Ba Hebogahisi

Iesu be Dahaka E Kara?

VIDIO: Iesu ese Hutuma E Bogadia Hisi

1. VIDIO ba itaia eiava Mareko 6:​30-34 ba duahidia. Bena ini henanadai ba haerelaidia:

1. Dahaka dainai Iesu bona ena aposetolo na e urava “gabu ḡaḡaena ta” baela?

2. Dahaka dainai Iesu na e ura hutuma baine hadibadia?

Iesu Ena amo Dahaka Ta Dibamu?

2. Taunimanima ta bogadia hisimu dainai, sivarai namona ta hadibalaidiamu bona ta durudiamu.

Iesu Ba Tohotohoa

3. Ba hakala namonamo. Kamonai tauna na nega ba henia ena hemami, lalohadai, bona se moalelaimu ḡaudia baine gwaurai. Ia e herevamu lalonai ena hereva na basio utua. Bo hakala namonamomu neganai, kamonai tauna na be dibamu iena lalohadai na o laloa badamu.

4. Kamonai tauna ba laloa. O herevalai ḡaudia ba lalo, bena sibomu ba henanadai:

1. ‘Dahaka dainai hereva momokani baine diba na namo?’

2. ‘Edena dala ai Baibul istadilaina karana ese hari bona nega vairai ena mauri baine hanamoa diba?’

5. Ia baine durua ḡaudia ba herevalai. Ba hadibaia Baibul istadilaina karana amo ena henanadai haeredia be dibamu bona e dibamu ḡaudia ese be duruamu.