Gadomu Reḡena Ba Haidaua

Hereva Lada-isidia 8:4, 7

LALOHADAI BADANA: Gadomu reḡena ba habadaia bona ba hamaraḡia, o hereva ba veri, bona ba hereva haraḡaharaḡa eiava metairametaira amo lalohadai bona hemami ba hahedinarai.

EDE BA KARAIA TOMA?

• Gadomu reḡena ba habadaia bona ba hamaraḡia. Point badadia ba hahedinarai o kamonai taudia lalodia ba veri totona, gadomu reḡena ba habadaia. Bona Baibul ai hahemaoro herevadia o duahimu neganai danu unu ba kara toma. To, hahegoada herevadia eiava gari o lalometau herevadia o gwauraimu neganai, gadomu reḡena ba hamaraḡia.

• Hereva ba veria. Ḡau ta ena bada (size) eiava dala ta ena daudau (distance) ba herevalaia neganai, gadomu reḡena ba hadaea. To hebogahisi sivaraidia ba herevalai neganai, gadomu reḡena ba hadihoa.

• Hereva ena speed ba sensia. Moale herevadia ba gwaurai neganai, ba hereva haraḡaharaḡa. To point badana ta ba gwauraia neganai, ba hereva metairametaira.