STADI 1

Introdaksin Namona

Aposetolo Edia Kara 17:22

LALOHADAI BADANA: Emu introdaksin ai lalo ba veri, emu topik ba hahedinaraia, bona ba hahedinaraia dahaka dainai kamonai taudia ese emu topik bae laloa bada na namo.

EDE BA KARAIA TOMA?

Lalo ba veri. Kamonai taudia bae ura bae kamonaia ḡauna ta ba gwauraia, heḡereḡere henanadai ta, o tau ta ena hereva (statement), o ekspiriens ta, o TV eiava reidio edia nius ripot ta.

Emu tok ba heḡaeḡaelaia neganai, namona na kamonai taudia lalodia ba veri ḡaudia o idia ese e lalo badamu ḡaudia ba lalohadailai namonamo guna, badina emu introdaksin ai ba gwaurai ḡaudia haida be unu.
Emu topik ba hahedinaraia. Kamonai taudia bae laloparara totona, emu introdaksin ai emu topik bona tok o henimu badina na ba hahedinaraidia namonamo.
Ba hahedinaraia dahaka dainai emu topik na mai anina bada. Kamonai taudia bae durudia ḡaudia maorodia ba herevalai. Emu tok ese idia baine durudia diba dalana bae lalopararalaia namonamo danu namo.

Tok ba heḡaeḡaelaia negana ai, sibomu ba henanadai, ‘Egu kongrigeisin ai tadikaka bona taihu edia noho dalana be ede heto?’ Bena emu introdaksin ai unu ḡau haida ba herevalai diba.