STADI 6

Siri Ba Ḡaukaralaia Badina Ba Hahedinarai Namonamo

Ioane 10:33-36

LALOHADAI BADANA: Siri ta ba duahia murinai point idauna ta ba herevalaia na dia namo. To, namona na kamonai taudia ese bae itaia oi o duahia sirina na o herevalaiamu point e sapotiamu.

EDE BA KARAIA TOMA?

Hereva badadia ba gwaurai hedinarai. Siri ta ba duahia murinai, point badana e sapotiamu herevadia ba gwaurai danu. Readia unu hereva ba gwaurai hedinarai lou, eiava henanadai ta ba heni bena kamonai taudia ese edia haere ai unu hereva bae gwaurai danu.

Emu hereva haida amo siri ta o herevalaia lou neganai, namona na kamonai taudia ese bae itaia ḡauna na, edena dala ai Baibul na oi o hahedibalaiamu ḡauna e sapotiamu.
Point ba hahedinarai namonamo. Siri ba duahi badidia o gwauraimu negadiai, siri ena hereva badadia ese unu badi e sapotimu daladia na ba hahedinarai namonamo.

Siri ba herevalai negadiai, emu Baibul baine hekeho na namo. Unu amo kamonai taudia danu edia Baibul be kehomu, bona Baibul amo o herevalaimu ḡaudia na idia ese bae ita diba.
Siri ba badinaia dalana na simple dalana ta ai ba hahedinaraia. Point badana basie sapotiamu ḡau maraḡimaraḡidia na basio herevalai. Bema emu topik na kamonai taudia mai dibadia ḡauna, namona na idia ese point bae lalopararalaia namonamo ḡaudia haida mo bavabidia hidi.