Hahine Badadia Bona Eregabe Hahinedia Ba Matauraidia

Baibul ese ita na e hadibadamu Kristen hahine bona tatau badadia na sinada bona tamada heḡereḡeredia baita kara henidia, bona eregabe taudia na kakada bona tadida heḡereḡeredia baita kara henidia. (1 Timoteo 5:1, 2 ba duahi.) Namona na tadikaka ese taihu na bae kara namo henidia bona bae matauraidia.

Tadikaka ta ese taihu ta na basine ḡahusia eiava e karaiamu karana ta amo taihu basine hahemaraia. (Iob 31:1) Namona na singul tadikaka ta ese ena kara amo singul taihuna ta basine koia unu amo baine laloa tadikaka na ia e ura heniamu.

Bema taihu ta na e uramu elda ediai ḡau ta baine henanadailaia eiava idia ese bae hamaoromaoroa ḡauna ta baine herevalaia, namona na elda ese ena hereva bae haeroa namonamo. Elda ese asi adavadia taihudia bae lalodia bada na namo.​—Ru 2:8, 9.

INA VIDIO BA ITAIA, HANAIHANAI IEHOVA ENA HESIAI TAUDIA BA LALOKAU HENIDIA​—VABU BONA IHAREHA, BENA INI HENANADAI BA HAERELAIDIA:

• 

  Edena dalai kongrigeisin taudia ese Taihu Myint enai lalokau e hahedinaraia?

• 

  Edena dalai kongrigeisin taudia edia lalokau karana ese hanua taudia e durudia?

• 

  Edena dalai kongrigeisin taudia edia lalokau karana ese Taihu Myint natuna kekenidia e durudia?

Ededia dala haida amo emu kongrigeisin ai taihu ediai lalokau ba hahedinaraia diba?