndeé nu̱u̱-ní ja ndasaʼa ndakui ka-ní ja kitaʼan-ní jín Jeová. ¿Na̱sa kuu saʼa-ní?
¿Na̱sa kuu kutuʼva ka-ní sɨkɨ Biblia ta skuaʼa matuʼun-ní? Tágua kuni-ní na̱sa saʼa-ní, ka kundeʼe-ní VIDEO. Ñukua de ka ndatuʼun-ní sɨkɨ nda tuʼun yaʼa:
¿Naguá ni kutuʼva-ní nu̱u̱ video ja kuu saʼa-ní?
¿Na sɨkɨ tuʼun taʼa̱n ini-ní skuaʼa-ní?
5. Chuʼun ini-ní saʼa ka-ní tiñu nu̱u̱ Jeová
Nú chuʼun ka ini-ní satiñu-ní nu̱u̱ Jeová ñukua chíndeé nu̱u̱-ní ja kuaʼnu ka-ní nu̱u̱ tuʼun-Ya. Ka kundeʼe-ní VIDEO de ka ndatuʼun-ní sɨkɨ nda tuʼun yaʼa:
¿Na̱sa ni chindeé nu̱u̱ Cameron ja ni chuʼun ini-ji satiñu ka-ji nu̱u̱ Jeová?
Ma sú ndɨʼɨ ñayí kuu kiʼin-ji nu̱u̱ inka ñuu tágua kuu kaʼan-ji Tuʼun Yandios. De ndɨʼɨ-yo kuu chuʼun ini-yo ja saʼa-yo tiñu ja kuu saʼa-yo. Ka kaʼvi-ní Proverbios 21:5, TNM de ka ndatuʼun-ní sɨkɨ na tiñu taʼa̱n ini-ní saʼa-ní nu̱u̱...
... congregación.
... ta kee-ní kaʼan-ní Tuʼun Yandios.
¿Na̱sa kuu chíndeé texto yaʼa tágua kenda-ní saʼa-ní ja kúni-ní?
Tiñu ja kuu saʼa-ní
Saʼa vaʼa ka-ní nda sáʼan ja saʼa-ní.
Kaʼvi-ní ndɨʼɨ Biblia.
Kuni-ní nda ñayí ja ndutútú nu̱u̱ congregación-ní.
Kuu kejaʼa-ní steʼen-ní nu̱u̱ inka ñayí sɨkɨ Tuʼun Yandios.
Kuu kuu-ní precursor auxiliar axi regular.
De nú kuu-ní teé, kuu chuʼun ini-ní ku̱ú-ní siervo ministerial.
6. ¡Kundee sii ini-ní nɨkani!
Ka kaʼvi-ní Salmo 22:26, TNM de ka ndatuʼun-ní sɨkɨ nda tuʼun yaʼa:
¿Naguá jiniñuʼun saʼa-ní tágua kundee sii ini-ní mita ji nɨkani?
JA NI KUTUʼVA-YO
Ndasaʼa ndakui ka-ní ja kitaʼan-ní jín Jeová ji chuʼun ka ini-ní satiñu-ní nu̱u̱-Ya. ¡Sukua ku̱ú kundee sii ini-ní nɨkani!
Tuʼun núku̱ʼun ini
¿Nakú kuu kuʼun kají ini-ní ja Jeová chíndeé-Ya nu̱u̱-ní tágua kuu satiñu tu̱u̱n ini-ní nu̱u̱-Ya?
¿Naguá kuu saʼa-ní tágua ja kitaʼan-ní jín Jeová koo ndakui ka?
¿Nakú kánuu tuni ja chuʼun ini-ní satiñu ka-ní nu̱u̱ Jeová?
NU̱U̱ NDANIʼI KA-NÍ TUʼUN
¿Naguá kuu ja kánuu tuni ka nu̱u̱ Jeová: a va̱chi ja ɨn ni̱ ji̱chi steʼen-yo ja chiñuʼun yo-Ya, axi ja nɨkani kuiñi tu̱u̱n-yo nu̱u̱-Ya?
Nde ɨn ñayí ja iñi tu̱u̱n-ji nu̱u̱ Jeová kuu nuu ini-ji. Kundeʼe-ní na̱sa ndu̱u̱ sii ini-ní.
¿Naguá jiniñuʼun tágua satiñu ka-yo nu̱u̱ Jeová ji chuʼun ini-yo saʼa-yo?
Kundeʼe-ní nakú kánuu tuni ja kuu-yo ɨn cristiano ja iyo tuʼva nu̱u̱ Tuʼun Yandios, ji na̱sa kuu saʼa-ní.