Mai Lalomu Idoinai ida Ba Hahediba

Mai lalomu idoinai bo haroromu neganai, taunimanima na be uramu emu hereva bae kamonai. Danu be hahedinaraiamu ita ta harorolaiamu sivaraina na ta laloa badamu. Ena be eda kastom bona noho daladia na idauidau, to una kara na baita manadalaia diba. (Ro 12:11) Edena dalai?

Ginigunana na, o harorolaiamu sivaraina ba laloa. Ita ese “ḡau namodia haridia moaledia” ta harorolaimu na hahenamo bada. (Ro 10:15) Iharuana na, o harorolaiamu sivaraina ese kamonai taudia edia mauri be hanamoamu dalana ba laloa dobu. Oibe, sivarai namona bae kamonai na ḡau badana. (Ro 10:13, 14) Bona dokona na, mai emu ura ida ba hereva. Imamu ba hamarere daladia o vairamu toadia amo emu hemami ba hahedinaraia.

INA VIDIO BA ITAIA, HAHEDIBA TAUDIA IHALAODIA ḠAUKARANA BA MOALELAIA​—EMUI ḠAUKARA BE EDE BA HANAMO TOMA?​—MAI LALOMU IDOINAI IDA BA HAHEDIBA, BENA INI HENANADAI BA HAERELAIDIA:

• 

  Dahaka dainai Neeta na dia lalona idoinai Jade ena stadi e karaiava?

• 

  Dahaka ese Neeta e durua mai lalona idoinai ida Jade ena stadi e karaia?

• 

  Dahaka dainai eda kamonai taudia edia kara namodia baita lalodia?

• Mai laloda idoinai ida eda Baibul stiuden bona ma haida baita hadibadiamu ena namo be dahaka?