STADI 12

Lalokau Bona Hemami

1 Tesalonika 2:7, 8

LALOHADAI BADANA: Mai hemamimu ida tok ba heni, bona ba hahedinaraia oi na kamonai taudia o lalodia badamu.

Kamonai taudia ba lalodia. O heḡaeḡaemu negadiai, sibomu ba henanadai kamonai taudia be dahaka metau e haheaukalaimu. Idia e abimu hemamidia na lalomu ai ba piksaia toho.
Hereva maorodia ba gwaurai. Kamonai taudia ba hagoadadia. Idia lalodia bae hahisi herevadia basio gwaurai, bona Iehova asi dibadia taudia o idia e abi daemu herevadia basio gwauraidia dika.
Lalokau ba hahedinaraia. Gadomu reḡena bona imamu o hamareremu daladia amo ba hahedinarai oi na kamonai taudia o lalodia badamu. Vairamu toana amo danu una ba hahedinaraia; kiri toana ba hahedinarai danu.

Tok o henimu eiava Buka Helaḡa o duahimu negadiai, oi na asio uramu kamonai taudia ese oi bae lalomu bada. Hemami na gabu maorona ai bona dala maorona ai ba hahedinaraia na namo. Hebogahisi bona lalokau dalana ai ba hereva.