Heberu

Iesu na hahelaḡa tauna badana

3 Taunabunai, varavaragu helaḡamui e, umui danu Dirava ena boiboi ai e lalomui kau taumui, Iesu ba haeroa. Eda kamonai ai, ia na Dirava ese e siaia, eda hahelaḡa tauna badana. 2 E siaia Diravana na ia ese e kamonai henia, Mose ese Dirava ena bese lalonai e kamonai henia heḡereḡerena. 3 A ia ese hairai badana vada e abia, Mose ese hairai maraḡina e abia. Una danu namo; heḡereḡerena be ruma ikarana tauna e matauraia badamu, a e karaia rumana e matauraia maraḡimu. 4 Badina be ruma iboudiai na mai ikaradia taudia, a ḡau iboudiai ikaradia be Dirava. 5 Mose ese Dirava ena bese idoinai lalonai hesiai ḡaukarana e karaia ḡoevaḡoeva mai kamonaina ida, do bae gwaurai ḡaudia ihahedinaraidia. 6 A Keriso ese Dirava ena bese e biagua mai kamonaina ida, badina be ia na natuna dainai. lta na iena bese, eda haheauka bona eda helaro moaledia ta badinamu dainai.

12 Varavaragu e, nahuamui ba toho, ta ese lalona baine hadaia kerere, asi ena kamonai, bena Mauri Diravana baine rakatania na garina. 13 A daba daba idoidiai ba hahealo heheni, doini “Hari dina” ta gwauraiamu negana ai, kara dika ena koikoi ese lalomui baine ha-auka na garina. 14 Badina be ita na Keriso bamona, una dainai eda heabidadama baita badinaia tarika-tarika, matamana amo ela bona dokona. 15 Vada e hereva heḡereḡerena, eto,

16 Daidia gadona e kamonai, to ena badu e havaraia? Mose ese Aigupto amo e hakaudia lasi taudia iboudiai, ani? 17 Bona laḡani hari-ahui e badu henidiava taudia be daidia? Kara dika taudia, tano ḡaḡaena ai e mase ore, ani. 18 Ma daidia ia ese e gwau henidia hamata, ena laḡa-ani ai basie raka vareai eto? Gwau-edeede taudia, ani? 19 Taunabunai vada tame diba, asi edia kamonai dainai asie raka vareai.