LECCIÓN 13
Nda religión túʼu̱n ka saʼa téʼén-ji sɨvɨ Yandios
Nú too ini Yandios de nda religión ka kachi-ji ja ka kaʼan-ji ji ka saʼa-ji tiñu nu̱u̱ sɨvɨ-Ya, ¿nakú ka saʼa-ji kuaʼa tuni tiñu ndevaʼa ini? Ka saʼa-ji sukua, sɨkɨ ja religión túʼu̱n ka kuu-ji. Ji nda tuʼun túʼu̱n ka kaʼan-ji ji ja ka saʼa-ji ka saʼa téʼén-ji sɨvɨ Yandios. ¿Na̱sa ka saʼa-ji sukua? ¿Na̱sa kuu ini-Ya sɨkɨ ja yaʼa? ¿De naguá saʼa-Ya sɨkɨ ja yaʼa?
1. ¿Na̱sa ka saʼa téʼén-ji sɨvɨ Yandios ji nda tuʼun túʼu̱n ja ka steʼen-ji?
Nda religión túʼu̱n “nduú ní ncándíja ji tu̱ʼun nda̱a̱ Ya̱a̱ Dios, chi sa tu̱ʼun stáʼví ni̱ ncandíja ji” (Romanos 1:25). Tanu kuu, kuaʼa nda religión yaʼa nduu ka steʼen-ji sɨvɨ Yandios. De Biblia, kachi ja jiniñuʼun kuatiñu-yo (Romanos 10:13, 14). Sava nda teé yosonu̱ú nu̱u̱ nda religión túʼu̱n ka kachi-de ja nú kenda ɨn tundoʼo Yandios ni tetiñu. De yaʼa chi tuʼun túʼu̱n kuu. Chi nda tundoʼo ja iyo ma sú kuachi-Ya kuu (kaʼvi-ní Santiago 1:13). Tuʼun kukuéká ini kuu ja yaʼa, chi sɨkɨ ja nda tuʼun túʼu̱n yaʼa saʼa ja kuji̱ka ñayí nu̱u̱ Yandios.
2. ¿Na̱sa ka saʼa téʼén-ji sɨvɨ Yandios jín nda tiñu ja ka saʼa-ji?
Nda religión túʼu̱n nduu ka kutoo-ji nda ñayí tanu saʼa Jeová. Biblia kachi “Chi ni̱ nca̱ya̱ cua̱ʼa̱ ndasí cua̱chi [...] jonde̱ andiví” (Apocalipsis 18:5). Nda religión yaʼa ja ni kuu kuaʼa ciento kuiya ja ka kɨ̱vɨnduu nu̱u̱ política, ka chíndeé nu̱u̱ kana̱á ji ka saʼa axi ka jeʼe tuʼun ja kúu̱ kuaʼa tuni ñayí. Iyo nda teé yosonu̱ú nu̱u̱ nda religión ja ka nevaʼa-ji ndatiñu ya̱ʼvi de ka jikan-ji xu̱ʼún nu̱u̱ nda ñayí iyo nu̱u̱ religión-ji tágua kunevaʼa-ji ndatiñu. Ndɨʼɨ ja ka saʼa-ji ka steʼen-ji ja nduu ka jíni̱-ji Yandios. Nusaá ¿na̱sa kuu ka kachi-ji ja ka saʼa-ji tiñu Yandios? (Kaʼvi-ní 1 Juan 4:8).
3. ¿Na̱sa kuu ini Yandios ta ndeʼe-Ya ja ka saʼa nda religión túʼu̱n?
Nú nduu taʼa̱n kuiti̱ ini-ní ja saʼa nda religión túʼu̱n, ¡kani ini-ní na̱sa kuu ini Jeová! Maa-Ya kutoo-Ya nda ñayí, de kɨtɨ̱ ini-Ya nu̱u̱ nda teé yosonu̱ú nu̱u̱ religión túʼu̱n sɨkɨ ja ka saʼa téʼén-ji sɨvɨ-Ya ji ja ka saʼa ndevaʼa-ji nda ñayí ka ndiki̱ nu̱u̱-ji. Yandios kachi-Ya ja xnaa-Ya nda religión túʼu̱n “De ma̱ núco̱o cuiti̱ ca̱ ja̱ cuni̱ o̱ nu̱u̱” (Apocalipsis 18:21). Jaku ka de xnaa-Ya ndɨʼɨ nda religión túʼu̱n (Apocalipsis 18:8).
NÁ KUTUʼVA KA-YO SƗKƗ TUʼUN YAʼA
Ná kundeʼe vaʼa ka-yo naguá jani ini Jeová sɨkɨ nda religión túʼu̱n. Suni kundeʼe ka-yo kuaʼa tuʼun sɨkɨ na tiñu ni ka saʼa nda religión yaʼa. De, ja sándiʼi kutuʼva-yo ja nda tiñu ka saʼa nda religión yaʼa ma saʼa ja sndoo̱-ní ja kutuʼva-ní sɨkɨ Jeová.
4. Yandios nduu jetaʼvi-Ya ndɨʼɨ nda religión
Kuaʼa ñayí ka kaʼan-ji ja nda religión kuu siin siin nda ichi tágua kenda-yo nu̱u̱ Yandios. ¿A ja nda̱a̱ kuu ja yaʼa? Ka kaʼvi-ní Mateo 7:13, 14 de ka ndatuʼun-ní sɨkɨ nda tuʼun yaʼa:
Tanu kachi Biblia, ¿na̱sa kaa ichi ja chuʼun ichí yoʼo nu̱u̱ ja kuteku nɨkani?
Ka kundeʼe-ní VIDEO de ka ndatuʼun-ní sɨkɨ nda tuʼun yaʼa:
¿A steʼen Biblia ja Yandios jetaʼvi-Ya kuaʼa nda religión?
5. Nda religión túʼu̱n nduu ka steʼen-ji ja too ini-ji tanu Yandios
Nda religión ka saʼa téʼén-ji sɨvɨ Yandios nu̱u̱ kuaʼa tiñu ka saʼa-ji ja nduu iyo vaʼa, de ɨn ja yaʼa kuu ja ka chíndeé-ji nu̱u̱ kana̱á. Ná kundeʼe-yo ɨn ejemplo, ka kundeʼe-ní VIDEO. Ñukua de ka ndatuʼun-ní sɨkɨ nda tuʼun yaʼa:
¿Naguá ni ka saʼa kuaʼa nda veñuʼun ta ni kana̱á xée̱n nu̱u̱ uu ji̱chi nu̱u̱ níí ñuuyɨvɨ́?
¿Naguá jani ini maa-ní sɨkɨ nda tiñu ja ni ka saʼa-ji?
Ka kaʼvi-ní Juan 13:34, 35 ji 17:16. Ñukua de ka ndatuʼun-ní sɨkɨ nda tuʼun yaʼa:
¿Na̱sa kuu ini Jeová ta nda religión ka kɨ̱vɨnduu-ji nu̱u̱ ja kana̱á?
Kuachi nda religión túʼu̱n kuu ja ka saʼa-ji tiñu ndevaʼa ini de nduu ka steʼen-ji ja too ini-ji tanu Yandios. ¿Na tiñu ja ndeʼe maa-ní steʼen ja sukua kuu?
Nda religión túʼu̱n nduu ka steʼen-ji ja too ini-ji tanu Yandios.
6. Yandios kúni-Ya chíndeé-Ya nda ñayí tágua kuu kee-ji nu̱u̱ religión túʼu̱n
Ka kaʼvi-ní Apocalipsis 18:4a de ka ndatuʼun-ní sɨkɨ nda tuʼun yaʼa:
Yandios kúni-Ya skáku-Ya nda ñayí ja ni ka stáʼvi nda religión túʼu̱n nu̱u̱-ji. ¿Naguá jani ini maa-ní sɨkɨ ja yaʼa?
7. Kutuʼva ka-ní sɨkɨ Yandios nda̱a̱
¿A kuachi Yandios kuu ja nda religión túʼu̱n nduu ka saʼa vaʼa-ji tiñu? Kani xini-ní nu̱u̱ ɨn seʼe ja nduu kandija-ji tuʼun vaʼa ja kaʼan ta̱tá-ji nu̱u̱-ji, de sndoo̱-ji veʼe-ji de nduu saʼa vaʼa-ji tiñu. Ta̱tá-ji nduu jetaʼvi-de tiñu saʼa-ji. ¿A kuu kachi-yo ja kuachi ta̱tá-ji kuu sɨkɨ nda tiñu ja nduu iyo vaʼa ja saʼa-ji?
¿A vaʼa kuu ja kachi-yo ja kuachi Jeová kuu sɨkɨ nda tiñu ndevaʼa ini ja ka saʼa nda religión túʼu̱n de sndoo̱-yo ja kutuʼva-yo sɨkɨ-Ya?
JA KACHI SAVA NDA ÑAYÍ: “Nduu kúni kuiti̱-sa kuni-sa sɨkɨ Yandios; religión ja ni saʼa ndevaʼa tuni-ji”.
¿A sukua jani ini-ní?
¿Nakú ma kuu kachi-yo ja kuachi Jeová kuu sɨkɨ nda tiñu ndevaʼa ini ja ka saʼa nda religión túʼu̱n?
JA NI KUTUʼVA-YO
Nda religión túʼu̱n ni ka saʼa téʼén-ji sɨvɨ Yandios jín nda tuʼun túʼu̱n ka steʼen-ji ji nda tiñu ndevaʼa ja ni ka saʼa-ji. Jaku ka de Yandios xnaa ndɨʼɨ-Ya nda religión yaʼa.
Tuʼun núku̱ʼun ini
¿Naguá jani ini maa-ní sɨkɨ nda tiñu ja ni ka saʼa ji ja ka steʼen nda religión túʼu̱n?
¿Naguá jani ini Jeová sɨkɨ nda religión túʼu̱n?
¿Naguá saʼa Yandios jín nda religión túʼu̱n?
NU̱U̱ NDANIʼI KA-NÍ TUʼUN
Kuaʼa nda religión nduu ka saʼa sii ini-ji nu̱u̱ Yandios sɨkɨ ja uu tiñu. Ná kundeʼe-yo nde kuu.
“¿A ndɨʼɨ nda religión saʼa ja kuñati-yo nu̱u̱ Yandios?” (Artículo nu̱u̱ jw.org)
¿Nakú kúni Jeová ja ná ndachiñuʼun yo-Ya nu̱u̱ ɨn grupo, de ma sú siin siin?
“¿A kánuu ja koo-yo nu̱u̱ ɨn religión?” (Artículo nu̱u̱ jw.org)
Ɨn sutu ni jani uu ini-de sɨkɨ religión-de. De ñukua nduu ni jási̱ nu̱u̱-de ja kutuʼva-de sɨkɨ Yandios nda̱a̱.
“Ɨn sutu sndoo̱-de veñuʼun” (¡Despertad!, yo̱o̱ febrero kuiya 2015)
Nu̱u̱ kuaʼa tuni kuiya, nda religión ka kaʼan-ji tuʼun túʼu̱n sɨkɨ Yandios de ka saʼa-ji ja kandija nda ñayí ja Yandios nduu vaʼa ini-Ya ji ja xée̱n tuni ini-Ya. Kutuʼva-ní sɨkɨ uni tuʼun túʼu̱n yaʼa.
“Tuʼun túʼu̱n ja saʼa ja kuji̱ka-yo nu̱u̱ Yandios” (La Atalaya, 1 yo̱o̱ noviembre kuiya 2013)