IZAI

 2 A lesiel ekoute, ek A later pran kont,

Parski Zeova inn koze:

“Mo’nn elve ek grandi bann garson,

Me zot inn revolte kont mwa.

 3 Enn toro konn bien dimounn ki’nn aste li,

Ek enn bourik konn manzwar so proprieter;

Me Izrael pa konn mwa,*

Mo prop pep pena lintelizans.”

 4 Maler pou sa nasion ki fer pese la,

Sa pep ki ranpli ar erer la,

Zenerasion bann zom move, bann zanfan ranpli ar koripsion!

Zot inn abandonn Zeova;

Zot inn mank respe anver sa Kikenn Ki Sin dan Izrael la;

Zot inn vir ledo ar li.

Zot latet malad,

Ek zot leker bien malad.

 8 Finn abandonn tifi Sion kouma enn ti kabann dan enn karo rezin,

Kouma enn ti lakaz lapay dan enn karo kokom,

Kouma enn lavil ki’nn anserkle.

 9 Si Zeova Sef bann larme pa ti’nn kit de-trwa sirvivan pou nou,

Nou ti pou’nn vinn parey kouma Sodom,

Ek nou ti pou’nn resanble Gomor.

Mo’nn plin avek bann sakrifis bann mouton* ki brile,

Ek lagres bann zanimo ki’nn bien nouri,

Ek disan bann zenn toro, bann ti mouton, ek bann bouk pa fer mwa plezir.

12 Kan zot vinn devan mwa,

Kisann-la inn demann zot

Pou mars dan mo bann lakour?

Zot inn vinn enn fardo pou mwa;

Mo’nn fatige siport sa bann kitsoz-la.

15 Ek kan zot lev zot lame,

Mo kasiet mo lizie pou pa get zot.

Mem si zot fer boukou lapriyer,

Mo pa ekoute;

Zot lame ranpli ar disan.

16 Lav zot ek pirifie zot;

Aret fer bann move kitsoz devan mwa;

Aret fer seki pa bon.

17 Aprann pou fer seki bon, rod lazistis,

Koriz sa dimounn ki fer dominer la,

Defann drwa enn orfelin,*

Ek koz an faver enn vev.”

Mem si zot pese rouz vif,

Sa bann pese-la pou vinn blan kouma lanez,

Mem si zot rouz kouma enn latwal letof rouz fonse,

Zot pou vinn blan kouma lalenn.

19 Si zot dispoze pou ekoute,

Zot pou manz bann bon kitsoz ki ena dan sa pei-la.

20 Me si zot refiz ekoute ek zot rebele,

Zot pou detrir par lepe,

Parski sa sorti dan labous Zeova.”

Li ti ranpli ar lazistis;

Ladrwatir ti abitie res kot li,

Me aster-la ena bann kriminel.

22 Zot larzan inn vinn inpir,

Ek zot labier* inn melanze avek delo.

Zot pa fer enn orfelin* gagn lazistis,

Ek kan bann vev ena bann kees lakour, zame zot pa pran kont sa bann kees-la.

24 Ala kifer, vre Segner, Zeova Sef bann larme,

Sa Kikenn Ki Pwisan dan Izrael la dir:

“Gete! Mo pou debaras bann ki kont mwa,

Ek mo pou tir vanzans lor mo bann lennmi.

25 Mo pou pini twa,

Mo pou tir to bann salte kouma tir salte avek delo lasann,*

Ek mo pou tir tou to bann inpirte.

26 Mo pou redonn twa bann ziz kouma dan koumansman,

Ek to bann konseye kouma dan koumansman.

27 Mo pou reaste Sion avek lazistis,

Ek mo pou reaste so pep ki retourne avek ladrwatir.

28 Bann ki rebel ek ki fer pese pou detrir ansam,

Ek bann ki kit Zeova pou disparet.

29 Parski bann-la pou gagn onte akoz bann gran pie ki zot ti kontan,

Ek zot pou gagn onte akoz bann zardin* ki zot ti swazir.

30 Parski zot pou vinn kouma enn gran pie ki ena bann fey sek,

Ek kouma enn zardin ki pena delo.

31 Sa zom ki for la pou vinn parey kouma difil lin,*

Ek so travay pou kouma bann ti lapay ki pe brile ek ki pe anvole;

Toule-de pou brile ansam,

Pa pou ena personn ki pou tengn sa dife-la.”

 2 Dan bann dernie zour,*

Montagn lakaz Zeova

Pou etabli dan enn fason solid lao bann montagn,

Ek vremem li pou vinn pli ot ki bann kolinn,

Ek tou bann nasion pou mont ver li kouma enn lafoul.

“Vini, anou mont lor montagn Zeova,

Anou al dan lakaz Bondie Zakob.

Li pou montre nou ki semin nou bizin swiv,

Ek nou pou mars lor so bann semin.”

Parski lalwa* pou sorti dan Sion,

Ek parol Zeova pou sorti dan Zerizalem.

 4 Bondie pou azir kouma enn ziz parmi bann nasion,

Ek li pou remet bann kitsoz an-ord* konsernan boukou pep.

Zot pou fer zot lepe vinn bann zouti pou labour later,

Ek zot pou fer zot bann lans vinn bann laserp.

Enn nasion pa pou lev lepe kont enn lot nasion,

Ek zot pou nepli aprann lager.

 5 A bann desandan Zakob, vini,

Ek anou mars dan lalimier Zeova.

 6 Bondie to’nn abandonn to pep, bann desandan Zakob,

Parski zot pei ranpli ar bann kitsoz ki sorti dan Les;

Zot fer mazik parey kouma bann Filistin,

Ek ena boukou zanfan bann etranze parmi zot.

 7 Zot pei ranpli ar larzan ek lor,

Ek pa kapav kont kantite trezor ki zot ena.

Zot pei ranpli ar bann seval,

Ek pa kapav kont kantite kales ki zot ena.

Zot ador bann kitsoz ki zot inn fer avek zot prop lame,

Bann kitsoz ki zot inn fer avek zot prop ledwa.

 9 Ek kan bann zom kourbe, zot abes zotmem,

Akoz sa, to pa kapav pardonn zot.

10 Akoz koler Zeova ki fer per,

Ek so pouvwar ek so laglwar,

Rant dan ros ek kasiet dan lapousier.

11 Bann ki ena lorgey pou bes latet,

Ek bann ki arogan pou kourbe.

Sa zour-la pe vinn lor tou dimounn ki ena lorgey ek ki arogan,

Lor tou dimounn, ki li enn dimounn inportan ouswa enn ti-dimounn,

13 Lor tou bann pie sed dan Liban ki ot ek inportan,

Ek lor tou bann pie senn dan Basann,

14 Lor tou bann montagn ki ot,

Ek lor tou bann kolinn ki ot,

15 Lor sak latour ki ot ek sak miray ki solid,

16 Lor tou bann bato Tarsis,

Ek lor tou bann zoli bato.

17 Pou abes bann dimounn ki orgeye,

Ek bann ki arogan pou kourbe.*

19 Ek bann dimounn pou rant dan bann lakav ros,

Ek dan bann trou dan later,

Akoz koler Zeova ki fer per,

Ek so pouvwar ek so laglwar,

Later pou tranble dan enn gran laper, kan li leve.

20 Sa zour-la bann zom pou pran zot bann bondie ki pena valer ki an-arzan ek an-or,

Ki zotmem zot inn fer pou adore,

Ek zot pou zet zot ar bann lera miske ek bann sovsouri,

21 Pou ki zot kapav rant dan trou bann ros

Ek dan fant bann gran ros,

Akoz koler Zeova ki fer per,

Ek so pouvwar ek so laglwar,

Later pou tranble dan enn gran laper, kan li leve.

22 Pou zot prop bien, aret met zot konfians dan bann dimounn,

Ki bizin respire pou viv.*

3 Parski gete! vre Segner, Zeova Sef bann larme,

Pe tir dan Zerizalem ek dan Zida tou kalite led ek tou seki zot bizin,

Tou dipin ek tou delo,

 2 Bann zom for ek bann gerye,

Bann ziz ek bann profet, bann dimounn ki predir lavenir ek bann ansien,

 3 Bann sef,* bann dimounn inportan, ek bann konseye,

Bann ki konn bien fer mazik ek bann longanis profesionel.

 4 Mo pou fer bann garson vinn zot prins,

Ek se bann dimounn ki touletan sanz lide* ki pou diriz zot.

 5 Bann dimounn pou fer dominer avek zot kamarad,

Sakenn pou fer dominer ar so prosin.

Bann garson pou atak bann vie dimounn,

Ek bann dimounn ki pena linportans pou mepriz bann dimounn ki lezot respekte.

“Pa mwa ki pou swagn zot dimal;*

Mo pena ni manze ni linz dan mo lakaz.

 8 Zerizalem inn tonbe,

Ek Zida inn tonbe,

Parski zot inn rebel kont Zeova par zot bann parol ek zot bann aksion;

Zot pa montre respe dan so prezans ki ranpli ar laglwar.

 9 Zot figir mem kondann zot,

Ek zot pa onte pou koz lor zot bann pese, parey kouma bann abitan Sodom;

Zot pa esey kasiet sa.

10 Dir bann dimounn drwat ki tou pou pas bien pou zot;

Pou rekonpans zot pou seki zot fer.*

Li pou gagn maler,

Parski kouma li’nn fer ar lezot, koumsa mem pou fer ar li!

12 Me konsernan mo pep, so bann sef pe fer dominer ar li,

Ek se bann fam ki pe diriz li.

Mo pep, to bann sef pe fer twa tourn an ron,

Ek bann-la pe kree konfizion pou ki to pa kone ki semin to bizin pran.

13 Zeova pe prepar li pou akize;

Li pe debout pou pronons so santans lor bann pep.

“Zot finn bril karo rezin,

Ek seki zot inn kokin ar bann pov, li dan zot lakaz.

15 Kouma zot inn oze kraz mo pep

Ek fer dominer ar bann pov?” ala seki Segner Siprem,* Zeova Sef bann larme dir.

16 Zeova dir: “Parski bann tifi Sion zot arogan,

Zot marse latet ot,*

Zot fer zes avek zot lizie, kas-kas lerin kan zot marse,

Fer lasenn ki dan zot seviy* sone,

17 Zeova pou osi fer bann tifi Sion gagn bann lakok* lor zot koko latet,

Ek Zeova pou fer zot vinn sov.

18 Sa zour-la Zeova pou tir bann kitsoz ki rann zot zoli: zot bann lasenn seviy,

Zot bann bando ek zot bann bizou dan form lalinn,

19 Zot bann zanon,* zot bann brasle, ek zot bann vwal,

20 Zot bann foular pou latet, zot bann bizou pou lipie, ek zot bann sintir,

Zot bann flakon parfin, ek zot bann talisman,

21 Zot bann bag pou ledwa ek zot bann pouli,

22 Zot bann long rob pou bann lokazion spesial,

Zot bann rob ki zot mete lao zot bann linz, zot bann manto, ek zot bann sak,

23 Zot bann ti laglas ek zot bann linz an lin,*

Zot bann tok* ek zot bann vwal.

24 Olie parfin delwil balzam,* pou ena enn loder gate;

Olie enn sintir, pou ena enn lakord;

Olie enn zoli kwafir, zot latet pou sov;

Olie enn linz ki ser, zot pou ena enn linz an latwal sak;

Ek olie ki zot zoli, zot pou ena enn sikatris.*

25 To bann zom pou mor ar lepe,

Ek to bann zom for pou mor dan lager.

26 Bann lantre lavil pou an-dey ek tris,

Ek Sion pou asize anba.”

“Nou pou rod nou prop dipin

Ek nou pou rod nou prop linz;

Permet nou marye avek twa pou ki lepep konsider nou kouma to bann madam*

Pou tir tou nou laont.”*

5 Silvouple, les mo sant pou sa kikenn ki mo bien kontan la,

Enn sante lor sa kikenn ki mo kontan la ek lor so karo rezin.

Li’nn plant enn bon pie rezin rouz,

Li’nn ranz enn latour omilie karo-la,

Ek li’nn fouy enn plas pou kraz rezin.

Apre sa, li ti ena lespwar ki li pou gagn bann bon rezin,

Me karo-la ti gagn zis bann rezin sovaz.

 3 “Ek aster-la, zot bann abitan Zerizalem ek bann zom Zida,

Silvouple ziz ant mwa ek mo karo rezin.

 4 Ki mo ti kapav fer ankor pou mo karo rezin

Ki mo pa’nn fini fer?

Kifer li’nn gagn zis bann rezin sovaz,

Alor ki mo ti ena lespwar ki li ti pou gagn bann bon rezin?

 5 Aster-la, silvouple, les mo dir zot

Seki mo pou fer ar mo karo rezin:

Mo pou tir so baraz,

Ek pou bril karo-la.

Mo pou kraz so miray ros,

Ek bann dimounn pou mars lor la.

 6 Mo pou fer li vinn enn terin abandone;

Pa pou tay bann pie rezin ki ladan ouswa ras so bann lerb.

Li pou ranpli ar bann touf pikan ek bann move zerb,

Ek mo pou donn bann niaz lord pou pa fer lapli tom lor li.

 7 Parski karo rezin ki pou Zeova Sef bann larme, se pep* Izrael;

Bann zom Zida, se plantasion ki li ti bien kontan.

Li ti ena lespwar ki pou ena lazistis,

Me gete! ti ena linzistis;

Li ti pe atann ki ena ladrwatir,

Me gete! bann ki ti pe soufer akoz linzistis ti pe kriye.”

 8 Maler pou bann ki azout enn lakaz ar enn lot lakaz

Ek ki azout enn karo ar enn lot karo

Ziska ki nepli ena plas

Ek ki zis zot tousel ki viv dan pei-la!

 9 Zeova Sef bann larme inn fer serman dan mo zorey

Ki boukou bann lakaz, mem si zot gran ek zoli,

Pou vinn enn kitsoz ki fer per,

Kot personn pa pou reste.

10 Parski dis arpan* karo rezin pou prodir zis enn mezir bat* divin,

Ek enn homer* lagrin dible pou prodir zis enn efa* dible.

11 Maler pou bann ki lev boner gramatin pou bwar bann labwason ki ena lalkol,

Ek ki aswar bwar divin ziska bien tar ziska ki zot sou!

12 Zot ena laarp, bann instriman ki ena lakord,

Tanbourin, laflit, ek divin dan zot bann gran repa;

Me zot pa pran kont seki Zeova fer

Ek zot pa trouv travay so lame.

13 Alor mo pep pou al an exil

Parski zot mank konesans;

So bann zom inportan pou mor-de-fin,

Ek lepep an-antie pou mor-de-swaf.

14 Akoz samem Tom* inn ouver limem bien gran

Ek inn ouver so labous an gran, san okenn limit;

Ek seki zoli dan Zerizalem,* so bann lafoul ki fer tapaz,

Ek bann ki kontan fer tapaz kan zot amize,

Vremem pou desann ladan.

15 Ek bann dimounn pou kourbe,

Pou fer bann dimounn bes latet,

Ek pou fer bann dimounn ki ena lorgey bes latet.

16 Zeova Sef bann larme pou gagn laglwar gras-a so zizman;*

Vre Bondie, sa Kikenn Ki Sin la, pou sanktifie limem atraver lazistis.

17 Ek bann ti mouton pou manze koumadir zot dan zot patiraz;

Bann etranze pou manz dan bann landrwa abandone, kot avan ti ena bann zanimo ki bien nouri.

18 Maler pou bann ki ris zot bann pese ansam avek zot bann foste,

Parey kouma enn zanimo ki ris enn saret avek bann lakord.

19 Bann ki dir: “Ki li degaze fer so travay;

Ki sa vinn vit pou ki nou kapav trouv sa.

Ki proze* sa Kikenn Ki Sin dan Izrael la akonpli

Pou ki nou kapav konn sa!”

20 Maler pou bann ki dir ki seki bon li move ek seki move li bon,

Bann ki fer nwarte pas pou lalimier ek lalimier pas pou nwarte,

Bann ki met amer dan plas dou ek dou dan plas amer!

21 Maler pou bann ki krwar ki zot ena sazes

Ek ki krwar ki zot malin!

22 Maler pou bann ki for dan bwar divin

Ek pou bann ki enn spesialis dan melanz bann labwason ki ena lalkol,

23 Bann ki pran brayb pou deklar non koupab bann ki move

Ek bann ki refiz lazistis anver bann ki drwat!

24 Akoz sa, zot pou detrir parey kouma dife bril bann lapay

Ek bann lerb sek,

Zot bann rasinn pou pouri,

Ek zot bann fler pou fane kouma lapousier,

Parski zot inn rezet lalwa* Zeova Sef bann larme

Ek zot inn mepriz parol sa Kikenn Ki Sin dan Izrael la.

25 Ala kifer koler Zeova inn anflame kont so pep,

Ek li pou lev so lame kont zot ek li pou tap zot.

Bann montagn pou tranble,

Ek zot bann kadav pou kouma bann salte lor semin.

Akoz tousala, so koler pa’nn diminie,

Ek so lame ankor leve pou tap zot.

26 Li’nn met enn signal lor enn poto pou enn nasion ki bien lwin;

Li’nn soufle pou ki zot vini depi lot bout later;

Ek gete zot pe vini bien vit.

Sintir ki otour zot lerin bien atase,

Ek lase zot sandalet pa kase.

28 Tou zot bann fles inn bien fite,

Ek tou zot bann lark inn pare pou tire.

Sabo zot bann seval parey kouma ros,

Ek zot bann larou parey kouma enn siklonn.

29 Zot kriye parey kouma enn lion;

Parey kouma bann zenn lion zot kriye.

Zot pou grogne, zot pou trap zot viktim

Ek zot pou pran li ale san ki personn kapav sap li.

30 Sa zour-la zot pou grogn lor zot viktim,

Parey kouma lamer grogne.

Tou dimounn ki pou get sa pei-la pou trouv enn marenwar ek enn gran dezespwar;

Mem lalimier inn vinn nwar akoz bann niaz.

Mo koumadir enn dimounn mor,*

Parski bann parol ki sorti dan mo labous zot inpir,

Ek mo viv parmi enn pep ki ena bann parol ki inpir;

Parski mo lizie inn trouv Lerwa, Zeova Sef bann larme limem!”

Alor, to nepli koupab,

Ek to pese inn pardone.”

‘Zot pou kontign tande,

Me zot pa pou konpran;

Zot pou kontign trouve,

Me zot pa pou aprann nanye.’

10 Fer leker sa pep-la vinn dir kouma ros,

Fer zot zorey vinn sourd,

Ek kol zot lizie,

Pou ki zot pa trouve,

Ek zot pa tande,

Pou ki zot leker pa konpran,

Ek zot pa retourn ar mwa ek gagn gerizon.”

“Ziska ki bann lavil detrir net, ki pena okenn abitan,

Ki pena personn dan bann lakaz,

Ek ki pei-la detrir ek abandone;

12 Ziska ki Zeova fer bann dimounn al bien lwin

Ek ki enn bon parti pei-la abandone net.

“Sa pa pou reisi,

Ek sa pa pou arive.

 8 Parski kapital Siri se Damas,

Ek lerwa Damas se Rezinn.

 9 Kapital Efraim se Samari,

Ek lerwa Samari se garson Remalia.

Si zot pena enn lafwa for,

Zot pa pou an sekirite.”’”

 6 “Parski sa pep-la inn rezet bann delo Siloe* ki koul dousman

Ek zot inn al avek Rezinn ek garson Remalia,

 7 Alor gete! Zeova pou amenn kont zot

Bann delo Larivier* ki pwisan ek ki bien boukou,

Lerwa Lasiri ek tou so laglwar.

Li pou kouver tou so bann ti larivier,

Ek tou so bann rebor pou deborde,

 8 Ek li pou kouver pei Zida an-antie.

Li pou inonde, li pou rant partou, ek li pou ariv ziska likou;

Parey kouma enn zwazo li pou ouver so lezel lor to pei an-antie,

A Emaniel!”*

Dir seki zot anvi, me li pa pou reisi,

Parski Bondie avek nou!*

Fode pa zot per seki bann-la per;

Fode pa ki sa fer zot tranble.

13 Zeova Sef bann larme, se Li ki zot bizin konsider kouma sin,

Se Li ki zot bizin per,

Ek se Li ki bizin fer zot tranble.”

14 Pou toule-de rwayom Izrael,

Li pou vinn kouma enn plas ki sakre,

Me osi kouma enn ros ar ki dimounn pou tape

Ek kouma enn gro ros ki pou fer dimounn tonbe.

15 Boukou parmi zot pou kogne, pou tonbe ek pou blese;

Pou piez zot ek pou trap zot.

16 Anroul atestasion-la;

Met enn sele lor lalwa* ek donn li mo bann disip!

 2 Bann dimounn ki ti pe mars dan nwar

Inn trouv enn gran lalimier.

Ek pou bann ki ti pe res dan pei kot ena enn gran lonbraz,

Lalimier inn ekler zot.

 3 To’nn fer nasion-la vinn boukou;

To’nn fer li gagn enn gran lazwa.

Zot dan lazwa devan twa

Parey kouma bann dimounn dan lazwa pandan lepok rekolt,

Parey kouma bann dimounn ki partaz seki zot inn gagne dan lager, dan lazwa.

 4 Parski to finn kraz bout-bout fardo ki pez lor zot,

Baton ki lor zot zepol, baton zot bann responsab travay,

Parey kouma dan lepok Madian.

 5 Tou bot ki fer later tranble kan li marse

Ek tou linz ki’nn tranpe dan disan

Pou servi sa pou fer dife.

 6 Parski enn zanfan inn ne pou nou,

Inn donn nou enn garson;

Ek responsabilite pou dirize* pou lor so zepol.

 7 So regn* pou kontign ogmante

Ek lape, zame pa pou fini

Lor tronn David ek lor so rwayom.

So rwayom pou stab ek for

Gras-a lazistis ek ladrwatir,

Depi aster-la mem ek pou touletan.

 8 Zeova inn avoy enn parol kont Zakob,

Ek parol-la inn tom lor Izrael.

 9 Ek lepep an-antie pou konn sa,

Efraim ek bann abitan Samari,

Ki pe dir avek enn leker ranpli ar lorgey ek larogans:

10 “Bann lakaz zot blok inn tonbe,

Me nou pou aranz zot avek bann ros ki’nn taye.

Inn koup bann pie sikomor,

Me nou pou ranplas zot avek bann pie sed.”

11 Zeova pou fer bann lennmi Rezinn dres kont li*

Ek li pou pous so bann lennmi pou azir,

12 Siri depi Les ek Filisti depi Lwes,*

Zot pou devor Izrael avek zot labous gran ouver.

Akoz tousala, so koler pa’nn diminie,

Ek so lame ankor leve pou tap zot.

13 Parski lepep pa’nn retourn ar sa Kikenn ki tap zot la;

Zot pa’nn rod Zeova Sef bann larme.

14 Dan enn sel zour, Zeova pou tir dan Izrael

Latet ek lake, bourzon ek long lerb.*

15 Latet reprezant bann ansien ek bann dimounn ki lezot bien respekte,

Ek lake reprezant bann profet ki pe donn bann fos linstriksion.

16 Bann ki pe diriz sa pep-la pe fer zot tourn an-ron,

Ek bann ki pe les zot dirize, zot dan konfizion.

17 Ala kifer Zeova pa pou kontan zot bann zennzan,

Ek li pa pou ena pitie pou zot bann orfelin* ek zot bann vev,

Parski zot tou inn rebel kont Bondie* ek pe fer seki move

Ek tou bann labous pe dir bann koze ki pena sans.

Akoz tousala, so koler pa’nn diminie,

Ek so lame ankor leve pou tap zot.

18 Parski bann move kitsoz pe brile kouma enn dife,

Ki pe devor bann touf pikan ek bann move-zerb.

Zot pou met dife dan bann touf dan lafore,

Ek zot pou vinn bann niaz lafime ki pou monte.

19 Dan gran koler Zeova Sef bann larme

Inn met dife dan pei-la,

Ek dife-la pou bril lepep.

20 Enn pou koup dan kote drwat,

Me li pou kontign gagn fin;

Ek enn pou manz dan kote gos,

Me so vant pa pou plin.

Sakenn pou devor laser so prop lebra,

21 Manase pou devor Efraim,

Ek Efraim pou devor Manase.

Akoz tousala, so koler pa’nn diminie,

Ek so lame ankor leve pou tap zot.

10 Maler pou bann ki etabli bann lalwa pou fer ditor,

Ki touletan ekrir bann lalwa pou fer lezot dominer,

 2 Ki refiz donn bann pov zot drwa,*

Ki anpes bann ti-dimounn parmi mo pep gagn lazistis,

Ki pran tou seki bann vev ena,

Ek depouy bann orfelin!*

 3 Ki to pou fer zour ki pou bizin rann bann kont,*

Kan destriksion pou vini depi bien lwin?

Ver kisann-la to pou sove pou al rod led,

Ek kotsa to pou kit to bann dibien?*

 4 Pa pou ena okenn lezot swa apart azenou devan bann prizonie

Ouswa tom parmi bann kadav.

Akoz tousala, so koler pa’nn diminie,

Ek so lame ankor leve pou tap zot.

 5 “Gete! bann Asirien,

Se baton ki mo servi pou exprim mo koler

Ek mo pe servi baton ki dan zot lame pou kondane!

 6 Mo pou avoy zot kont enn nasion ki’nn rebel kont Bondie,*

Kont enn pep ki’nn fer mwa bien ankoler;

Mo pou donn bann Asirien lord pou pran tou zot bann dibien ek pou ras tou ar zot,

Ek pou mars lor zot parey kouma mars dan labou lor sime.

 7 Me zot pa pou ena sa lintansion-la,

Ek dan zot leker zot pa pou pans dan sa fason-la;

Parski lintansion zot leker se pou detrir tou,

Se pou detrir boukou pep, pa zis enn tigit.

 8 Parski zot dir,

‘Eski tou nou bann prins pa bann lerwa?

10 Mo lame inn pran bann rwayom ki pou bann bondie ki pena valer,

Ki ti ena pli boukou zidol ki Zerizalem ek Samari!

11 Eski mo pa pou fer parey ar Zerizalem ek so bann zidol,

Kouma mo’nn fer ar Samari ek so bann bondie ki pena valer?’

12 “Kan Zeova pou fini tou so travay lor Montagn Sion ek dan Zerizalem, Li* pou pini lerwa Lasiri akoz so leker insolan, ek so regar fier ek arogan. 13 Parski li dir, ‘Mo pou fer sa avek lafors mo lame

Ek avek mo sazes, parski mo ena sazes.

Mo pou tir bann frontier ant bann pep,

Mo pou pran tou zot trezor,

Ek kouma enn kikenn ki pwisan mo pou fer zot bann abitan soumet ar mwa.

14 Mo lame pou pran bann kitsoz ki bann pep ena,

Parey kouma enn zom avoy so lame dan enn nik;

Mo pou rasanble later antie,

Parey kouma enn kikenn rasanble bann dizef ki’nn abandone!

16 Akoz sa vre Segner, Zeova Sef bann larme,

Pou fer zot bann zom ki gro, deperi,

Ek li pou alim enn dife anba zot laglwar.

17 Lalimier Izrael pou vinn kouma enn dife,

Ek sa Kikenn Ki Sin dan Izrael la pou vinn enn laflam;

Dan enn sel zour li pou bril ek devor so bann move zerb ek so bann touf pikan.

18 Bondie pou detrir net zoli lafore ek zoli verze Lasiri;

Li pou vinn parey kouma enn zom malad ki pe deperi.

19 Pou res telman tigit pie dan so lafore,

Ki enn zanfan pou kapav ekrir ki kantite ena.

20 Sa zour-la bann ki ankor dan Izrael

Ek bann desandan Zakob ki ankor vivan,

Pou nepli kont lor sa kikenn ki ti tap zot la;

Me avek fidelite zot pou kont lor Zeova,

Sa Kikenn Ki Sin dan Izrael la.

21 Zis enn tigit ki’nn reste,

Enn tigit ki’nn reste parmi bann desandan Zakob, ki pou retourn ver Bondie For.

22 Parski mem si to pep, A Izrael,

Zot kouma bann lagrin disab dan bor lamer,

Zis enn tigit parmi zot ki reste ki pou retourne.

Inn fini desid pou detrir zot net,

Ek pinision* pou kouver zot.

23 Wi, desizion pou detrir zot net ki Segner Siprem,* Zeova Sef bann larme, inn pran

Pou realize dan pei-la an-antie.

27 Sa zour-la pou tir pwa ki zot ti met lor to zepol,

Ek fardo ki zot ti met lor to likou,

Ek fardo-la pou kase akoz delwil-la.”*

28 Zot inn ariv Ayat;

Zot inn pas par Migronn;

Zot inn kit zot bagaz Mikmash.

29 Zot inn travers delo;

Zot inn pas lanwit dan Geba;

Rama tranble, bann abitan Gibea, lavil kot Sail sorti, inn sove.

Zot pou lev zot koutpwin pou menas montagn tifi Sion,

Kolinn Zerizalem.

33 Gete! Vre Segner, Zeova Sef bann larme,

Pe koup bann brans ki pe fer enn gran tapaz kan zot tonbe;

Li pe koup bann pli gran pie,

Ek li pe zet anba bann gro pie.

34 Li pe koup bann touf dan lafore avek enn zouti an metal,*

Ek Liban pou tonbe par enn kikenn ki for.

11 Enn ti brans pou sorti dan siko Zese,

Ek enn bourzon ki sorti dan so rasinn pou raport bann frwi.

 2 Lespri Zeova pou lor li,

Lespri sazes ek lintelizans,

Lespri ki fer li donn bann bon konsey ek ki pwisan,

Lespri konesans ek enn gran respe pou Zeova.

Li pa pou ziz dapre seki li trouve avek so lizie,

Ek li pa pou koriz zis dapre seki li tande avek so zorey.

 4 Li pou ziz bann ti-dimounn avek lazistis,*

Ek li pou rann lazistis an faver bann dimounn ki ena douser lor later.

Ek avek baton so labous li pou tap later

Ek li pou touy bann move dimounn avek ler ki li soufle ar so labous.

 5 Lazistis pou kouma enn sintir otour so lerin,

Ek fidelite pou kouma enn sintir otour so laans.

 6 Enn loulou pou res inpe letan avek enn ti mouton,

Enn leopar pou dormi avek enn ti kabri,

Ek enn ti toro, enn zenn lion, ek bann zanimo ki bien nouri, zot tou pou ansam;*

Ek enn ti garson pou diriz zot.

 7 Enn vas ek enn lours pou manze ansam,

Ek zot bann tipti pou dormi ansam.

 8 Enn ti-baba ki ankor pe bwar ar so mama

Pou zwe akote trou kot enn kobra reste,

Ek enn ti zanfan ki’nn aret bwar ar so mama

Pou met so lame lor trou kot enn serpan ki anpwazone reste.

 9 Zot pa pou fer okenn ditor,

Ni okenn dega dan tou mo montagn ki sin,

Parski vremem later pou ranpli avek konesans Zeova

Parey kouma delo kouver lamer.

Bann nasion pou tourn ver li pou ki li gid zot,*

Ek plas kot li repoze pou ranpli ar laglwar.

13 Efraim pou nepli zalou,

Ek bann ki ena laenn pou Zida pou disparet net.

Efraim pa pou zalou Zida,

Ek Zida pa pou ena laenn pou Efraim.

14 Zot pou desann bien vit lor bann lapant pei bann Filistin dan kote Lwes;

Ansam zot pou depouy bann dimounn ki dan Les.

Zot pou pran kontrol lor Edom ek Moab,

Ek bann Amonit pou vinn pou zot.

15 Zeova pou diviz labe* lamer Lezip*

Ek li pou lev so lame kont Larivier.*

Li pou tap so* set larivier avek ler bien so ki li soufle,*

Ek li pou permet bann dimounn travers li avek zot sandalet dan zot lipie.

16 Ek pou ena enn gran semin ki sorti Lasiri pou leres so pep ki’nn reste,

Parey kouma ti ena pou Izrael zour ki li ti sorti dan pei Lezip.

“Mo remersie twa, A Zeova,

Parski mem si to ti ankoler ar mwa,

Tigit-tigit to koler inn kalme, ek to’nn rekonfort mwa.

Mo pou ena konfians ek mo pa pou per nanye;

Parski Ya,* Zeova, limem mo lafors ek mo pwisans,

Ek li’nn vinn mo sover.”

 3 Avek lazwa zot pou tir delo

Dan bann lasours delivrans.

“Remersie Zeova, loue* so nom,

Fer bann pep konn so bann aksion!

 6 Kriy bien for, twa* ki res dan Sion, kriye avek lazwa,

Parski sa Kikenn Ki Sin dan Izrael la, gran parmi twa.”

Apel zot, fer sign ar zot lame,

Pou ki bann-la kapav rant par laport bann dimounn ki sorti dan bann gran fami.

Mo’nn demann mo bann gerye pou vini pou exprim mo koler,

Sa fer zot ena lazwa ek ena lorgey.

 4 Ekoute! Ena enn gran lafoul dan bann montagn;

Se koumadir enn gran pep!

Ekoute! Bann rwayom ek bann pep ki’nn rasanble ansam,

Pe fer tapaz!

 5 Zeova ek bann zarm so koler,

Pe sorti depi enn pei bien lwin,

Depi lot bout lesiel,

Pou amenn enn destriksion partou lor later.

 7 Ala kifer tou bann lame pou vinn feb,

Ek leker tou bann zom pou ranpli ar laper.

Zot pe gagn kontraksion ek douler,

Parey kouma enn madam ki pe gagn zanfan.

 9 Gete! Zour Zeova pe vini,

Avek laraz ek enn gran koler.

Sa zour-la pou bien kriyel,

Ek pou fer pei-la vinn enn kitsoz ki fer per,

Ek pou touy tou bann dimounn ki fer pese dan pei-la.

10 Parski bann zetwal ki dan lesiel

Ek zot bann konstelasion* pou nepli briye;

Soley pou vinn nwar kan li leve,

Ek lalinn pou nepli donn so lalimier.

11 Mo pou demann bann dimounn lor later

Pou rann kont pou bann move kitsoz ki zot fer,

Ek mo pou demann bann move dimounn

Pou rann kont pou zot bann erer.

Mo pou aret lorgey bann vantar,

Ek mo pou rabes larogans bann ki violan.

12 Mo pou fer bann imin vinn pli rar ki lor ki’nn rafine,

Ek bann dimounn vinn pli rar ki lor Ofir.

13 Ala kifer, mwa, Zeova Sef bann larme,

Mo pou fer lesiel tranble,

Ek later tranble pou ki li sorti dan so plas

Parski zour mo gran koler, mo koler pou kouma enn dife ki pe brile.

14 Parey kouma enn gazel ki pe sove parski enn saser pe lasas li

Ek parey kouma enn troupo ki pena personn pou rasanble li,

Sakenn pou retourn ar so pep;

15 Bann lennmi pou transpers ninport kisann-la ki zot trouve,

Ek zot pou touy avek lepe ninport kisann-la ki zot trape.

16 Bann lennmi pou masakre zot zanfan devan zot lizie,

Pou kokin tou seki ena dan zot lakaz,

Ek pou viol zot bann fam.

17 Mo pe avoy kont zot bann abitan Medi,

Ki konsider larzan kouma enn nanye ditou,

Ek ki pa interese ar lor.

18 Bann-la zot lark pou kas zot bann zennzan bout-bout;

Bann-la pa pou montre okenn pitie pou bann ti-baba ki dan vant

Ek okenn konpasion pou bann zanfan.

19 Ek Babilonn, rwayom ki ena plis laglwar ki tou lezot rwayom,

Bote ek fierte bann Kaldeen,

Pou vinn parey kouma Sodom ek Gomor kan Bondie ti detrir zot.

20 Zame personn pa pou res laba,

Ni personn pa pou viv dan sa plas-la zenerasion apre zenerasion.

Okenn Arab pa pou pik so latant dan sa plas-la,

Ek okenn berze pa pou amenn so troupo laba.

21 Bann zanimo ki viv dan dezer pou dormi laba;

Zot bann lakaz pou ranpli avek bann ibou.

Bann otris pou res laba,

Ek bann kabri sovaz* pou sot-sote laba.

22 Bann zanimo sovaz pou irle dan so bann latour,

Ek bann lisien sovaz* pou irle dan so bann gran-gran pale.

 5 Zeova inn kas baton sa kikenn ki move la,

Baton bann ki dirize,

 6 Sa kikenn ki avek gran koler pe kontign tap bann pep la,

Sa kikenn ki avek koler pe fer bann nasion soumet ar li la ek pe kontign persekit zot.

 8 Mem bann pie zenevriye ek pie sed ki sorti Liban,

Kontan pou twa.

Zot dir, ‘Depi ki to’nn tonbe,

Okenn bisron pa’nn vinn koup nou.’

 9 Mem Tom* ki anba, dan enn gran lazitasion,

Pou akeyir twa kan to vini.

Akoz twa, li pe lev tou bann ki’nn mor,*

Tou bann sef* ki ti pe fer dominer lor later.

10 Zot tou pe koze ek pe dir twa,

‘Eski twa osi to’nn vinn feb parey kouma nou?

11 Finn fer to grander desann dan Tom,*

Ansam avek lamizik to bann instriman ki ena lakord.

Bann moutouk inn tale anba twa koumadir enn lili,

Ek bann lever pe kouver twa kouma enn dra.’

12 Gete kouma to finn tonbe depi lesiel,

Twa ki briye, garson soley ki leve!

Gete kouma finn tir twa lor later,

Twa ki’nn gagn laviktwar lor bann nasion!

Mo pou lev mo tronn pli lao ki bann zetwal Bondie,

Ek mo pou asiz lor montagn kot fer renion,

Dan bann parti pli lwin dan Lenor.

14 Mo pou mont pli lao ki bann niaz;

Mo pou fer mwa vinn parey kouma sa Kikenn Ki Pli Lao la.’

15 Okontrer, pou fer twa desann dan Tom,*

Dan parti pli profon dan sa trou-la.

16 Bann ki trouv twa pou fixe twa;

Zot pou examinn twa bien ek dir,

‘Eski se limem sa zom ki ti pe fer later tranble la,

Ek ki ti pe fer bann rwayom tranble?

17 Eski se limem ki’nn fer later vinn kouma enn dezer,

Ek ki’nn gagn laviktwar lor bann lavil?

18 Tou bann lezot lerwa bann nasion,

Wi, zot tou, pe alonze dan laglwar,

Sakenn dan so tom.*

19 Me twa, finn zet twa ek pa finn donn twa enn tom,

Parey kouma enn bourzon* ki bann dimounn deteste,

Finn kouver twa ar bann dimounn mor ki’nn gagn kout lepe,

Ki’nn zete dan enn trou kot ena bann ros,

Parey kouma enn kadav lor ki nou marse.

20 To pa pou zwenn zot dan enn tom,

Parski to’nn detrir to prop pei,

To’nn touy to prop pep.

21 Prepar enn plas pou touy so bann garson,

Parski zot bann anset koupab,

Pou ki zot pa leve ek kontrol later,

Ek ranpli lemond avek zot bann lavil.”

“Seki mo ti ena lintansion fer, samem pou arive,

Ek seki mo finn deside, samem pou realize.

25 Mo pou kraz bann Asirien dan mo pei,

Ek mo pou pil lor bann-la dan mo bann montagn.

Mo pou tir fardo ki bann-la inn met lor mo pep,

Ek mo pou tir pwa ki bann-la inn met lor zepol mo pep.”

26 Ala seki finn deside* kont later an-antie,

Ek ala lame ki’nn leve kont* tou bann nasion.

27 Parski Zeova Sef bann larme limem ki’nn desid sa,

Ek kisann-la kapav anpes sa arive?

Li lev so lame,

Ek kisann-la kapav fer li bes so lame?

29 “Filisti an-antie, fode pa ki to dan lazwa

Parski baton sa kikenn ki ti pe tap twa la inn kase.

Depi rasinn serpan-la, enn serpan anpwazone pou sorti,

Ek so desandan pou kouma enn serpan ki ena venin, ki rapid.*

30 Pandan ki premie-ne bann ti-dimounn pou manze

Ek ki bann pov pou dormi an sekirite,

Mo pou touy to rasinn avek lafaminn,

Ek pou touy seki reste parmi twa.

Parski enn lafime pe sorti depi Lenor,

Ek parmi tou bann lennmi, personn pa pe res an-aryer.”

Zot pou dir bann-la ki Zeova inn poz fondasion pou Sion,

Ek ki bann ti-dimounn parmi so pep pou al rod proteksion dan sa lavil-la.

Parski li’nn detrir net dan enn sel lanwit,

Finn fer Ar dan Moab res trankil.

Parski li’nn detrir net dan enn sel lanwit,

Finn fer Kir dan Moab res trankil.

 2 Li’nn mont dan Tanp* ek dan Dibon,

Dan bann plas dan oter pou plore.

 4 Esbonn ek Eleale pe kriye;

Pe tann zot lavwa ziska Zaaz.

Amezir ki zot pe mont lamontan Lwit, zot pe plore;

Lor zot semin pou Oronayim zot pe plore, akoz maler ki’nn arive.

 6 Bann delo Nimrim inn vinn enn dezer;

Lerb ver inn sek net,

Nepli ena lerb, ek nepli ena nanye ki ver.

 7 Akoz sa, seki’nn reste dan zot bann stor ek dan zot bann dibien,

Zot pe pran zot pe ale;

Pe tann zot kriye ek plore ziska Eglayim;

Pe tann zot kriye ek plore ziska Beer-Elim.

 9 Parski bann delo Dimon ranpli ar disan,

Ek mo pou avoy ankor maler lor Dimon:

Mo pou avoy enn lion pou bann dimounn Moab ki pe sove

Ek pou bann ki’nn reste dan pei-la.

16 Avoy enn mouton mal pou dirizan sa pei-la,

Depi Sela, pas dan dezer

Pou al ziska montagn tifi Sion.

 2 Parey kouma enn zwazo ki’nn gagn pouse depi so nik,

Koumsa mem bann tifi Moab pou ete dan bann delo Arnon.

Sa kikenn ki fer dominer la pou disparet,

Destriksion pou fini,

Ek bann ki mars lor lezot pou disparet lor later.

Sa kikenn ki pou asiz lor sa tronn-la dan latant David, pou fidel;

Li pou ziz avek lazistis ek li pa pou tarde pou aplik seki drwat.”

 6 Nou’nn tann koz lor lorgey Moab—li bien fier—

So larogans, so lorgey, ek so gran koler;

Me so bann gran-gran koze pa pou amenn nanye.

 7 Alor Moab pou kriye ek plore pou Moab;

Zot tou pou kriye ek plore.

 8 Bann karo Esbonn finn sek,

Karo pie rezin Sibma inn mor,

Bann dirizan bann nasion finn kraz so bann brans rouz vif;*

Bann brans-la ti’nn ariv ziska Zazer;

Zot ti’nn mem ariv ziska dan dezer.

Avek mo bann larm mo pou mouy twa net, A Esbonn ek Eleale,

Parski bann ki rekolte sereal ek bann frwi lete nepli pe kriye avek lazwa.*

10 Lazwa ek kontantman finn disparet dan verze,

Ek dan bann karo rezin nepli tann bann dimounn sante ouswa kriye avek lazwa.

Personn nepli pe kraz rezin dan preswar,

Parski mo’nn fer bann dimounn aret kriye ar lazwa.

11 Se akoz sa ki mo bann andan pe tranble parski mo tris pou Moab,

Parey kouma bann difil vibre lor enn laarp,

Ek andan mo pe plore akoz Kir-Areset.

“Gete! Damas pou nepli enn lavil,

Ek li pou vinn enn pil ros.

 2 Bann lavil Aroer pou abandone,

Zot pou vinn bann plas kot bann troupo repoze,

Pa pou ena personn ki pou fer zot per.

 3 Dan Efraim pou nepli ena bann lavil ki antoure ar bann miray,

Ek Damas pou nepli ena rwayom;

Ek laglwar bann ki’nn reste dan Siri pou disparet,

Parey kouma laglwar bann Izraelit,” ala seki Zeova Sef bann larme dir.

 4 “Sa zour-la laglwar Zakob pou diminie,

Ek so lekor ki an bonn sante pou vinn enn sak lezo.

 5 Sa zour-la pou parey kouma kan fer rekolt bann lagrin

Ek kan rekolte bann zepi dible,

Li pou parey kouma kan ramas bann lagrin ki’nn reste dan Vale Refaim.

 6 Pou res zis enn tigit frwi mem dan karo,

Parey kouma kan tap bann brans enn pie zoliv:

Zis de ouswa trwa zoliv mir ki pou res lor brans ki pli lao,

Pou res zis kat ouswa sink frwi lor so bann brans ki raporte,” ala seki Zeova Bondie Izrael dir.

 9 Sa zour-la zot bann lavil ki antoure ar bann miray, pou vinn parey kouma bann landrwa ki’nn abandone dan bwa,

Parey kouma enn brans ki ti abandone devan bann Izraelit;

Li pou vinn enn terin ki’nn abandone.

10 Zot inn bliye Bondie ki’nn sap zot;

Zot pa’nn rapel sa Ros ki protez zot la.

Se akoz sa ki zot pe fer bann zoli plantasion,*

Ek zot inn met bourzon enn etranze* ladan.

11 Dan lazourne zot bien met baraz otour zot plantasion,

Dan gramatin zot fer zot lagrin zerme,

Me zour kot ena maladi ek douler ki pa kapav geri, rekolt pou disparet net.

12 Ekoute! Boukou pep pe fer enn ta tapaz,

Parey kouma enn lamer ki demonte!

Bann nasion pe fer tapaz,

Parey kouma son bann gro delo!

Li pou kriy ar zot, ek zot pou sove zot pou ale,

Zot pou sove, parey kouma bann lapay ki lor bann montagn ki divan pouse,

Kouma enn touf pikan ki pe roule dan enn siklonn.

Ala seki pou ariv bann ki pe depouy nou,

Ek bann ki pe pran tou seki nou ena.

18 Maler pou pei kot tann tapaz lezel bann insekt

Dan rezion bann larivier Letiopi!

 2 Pei-la pe avoy bann mesaze travers lamer,

Dan bann bato ki’nn fer ar papiris, ek li dir:

“Ale, zot bann mesaze ki rapid,

Al ver enn nasion ki so bann dimounn long ek zot lapo lis,

Ver enn pep ki dan tou landrwa bann dimounn per,

Ver enn nasion ki so bann dimounn for, ek ki gagn laviktwar,*

Ki so bann larivier sarye later ale.”

 3 Zot tou ki res dan pei ek ki res lor later,

Seki zot pou trouve pou kouma enn signal* ki’nn leve lor bann montagn,

Ek zot pou tann enn son ki kouma son enn korn.

“Mo pou res kalm ek mo pou get* mo plas ki’nn bien etabli,

Parey kouma saler ki ena kan ena lalimier soley,

Parey kouma niaz laroze ki ena pandan lepok rekolt kan fer so.

 5 Parski avan rekolt,

Kan bann plant inn fini fleri ek ki bann fler inn vinn bann rezin mir,

Pou koup bann ti brans avek laserp

Ek pou koup ek tir bann laliann.

 6 Pou kit tousala pou bann zwazo rapas ki dan montagn

Ek pou bann zanimo ki lor later.

Bann zwazo rapas pou pas lete lor zot,

Ek tou bann zanimo lor later pou pas sezon rekolt lor zot.

 7 Sa lepok-la pou amenn enn kado pou Zeova Sef bann larme,

Depi enn nasion ki so bann dimounn long ek zot lapo lis,

Depi enn pep ki dan tou landrwa bann dimounn per,

Depi enn nasion ki so bann dimounn for ek ki gagn laviktwar,*

Ki so bann larivier sarye later ale

Ziska enn landrwa ki port nom Zeova Sef bann larme, Montagn Sion.”

Bann bondie ki pena valer dan Lezip pou tranble devan li,

Ek bann Ezipsien pou perdi kouraz.

 2 “Mo pou fer bann Ezipsien lev kont bann Ezipsien,

Ek sakenn pou lager ar so kamarad,

Sakenn kont so frer ek kont so vwazin,

Lavil kont lavil, rwayom kont rwayom.

 3 Ek lespri bann Ezipsien pou boulverse,

Ek mo pou devir zot bann plan anba-lao.

Zot pou rod led ar bann bondie ki pena valer,

Ar bann longanis, bann ki koz avek bann mor,* ek bann ki predir lavenir.

 4 Mo pou livre Lezip dan lame enn met ki pena pitie,

Ek enn lerwa ki fer dominer pou diriz lor zot,” ala seki vre Segner, Zeova Sef bann larme dir.

 5 Delo lamer pou sek,

Ek pou nepli ena delo dan larivier ek li pou sek.

 6 Ek bann larivier pou santi pi;

Delo bann kanal Nil dan Lezip pou bese ek pou sek net.

 7 Bann plant lor bor Larivier Nil, kot Larivier Nil zwenn lamer,

Ek tou later kot inn sem bann lagrin lor bor Larivier Nil pou sek.

 8 Bann peser pou tris,

Bann ki pe zet lamson dan Larivier Nil pou plengne,

Ek bann ki pe zet zot file dan delo pou diminie tigit-tigit.

 9 Pou fer bann ki servi lin pou fer latwal

Ek bann ki fer latwal blan* gagn onte.

10 Bann ki fer latwal dan Lezip pou santi zot kraze;

Tou so bann travayer pou dan lapenn.

“Mo enn desandan bann dimounn ki ena sazes,

Enn desandan bann lerwa lontan”?

13 Bann prins Zoann inn azir dan enn fason bet;

Bann prins Nof* inn anbet zotmem.

14 Zeova inn avoy lor zot enn lespri konfizion;

Ek inn met bann Ezipsien dan lerer dan tou seki zot fer,

Parey kouma enn soular ki pe balote dan so vomi.

15 Ek bann Ezipsien pa pou reisi fer nanye,

Ki li latet ouswa lake, ki li bourzon ouswa long lerb.*

Li pe vini kouma enn siklonn ki sorti dan Lesid ek ki pe balie tou,

Depi dezer, depi enn pei ki fer per.

Sa kikenn ki tret la pe fer tret,

Ek sa kikenn ki detrir la pe detrir.

Gro douler pe trap mwa,

Kouma enn fam ki pe gagn zanfan.

Mo tro dan lapenn pou mo tande;

Mo tro boulverse pou mo trouve.

 7 Ek li ti trouv enn kales lager avek bann seval,

Enn kales lager avek bann bourik,

Enn kales lager avek bann samo.

“A Zeova, toutlong lazourne, mo dibout lor latour kot veye,*

Ek touleswar mo res dan plas kot mo veye.

10 A mo pep ki’nn gagn bate kouma bat dible,

Twa garson* ki’nn gagne dan plas kot mo bat dible,

Mo’nn dir twa seki mo’nn tande ar Zeova Sef bann larme, Bondie Izrael.

A zot bann vwayazer Dedann ki avek zot samo,

Zot pou pas lanwit dan lafore, dan laplenn ki dan dezer.

14 Ek zot, bann abitan pei Tema,

Al kit delo ar sa kikenn ki swaf la,

Ek amenn dipin pou sa kikenn ki pe sove la.

15 Parski zot inn sove devan bann lepe, devan lepe ki’nn pare pou atake,

Devan lark ki’nn pare pou tir fles, ek devan lager ki san pitie.

 2 To enn lavil kot ena boukou tapaz,

Kot ena boukou mouvman, enn lavil kot ena lazwa.

To bann mor pa ti mor ni ar lepe,

Ni dan lager.

Inn may tou to bann abitan ek inn fer zot vinn prizonie,

Mem si zot ti sove zot ti al lwin.

 4 Akoz samem mo ti dir: “Aret get mwa,

Les mo plore avek enn gran sagrin dan mo leker.

Pa persiste pou rekonfort mwa,

Parski inn detrir tifi* mo pep.

 5 Parski Segner Siprem,* Zeova Sef bann larme,

Inn fer sa zour-la vinn enn zour kot ena konfizion, kot inn perdi lager, ek kot ena panik,

Dan vale kot Bondie revel bann kitsoz.

Pe detrir bann miray

Ek pe kriye dan direksion montagn.

 6 Elam pe pran bann sak ki ranpli ar fles,

Bann kales ek bann seval,*

Ek Kir pe prepar* boukliye.

 7 To bann pli bon vale

Pou ranpli ar bann kales lager,

Ek bann seval* pou pran zot plas devan laport lavil,

 8 Ek pou tir proteksion* Zida.

12 Sa zour-la, Segner Siprem, Zeova Sef bann larme,

Pou demann zot pou plore ek pou gard dey,

Pou raz zot latet ek pou met latwal sak lor zot.

13 Me olie sa zot pou fer fet ek zot pou dan lazwa,

Zot pou touy bann bef ek bann mouton,

Zot pou manz laviann ek zot pou bwar divin.

 3 Ti transport bann lagrin* Sior* ek bann rekolt Nil lor bann gro delo,

Tir ti gagn so profi gras-a sa,

Sa ti fer bann nasion gagn profi.

 4 Laont lor twa, A Sidon, twa fortres lamer,

Parski lamer finn dir:

“Mo pa finn gagn douler lakousman, ek mo pa finn gagn zanfan,

Ni mo finn grandi bann zenom ouswa bann zennfi.”*

 5 Bann dimounn pou dan langwas kan zot pou tann nouvel konsernan Tir,

Parey kouma kan zot ti tann nouvel konsernan Lezip.

Eski se sa kikenn ki ti etabli bann lerwa la,

Ki so bann marsan ti bann prins,

Ek so bann komersan ti gagn loner partou lor later?

 9 Se Zeova Sef bann larme limem ki’nn desid sa,

Pou mepriz lorgey ki li ti ena akoz so bote,

Pou abes tou bann ki ti gagn loner partou lor later.

11 Li finn lev so lame lor lamer;

Li finn sakouy bann rwayom.

12 Ek li dir: “To pou nepli dan lazwa,

A twa ki’nn pas mizer, tifi Sidon ki vierz.

Se sa pep-la, pa bann Asirien

Ki’nn fer li vinn enn plas pou bann zanimo dan dezer.

Zot finn konstrir bann latour pou atak sa lavil-la;

Zot finn detrir so bann latour ki bien solid,

Zot finn fer li vinn enn ta ros.

14 Kriye ek plore, zot bann bato Tarsis,

Parski finn detrir zot fortres.

Zwe bien to laarp;

Sant boukou sante,

Pou ki bann-la rapel twa.”

Pou lepep parey kouma pou pret,

Pou serviter-la ek so met,

Pou servant-la ek so met,

Pou seki aste ek seki vande,

Pou seki prete ek seki pran prete,

Pou seki donn kredi ek seki pran kredi.

 3 Pou devid pei-la net;

Pou pran tou seki ena dan pei-la,

Parski se Zeova ki’nn dir sa parol-la.

 5 Bann abitan sa pei-la finn kontaminn pei-la,

Parski zot pa’nn respekte bann lalwa,

Zot inn sanz bann komannman,

Ek zot inn kas lalians ki dire pou touletan.*

 6 Se akoz sa ki malediksion pe fini pei-la net,

Ek ki so bann abitan koupab.

Se akoz sa ki bann abitan sa pei-la pe diminie tigit-tigit,

Ek ki res bien tigit zom.

 7 Nouvo divin an-dey,* pie rezin pe fletri,

Ek tou bann ki zot leker dan lazwa pe pous bann soupir.

 8 Inn aret tann son lazwa ki bann tanbourin fer;

Tapaz bann ki kontan amize inn arete;

Nepli tann son lazwa ki laarp fer.

 9 Zot bwar divin san ki zot sante,

Ek bann ki pe bwar labwason ki ena lalkol gagn enn gou amer dan zot labous.

10 Lavil ki’nn abandone inn kraze;

Inn ferm tou bann lakaz pou ki personn pa rantre.

Tou kontantman inn disparet;

Nepli ena lazwa dan pei.

12 Lavil-la inn vinn enn ta ros;

Laport inn tonbe, inn kraze net.

Li pou kouma kan inn grenn zoliv lor pie avek enn golet,

Kouma kan inn ramas bann rezin ki’nn reste lor pie apre ki rekolt inn fini.

14 Avek enn lavwa for zot pou kriye,

Zot pou kriye avek lazwa.

15 Se akoz sa ki zot pou donn laglwar Zeova dan rezion lalimier;*

Lor bann zil dan lamer zot pou donn laglwar nom Zeova Bondie Izrael.

18 Dimounn ki pe sove akoz son ki fer per, pou tom dan trou,

Ek dimounn ki pe sorti dan trou pou rant dan piez.

Parski bann laport delo dan lesiel pou ouver,

Ek bann fondasion later pou tranble.

19 Pei-la inn fann;

Pei-la inn gagn bann sekous;

Pei-la pe sakouye bien for.

20 Pei-la pe balote kouma enn zom ki sou,

Ek li pe balanse kouma enn kabann dan divan.

So pese pe pez lour lor li;

Li pou tonbe, ek li pa pou leve ankor.

21 Sa zour-la, Zeova pou pran kont larme ki dan lesiel

Ek bann lerwa ki lor later.

22 Ek pou rasanble zot ansam

Kouma bann prizonie ki’nn rasanble dan enn trou,

Ek pou ferm zot dan enn kaso;

Apre boukou zour pou pran zot kont.

23 Plennlinn pou dekonserte,

Ek soley ki pe briye pou gagn onte,

Parski Zeova Sef bann larme inn vinn Lerwa lor Montagn Sion ek dan Zerizalem,

Li’nn gagn laglwar devan bann ansien ki dan so pep.*

Mo donn twa laglwar, mo loue to nom,

Parski to’nn fer bann kitsoz extraordiner,

To ti desid pou fer sa bann kitsoz-la* depi lontan,

To’nn montre ki to fidel ek ki kapav fer twa konfians.

 2 Parski to’nn fer enn lavil vinn enn ta ros,

Enn lavil ki antoure ar bann miray inn vinn enn ta ros.

Latour bann etranze nepli enn lavil;

Zame pa pou rearanz li.

 3 Akoz samem, enn pep ki for pou donn twa laglwar;

Lavil kot ena bann pep ki san pitie, pou per twa.

 4 Parski to’nn vinn enn fortres pou bann ti-dimounn,

Enn fortres pou bann pov dan bann moman difisil,

Enn proteksion kont bann gro lapli,

Enn lonbraz kont saler.

Kan koler bann dimounn ki san pitie vinn kouma enn gro lapli kont enn miray,

 5 Kouma saler lor enn later sek,

To fer bann etranze aret fer tapaz.

Parey kouma lonbraz enn niaz fer saler disparet,

Koumsa mem pou nepli tann sante bann dimounn ki san pitie.

 6 Dan sa montagn-la, Zeova Sef bann larme

Pou fer enn gran repa pou tou bann pep,

Kot pou ena bann bon manze, bon divin,*

Bann bon manze ki ranpli avek lamwel,

Ek bon divin ki’nn filtre.

 7 Dan sa montagn-la, li pou detrir* latwal ki pe anvlop tou bann pep,

Ek vwal ki’nn kouver tou bann nasion.

 8 Li pou aval* lamor pou touletan,

Ek Segner Siprem* Zeova pou souy larm lor tou bann figir.

Lor later antie li pou tir laont ki so pep finn kone,

Parski Zeova limem finn dir sa.

Nou’nn met nou lespwar dan li,

Ek li pou sov nou.

10 Parski Zeova pou poz so lame lor sa montagn-la,

Ek pou kraz Moab anplas

Parey kouma kraz lapay anba lipie dan enn pil fimie.

11 Li pou avoy so lame dan Moab

Parey kouma enn nazer avoy so lame pou naze,

Ek li pou abes so lorgey

Avek bann mouvman presi ki li fer avek so lame.

12 Li pou kraz lavil ki bien proteze,

Ansam avek so* bann miray ki bien ot, ki enn sekirite,

Li pou zet li anba ziska dan lapousier.

 2 Ouver bann laport pou ki sa nasion ki drwat la rantre,

Enn nasion ki fidel.

 3 To pou protez bann ki kont lor twa net;*

To pou donn zot lape ki dire pou touletan,

Parski zot fer twa konfians.

 4 Met zot konfians dan Zeova pou touletan,

Parski Ya* Zeova limem sa Gran Ros ki la pou touletan la.

Li zet li anba,

Li zet li anba lor later;

Li fer li manz lapousier.

 6 Lipie pou kraz li,

Lipie bann ki pe soufer, lipie bann ti-dimounn pou mars lor li.”

Parski to drwat,

To pou fer semin sa kikenn ki drwat la vinn plat.

 8 Amezir ki nou swiv semin to bann zizman, A Zeova,

Nou met nou lespwar dan twa.

 9 Dan lanwit avek tou mo leker mo atann twa,

Wi, mo lespri kontign rod twa;

Parski kan ena to bann zizman lor later,

Bann dimounn ki res dan pei-la aprann lazistis.

10 Mem si fer seki bon anver enn move dimounn,

Li pa pou aprann lazistis.

Li pou fer bann move kitsoz, mem dan pei kot bann dimounn drwat viv,

Ek li pa pou trouv grander Zeova.

12 A Zeova, to pou donn nou lape,

Parski tou seki nou’nn fer,

Se twa ki’nn fer sa pou nou.

13 A Zeova nou Bondie, apart twa finn ena lezot met ki’nn dominn lor nou,

Me nou, nou mansionn zis to nom.

Parski to’nn pini zot, to’nn detrir zot,

Ek to’nn fer ki nepli koz lor zot.

15 To’nn fer nasion-la vinn pli boukou, A Zeova,

To’nn fer nasion-la vinn pli boukou;

To’nn donn tomem laglwar.

16 A Zeova, dan zot maler zot inn rod twa;

Kan to ti disiplinn zot, zot inn koz ar twa dousman dan lapriyer pou devid zot leker.

17 Parey kouma enn madam ansint ki pre pou akouse

Pe gagn kontraksion ek pe kriye ar douler,

Koumsa mem nou ti ete akoz twa, A Zeova.

18 Nou ti tom ansint, nou ti gagn kontraksion,

Me kan nou’nn akouse se koumadir nou’nn akous labriz.

Nou pa’nn amenn delivrans pou pei-la,

Ek personn pa’nn ne pou res dan sa pei-la.

Leve ek kriye dan lazwa,

Zot ki res dan lapousier!

Parski to laroze li parey kouma laroze gramatin,*

Ek later pou fer bann ki san okenn lafors dan lamor regagn lavi.*

20 Ale mo pep, rant dan to bann lasam ki trouv andan,

Ek ferm laport deryer twa.

Kasiet pou enn ti moman

Ziska ki lakoler* pase.

21 Parski gete! Zeova pe sorti dan so plas

Pou demann bann kont bann abitan sa pei-la pou pese ki zot inn fer kont li,

Ek pei-la pou devwal disan ki’nn verse lor li,

Ek li pou nepli kasiet bann ki’nn mor lor li.”

27 Sa zour-la, avek so gran lepe ki pwisan ek solid,

Zeova pou pran kont Leviatan,* sa serpan ki glise la,

Leviatan, sa serpan ki ranpe la,

Ek li pou touy sa mons ki dan lamer la.

Mo protez li lanwit-lizour

Pou ki personn pa fer li ditor.

Kisann-la ki pou vinn lager ar mwa

Avek bann touf pikan ek bann move zerb?

Ki li fer lape avek mwa;

Ki li fer lape avek mwa.”

 6 Dan bann zour ki pe vini Zakob pou bien anrasine,

Izrael pou an-fler ek pou bourzone,

Ek zot pou ranpli pei-la avek zot bann frwi.

 9 Alor, dan sa fason-la pese Zakob pou kouver,

Ek sa se rezilta ki pou ena kan pou efas so pese:

Li pou fer tou bann ros ki lor lotel

Vinn parey kouma bann ros kalker ki’nn kraze net,

Ek pou nepli ena okenn poto sakre* ouswa lotel lansan.

10 Parski personn pou nepli res dan lavil ki bien proteze;

Pou bliye bann patiraz ek abandonn zot kouma enn dezer.

Se laba mem ki ti bef pou manz lerb ek alonze

Ek pou manz so bann brans.

11 Kan so bann ti brans pou sek,

Bann madam pou vini ek pou kas zot,

Ek fer dife avek zot.

Se akoz sa ki sa Kikenn Ki’nn Fer zot la pa pou montre okenn mizerikord* anver zot,

Ek sa Kikenn ki’nn donn zot enn form la pa pou montre zot so faver.

28 Maler pou kouronn* bien fier* ki pou bann soular Efraim

Ek pou so bote ki ranpli ar laglwar ki pe fane kouma enn fler,

Ki lao lor vale fertil tou bann ki’nn sou ar divin!

Kouma enn loraz lagrel, enn tanpet ki detrir tou,

Kouma enn tanpet loraz avek bann gro lapli,

Li pou zet li anba avek tou so lafors.

 3 Vremem, pou mars lor bann kouronn bien fier*

Ki pou bann soular Efraim.

 4 Ek so bote ki ranpli ar laglwar ki pe fane kouma enn fler,

Ki lao lor vale fertil,

Pou vinn kouma enn fig ki mir avan ler, avan lete.

 7 Ek bann-la osi pe elwagne akoz divin;

Zot bann labwason ki ena lalkol pe fer zot balote.

Pret ek profet pe elwagne akoz sa bann labwason-la;

Divin pe met zot dan konfizion,

Ek zot pe balote akoz zot labwason ki ena lalkol;

Zot bann vizion pe fer zot elwagne,

Ek zot pa kapav rann bann bon zizman.

 8 Parski zot bann latab ranpli ar vomi,

Pena okenn plas kot pena vomi.

 9 Ar kisann-la enn kikenn pou partaz konesans,

Ek ar kisann-la enn kikenn pou explik mesaz-la?

Eski se ar bann ki’nn fek aret bwar dile ar zot mama,

Ar bann ki’nn fek aret bwar tete?

10 Parski se “komannman lor komannman, komannman lor komannman,

Lakord par lakord, lakord par lakord,*

Enn tigit par isi, enn tigit par laba.”

11 Alor, li pou servi bann dimounn ki gaga ek ki koz enn lot lang pou koz ar sa pep-la. 12 Enn fwa li ti dir zot: “Isi se enn plas pou repoze. Les sa kikenn ki fatige la repoze; se enn plas pou regagn lafors,” me zot pa’nn anvi ekoute. 13 Alor Zeova pou dir zot: “Komannman lor komannman, komannman lor komannman,

Lakord par lakord, lakord par lakord,*

Enn tigit par isi, enn tigit par laba,”

Pou ki kan zot marse,

Zot kogne ek tom par deryer,

Zot gagn dimal, zot tom dan piez, ek may zot.

14 Alor ekout parol Zeova, zot ki fer vantar,

Zot ki diriz sa pep ki dan Zerizalem la,

15 Parski zot pe dir:

“Nou’nn fer enn lalians avek Lamor,

Ek nou’nn pas enn lakor* avek Tom.*

Kan pou ena gro lapli ek debordman,

Nou pa pou afekte par sa,

Parski nou’nn fer foste vinn nou refiz,

Ek nou’nn al kasiet dan bann kitsoz ki fos.”

“Gete, mo pe poz enn fondasion dan Sion, enn ros ki’nn pas par bann test,

Enn ros ki dan kwin ki ena valer, ki’nn poze kouma enn fondasion ki sir.

17 Mo pou fer lazistis vinn kouma enn difil ki mezire,

Ek ladrwatir kouma enn nivo.*

Lagrel pou kraz refiz ki ranpli ar foste,

Ek delo pou inond plas kot dimounn kasiet.

18 Zot lalians avek Lamor pou kase,

Ek lakor ki zot inn fer avek Tom* pou kennsel.

Kan pou ena gro lapli ek debordman,

Sa pou kraz zot.

19 Sak fwa ki sa arive,

Li pou balie zot;

Parski sa pou arive sak gramatin,

Pandan lazourne ek pandan lanwit.

20 Parski lili-la tro tipti pou alonz lor la,

Ek dra-la tro tipti pou anvlop ladan.

21 Parski Zeova pou leve parey kouma li ti fer kot Montagn Perazim;

Li pou azir, parey kouma li ti fer dan vale pre ar Gabaon,

Pou ki li kapav fer so bann aksion, bann aksion ki bizar,

Ek pou ki li kapav fer so travay, enn travay ki etranz.

22 Aster-la aret boufone,

Pou ki pa ser zot bann lasenn ankor plis,

Parski mo finn tann Segner Siprem, Zeova Sef bann larme

Dir ki li bien deside pou detrir pei-la* an-antie.

23 Ouver zot zorey ek ekout mo lavwa;

Pran kont ek ekout seki mo ena pou dir.

25 Kan li’nn fini dres later,

Eski li pa fann lagrin nizel* ek sem ti-lani?

Eski li pa plant dible, lagrin mile, ek lorz dan plas ki bizin plant zot,

Ek plant enn lot varyete dible* toutotour so karo?

26 Parski Li ansegn* li dan bon fason;

So Bondie ansegn li.

27 Parski pa kraz lagrin nizel ar enn zouti ki separ lagrin ar so lapay,

Ek pa pas larou saryo lor ti-lani.

Okontrer, bat lagrin nizel ar rotin,

Ek ti-lani ar baton.

Ek si li pas larou saryo avek so seval lor la,

Li pa pou kraz li ziska li vinn lapoud.

29 Sa osi sorti kot Zeova Sef bann larme,

So bann konsey* extraordiner,

Ek bann kitsoz ki li fer bien gran.*

Ki lane apre lane,

Zot kontign fer zot bann fet.

 2 Me mo pou amenn maler lor Ariel,

Ek pou ena dey ek plore,

Ek pou mwa, li pou vinn kouma enn foye lor lotel Bondie.

 3 Mo pou pik mo latant toutotour twa,

Mo pou barikad twa avek bann poto dibwa

Ek mo pou mont bann miray kont twa.

 4 Pou abes twa;

Depi later to pou koze,

Ek lapousier pou touf seki to dir.

To lavwa pou sorti depi later,

To lavwa pou kouma lavwa enn dimounn ki koz avek bann mor,*

Ek to bann parol pou sorti dousman-dousman depi lapousier.

 5 Lafoul to bann lennmi* pou kouma lapoud ki bien fin,

Lafoul to bann diktater pou kouma lapay ki pe anvole.

 6 Zeova Sef bann larme pou protez twa

Avek loraz, tranbleman-de-ter, ek enn gran tapaz,

Avek enn gro divan, enn siklonn, ek bann laflam dife ki bril tou.”

 7 Lerla lafoul tou bann nasion ki pe fer lager kont Ariel

—Tou bann ki pe fer lager kont li,

Bann latour ki’nn drese kont li,

Ek tou bann ki pe amenn maler lor li—

Pou vinn kouma enn rev, enn vizion ki’nn gagne dan lanwit.

 8 Wi, sa pou parey kouma enn dimounn ki fin ek ki reve li pe manze,

Me kan li leve li ankor pe fin,

Ek kouma enn dimounn ki swaf ek ki reve li pe bwar,

Me kan li leve li ankor fatige ek swaf.

Samem ki pou ariv lafoul tou bann nasion

Ki pe fer lager kont Montagn Sion.

 9 Zot bizin etone ek gagn sok;

Fer zotmem vinn aveg ek pa trouv kler.

Zot sou, me pa akoz divin;

Zot pe balote, me pa akoz labwason ki ena lalkol.

10 Parski Zeova inn fer zot tom dan enn profon somey;

Li’nn ferm zot lizie; bann profet reprezant zot lizie.

13 Zeova dir: “Se avek zot labous ki sa pep-la vinn ver mwa

Ek zot onor mwa avek zot labous,

Me zot leker bien lwin ar mwa;

Ek gran respe ki zot ena pou mwa li dapre bann komannman ki bann zom finn ansegn zot.

14 Akoz samem, momem sa Kikenn ki ankor enn fwa

Pou fer bann kitsoz extraordiner avek sa pep-la,

Bann kitsoz extraordiner lor bann kitsoz extraordiner;

Ek pou detrir sazes zot bann dimounn saz,

Ek pou kasiet lintelizans zot bann dimounn intelizan.”

Zot fer zot bann travay dan nwar,

Pandan ki zot dir: “Kisann-la pe trouv nou?

17 Dan enn tigit letan, Liban pou vinn enn verze,

Ek pou konsider verze-la kouma enn lafore.

18 Sa zour-la, bann sourd pou tann bann parol sa liv-la,

Ek bann aveg pou nepli dan nwar; zot pou trouv kler.

19 Bann ki ena douser pou dan enn gran lazwa gras-a Zeova,

Ek bann pov pou dan lazwa gras-a sa Kikenn Ki Sin dan Izrael la.

20 Parski pou nepli ena diktater,

Dimounn ki fer fezer pou disparet,

Ek pou detrir bann ki touzour pare pou fer lemal,

21 Wi, bann ki dir bann foste pou fer lezot pas pou koupab,

Bann ki met bann piez pou bann ki pe defann* lezot kot laport lavil,

Ek bann ki avek bann gran-gran largiman refiz lazistis anver bann ki drwat.

“Zakob pou nepli gagn onte,

Ek so figir pou nepli blem.*

23 Parski kan li trouv so bann zanfan parmi li,

Setadir travay ki mo lame inn fer,

Zot pou sanktifie mo nom;

Wi, zot pou sanktifie sa Kikenn Ki Sin dan Zakob la,

Ek zot pou ena enn gran respe pou Bondie Izrael.

24 Bann ki zot lespri dan konfizion pou gagn konesans,

Ek bann ki plengne pou aksepte bann instriksion.”

30 Zeova dir, “Maler pou bann garson ki zot latet dir,

Ki fer bann proze ki pa mo bann proze,

Ki fer bann lalians,* me pa avek led mo lespri,

Pou ki zot azout pese enn lor lot.

 2 Zot desann Lezip san ki zot pran konsey ar mwa,*

Zot al rod proteksion Faraon,*

Ek zot al kasiet anba lonbraz Lezip!

 3 Me proteksion Faraon pou vinn enn laont pou zot,

Ek proteksion ki zot inn al rode anba lonbraz Lezip pou vinn enn imiliasion pou zot.

 4 Parski so bann prins dan Zoann,

Ek bann ki li’nn avoye inn ariv Anes.

 5 Zot tou pou gagn onte

Akoz enn pep ki pa kapav fer nanye pou zot,

Ki pa kapav ni ed zot ni fer kitsoz pou zot,

Ek ki amenn zis laont ek imiliasion.”

Kan zot travers pei ki fer per ek kot ena maler,

Pei bann lion, kot bann lion kriye,

Pei bann viper ek bann serpan ki ena venin ek ki rapid,*

Zot sarye zot bann dibien lor ledo bann bourik

Ek sarye zot bann provizion lor bos bann samo.

 8 “Aster-la ale ek devan zot ekrir sa lor enn tablet,

Ek ekrir sa dan enn liv,

Pou ki dan lavenir

Sa servi kouma enn temwaniaz pou touletan.

 9 Parski zot enn pep rebel, bann garson ki malonet,

Bann garson ki pa anvi ekout lalwa* Zeova.

“Parski zot inn rezet sa parol-la

Ek zot inn met zot konfians dan bann mansonz ek bann magouy,

Ek zot inn kont lor sa bann kitsoz-la,

13 Sa erer-la pou vinn pou zot kouma enn miray ki’nn kase,

Parey kouma enn miray ki ot ki’nn deforme ek ki pre pou tonbe.

14 Li pou kase parey kouma enn gran po ki enn potie inn fer,

Li pou kraze telman tibout-tibout ki pa pou res mem enn bout

Pou pran labrez dan enn foye,

Ouswa pou pran delo dan enn ti lamar delo.”*

“Se kan zot revinn ver mwa ek zot atann mwa trankil, ki zot pou sape;

Kan zot res kalm ek fer mwa konfians, se samem ki pou zot lafors.”

17 Mil dimounn pou tranble akoz menas enn sel dimounn;

Zot pou sove akoz menas sink dimounn,

Ziska ki kantite dimounn parmi zot vinn kouma enn poto ki lao lor montagn,

Kouma enn signal ki’nn mete lor enn poto lor enn kolinn.

18 Me Zeova pe atann avek pasians* pou montre zot so faver,

Ek li pou leve pou montre zot so mizerikord.*

27 Gete! Zeova* pe vini depi bien lwin,

Dan enn gran koler ek avek bann gro niaz.

Li pe koz avek koler,

Ek so lalang kouma enn dife ki pe bril tou.

28 So lespri* kouma enn larivier ki’nn deborde ek ki ariv ziska likou,

Li pou sakouy bann nasion dan enn tami pou detrir zot;*

Ek bann pep pou ena enn labrid dan zot lamaswar ki pou fer zot pran enn move semin.

29 Me zot, zot sante pou kouma enn sante ki sante aswar

Kan zot pe prepare* pou enn fet,

Ek zot leker pou dan lazwa parey kouma enn kikenn

Ki marse avek enn laflit*

Kan li pe al lor montagn Zeova, kot Gran Ros Izrael.

30 Zeova pou fer tann grander so lavwa

Ek li pou montre so lebra ki pre pou tape dan so gran koler,

Avek laflam enn dife ki bril tou,

Enn gro lapli, enn tanpet avek loraz, ek lagrel.

31 Parski akoz lavwa Zeova, Lasiri pou tranble ar laper;

Bondie pou tap li avek enn baton.

32 Ek sak kout baton ki Zeova

Pou donn Lasiri kouma enn pinision,

Pou akonpagne ar bann tanbourin ek bann laarp

Kan li lev so lebra kont zot dan lager.

33 Li’nn fini prepar enn plas pou detrir li;*

Inn osi prepar sa pou lerwa.

Li’nn ranpli enn plas ki profon ek larz avek dibwa,

Avek enn kantite dife ek dibwa.

Zeova pou soufle ek sa pou kouma enn gran larivier souf,

Ki pou met dife ladan.

31 Maler pou bann ki desann Lezip pou al rod led,

Bann ki kont lor bann seval,

Bann ki met zot konfians dan bann kales lager parski zot boukou,

Ek dan bann seval lager* parski zot for.

Me zot pa tourn zot ver sa Kikenn Ki Sin dan Izrael la,

Zot pa rod Zeova.

 2 Me li osi li saz ek li pou amenn maler,

Ek li pou fer seki li’nn dir.

Li pou lev kont bann ki move,

Ek kont bann dimounn ki ed bann ki fer lemal.

 3 Me bann Ezipsien zot, zot zis bann sinp dimounn, zot pa Bondie;

Zot bann seval se bann sinp zanimo, zot pa bann kreatir spiritiel.

Kan Zeova lev so lame,

Tou bann ki pe ede, pou kogne

Ek bann ki pe gagn led, pou tonbe;

Zot tou pou detrir anmemtan.

“Parey kouma enn lion, enn zenn lion ki for grogne lor zanimo ki li’nn lasas

Kan enn group berze rasanble kont li,

Ek li pa per kan li tann zot lavwa,

Ouswa sa pa fer li nanye kan li tann tapaz ki zot fer,

Se koumsa mem ki Zeova Sef bann larme pou desann ek pou fer lager

Lor Montagn Sion ek so kolinn.

 8 Ek bann Asirien pou mor par lepe, pa par lepe enn zom;

Ek enn lepe, pa lepe enn dimounn, pou detrir zot net.

Zot pou sove akoz lepe,

Ek pou fors zot bann zennzan pou fer bann travay dir.

 9 Zot gran ros pou disparet parski zot dan enn gran laper,

Ek zot bann prins pou per akoz signal ki lor enn poto,” ala seki Zeova dir,

Sa kikenn ki so lalimier* dan Sion ek so four dan Zerizalem la.

32 Gete! Enn lerwa pou regne pou lazistis,

Ek bann prins pou dirize dan enn fason ki drwat.

 2 Ek sakenn bizin kouma enn plas kot kapav al kasiet* kont divan,

Enn proteksion* kont gro lapli,

Parey kouma bann ti larivier dan enn pei kot pena delo,

Parey kouma lonbraz enn extra gro ros lor enn later ki sek.

 3 Lerla, lizie bann ki trouve pou nepli kole,

Ek zorey bann ki tande pou ekout bien.

 4 Leker bann dimounn ki azir vit pou pran letan pou reflesi lor konesans,

Ek lalang bann ki gaga pou koz bien ek dan enn fason kler.

 5 Pou nepli apel sa kikenn ki pena sazes la zenere,

Ek pou nepli apel enn dimounn ki pena okenn prinsip, enn dimounn ki sorti dan enn gran fami;

 6 Parski sa kikenn ki pena sazes la pou koz ninport,

Ek so leker pou manigans bann kitsoz ki fer ditor,

Pou ankouraz dimounn pou rebel kont Bondie* ek pou koz manti lor Zeova,

Pou fer sa kikenn ki fin la ale san manze,

Ek pou anpes sa kikenn ki swaf la gagn enn kitsoz pou bwar.

 7 Bann metod ki enn dimounn ki pena okenn prinsip servi, pa bon;

Li ankouraz enn konportman ki fer onte

Pou fini net sa kikenn ki pe soufer la avek bann foste,

Mem kan sa kikenn ki pov la dir seki vre.

 8 Me sa kikenn ki zenere* la kontan pou done,

Ek li kontign fer zefor pou montre li zenere.

10 Dan inpe plis ki enn an, zot ki pa kas latet ar nanye pou tranble ar laper,

Parski pa pou’nn ramas okenn frwi kan pou ariv lafin rekolt rezin.

Tir tou zot linz lor zot,

Ek met bann latwal sak otour zot laans.

12 Bat zot lestoma ek plore

Pou bann zoli karo ek bann karo rezin ki raporte.

13 Parski later mo pep pou kouver ar bann touf pikan;

Zot pou kouver tou bann lakaz kot ena lazwa,

Wi, lavil ki touletan dan lazwa.

14 Parski inn bliye bann latour ki solid;

Inn abandonn lavil kot ena tapaz.

Ofel ek latour kot veye* pou vinn enn terin ki’nn abandone,

Bann bourik sovaz pou trouv zot boner laba,

Ek li pou enn patiraz pou bann troupo,

15 Li pou koumsa ziska ki devers lespri lor nou depi lao,

Ek ki dezer vinn enn verze,

Ek ki konsider verze-la kouma enn lafore.

16 Lerla lazistis pou res dan dezer,

Ek ladrwatir pou res dan verze.

17 Vre ladrwatir pou amenn lape,

Ek vre ladrwatir pou fer gagn enn trankilite ek enn sekirite ki dire.

18 Mo pep pou res dan enn landrwa kot touletan ena lape,

Dan bann lakaz kot ena sekirite ek dan bann plas ki trankil.

19 Me lagrel pou detrir lafore-la net,

Ek lavil-la pou aplati net.

20 Ere zot ki sem bann lagrin partou kot ena delo,

Ki larg* zot toro ek zot bourik.”

33 Maler lor twa, sa kikenn ki detrir la, me ki pa’nn detrir;

Twa ki enn tret, me ki personn pa’nn trayir!

Vinn nou lebra* toule gramatin,

Wi, vinn nou delivrans kan nou dan difikilte.

 4 Pou rasanble zot bann dibien parey kouma bann sotrel voras rasanble;

Bann dimounn pou sot lor la parey kouma bann larme sotrel.

 5 Zeova pou gagn laglwar,

Parski li res lao dan lesiel.

 6 Li fer sir ki to lavi stab;

So trezor se: enn gran delivrans, sazes, konesans, ek enn gran respe pou Zeova.

 7 Gete! Zot bann zom ki ena kouraz pe kriye lor semin;

Bann mesaze lape pe plore avek enn gran sagrin.

 8 Bann gran semin vid;

Personn pa pe marse lor bann semin.

Li’nn kas lalians;

Li’nn mepriz bann lavil;

Li* pa respekte personn.

Saronn inn vinn kouma enn dezer,

Ek Basann ek Karmel pe debaras zot ar zot bann fey.

Aster-la mo pou donn momem laglwar;

Aster-la mo pou montre mo grander.

14 Bann ki fer pese dan Sion, dan enn gran laper;

Bann ki rebel kont Bondie* pe tranble:

15 Enn dimounn ki kontign fer seki zis,

Ki dir seki drwat,

Ki refiz bann kitsoz ki gagne dan enn fason malonet, ouswa par frod,

Ki refiz pran brayb,

Ki ferm so zorey kan tann koz lor disan ki pou verse,

Ek ki ferm so lizie pou evit trouv seki move.

16 Li pou res dan bann oter;

Li pou rod enn proteksion* ki sir dan bann fortres an ros,

Li pou gagn dipin,

Ek zame li pa pou mank delo.”

17 To lizie pou trouv enn lerwa dan so laglwar;

Zot pou trouv enn pei ki bien lwin.

19 To pou nepli trouv sa pep ki insolan la,

Enn pep ki so langaz tro difisil* pou konpran,

Ek to pa konpran kan zot koze parski zot gaga.

To lizie pou trouv Zerizalem kouma enn plas ki trankil pou reste,

Kouma enn latant ki pa pou bouze.

Zame personn pa pou tir bann pike sa latant-la,

Ek personn pa pou kas okenn so bann lakord.

21 Me laba, Zeova, sa Kikenn Ki Gran ek Manifik la,

Pou vinn pou nou enn landrwa kot ena bann larivier, ek bann gran kanal,

Kot okenn bato ki ena bann ram pa pou ale,

Ek kot okenn gran bato pa pou pase.

22 Parski Zeova li nou Ziz,

Se Zeova ki donn nou bann lalwa,

Zeova li nou Lerwa;

Se Limem ki pou sov nou.

23 To bann lakord pou las;

Zot pa pou kapav ni tini lema bato, ni larg so lavwal.

Sa lepok-la, pou partaz gran kantite dibien ki’nn gagne dan lager;

Mem bann ki bwate pou pran enn gran parti sa bann dibien-la.

34 Vinn pre pou tande, zot bann nasion,

Ek ekout bien, zot bann pep.

Ki later ek seki ena ladan ekoute,

Wi, pei-la ek tou seki li prodir.

 2 Parski Zeova ankoler kont tou bann nasion,

Ek li bien ankoler kont tou zot larme.

Li pou detrir zot net;

Li pou fer zot gagn enn lamor kriel.

 3 Pou zet zot bann kadav deor,

Ek loder zot bann kadav pou monte;

Bann montagn pou fonn akoz zot disan.*

 4 Tou bann larme dan lesiel pou pouri,

Ek pou anroul lesiel parey kouma anroul enn roulo.

Tou zot bann larme pou sek ek tonbe,

Parey kouma enn fey sek tonbe depi enn pie rezin

Ek parey kouma enn fig ki’nn fletri tonbe depi enn pie fig.

Li pou desann pou ziz Edom,

Enn pep ki mo’nn deside pou detrir net.

Li pou kouver avek lagres,

Avek disan bann zenn mouton ek bann kabri,

Avek lagres rognon bann mouton.

Parski Zeova inn prepar enn sakrifis dan Bosra,

Enn kantite disan pou verse dan pei Edom.

 7 Bann toro sovaz pou desann avek zot,

Bann zenn toro ansam avek bann ki for.

Zot pei pou bengn dan disan,

Ek zot lapousier pou plin ar lagres.”

 8 Parski Zeova inn fixe enn zour kot li pou tir vanzans,

Enn lane kot li pou demann bann kont pou ditor ki’nn fer kont Sion.

 9 So* bann larivier pou sanze pou vinn koltar,

Ek so lapousier pou vinn kouma souf,

Ek so later pou vinn kouma koltar ki pe brile;

10 Sa pa pou tengn ni dan lanwit ni dan lazourne;

So lafime pou kontign monte pou touletan.

Pei-la pou res abandone, zenerasion apre zenerasion;

Zame personn pa pou pas ladan ankor pou touletan.

11 Pei-la pou vinn pou bann pelikan ek bann tang,*

Ek bann ibou long zorey ek bann korbo pou res dan pei-la.

Avek enn difil ki mezire ek enn plon,* Bondie pou mezir sa pei-la,

Pou montre ki li pou vinn vid ek ki li pa pou vo nanye.

12 Personn parmi so bann dimounn ki sorti dan enn gran fami pa pou vinn lerwa,

Ek tou so bann prins pou disparet.

13 Bann pikan pou pouse dan so bann latour ki bien solid,

Bann pie pikan ek bann move-zerb ki ena pikan pou pouse dan so bann fortres.

Bann lisien sovaz* pou res laba,

Ek li pou vinn enn lanklo pou bann otris.

14 Bann zanimo ki viv dan dezer pou zwenn bann zanimo ki irle,

Ek bann kabri sovaz* pou kriye zot kamarad.

15 Laba, bann serpan-fles pou aranz zot nik ek ponn dizef,

Ek zot pou kouve ek zot pou rasanble bann dizef-la anba zot lonbraz.

Pena enn parmi zot ki pou manke;

Pena enn parmi zot ki pa pou ena so per,

Parski se labous Zeova ki’nn donn sa lord-la,

Ek se so lespri ki’nn rasanble zot ansam.

17 Se Limem ki’nn fer tirazosor pou zot,

Ek so prop lame inn mezir plas ki’nn donn zot.*

Sa pou vinn pou zot pou touletan;

Zot pou res laba zenerasion apre zenerasion.

35 Dezer ek landrwa sek pou bien kontan,

Ek laplenn kot nanye pa pouse pou dan lazwa ek pou fleri kouma pie zafrann.

 2 Vremem li pou fleri;

Li pou kontan ek kriye avek lazwa.

Pou donn li laglwar Liban,

Ek bote Karmel ek Saronn.

 3 Fer bann lame ki feb vinn for,

Ek fer bann zenou ki pe tranble tini ferm.

Gete! Zot Bondie mem ki pou vinn tir vanzans,

Bondie pou vinn donn pinision.

 5 Sa lepok-la lizie sa kikenn ki aveg la pou ouver,

Ek zorey sa kikenn ki sourd la pou debouse.

 6 Sa lepok-la seki bwate pou sote kouma enn serf,

Ek lalang enn kikenn ki pa kapav koze pou kriye avek lazwa.

Parski dan dezer, delo pou sorti avek enn gran presion,

Ek pou ena bann larivier dan bann laplenn kot nanye pa pouse.

 7 Ek later sek pou vinn kouma enn lamar ki kouver ar long lerb,*

Ek later kot pa ti ena ditou delo, pou vinn kouma bann lasours delo.

Dan plas kot bann lisien sovaz* ti pe reste ek ti pe repoze,

Pou ena lerb ver avek bann long lerb ek bann papiris.

Seki inpir pa pou pas lor la,

Ek zis bann ki sipoze mars lor la ki pou gagn drwa mars lor la;

Okenn dimounn ki pa respekte bann kitsoz sakre pa pou gagn drwa mars lor la.

 9 Lor sa semin-la pa pou ena okenn lion,

Ek okenn zanimo sovaz ki feros pa pou vinn lor la.

Pa pou trouv zot lor sa semin-la;

Zis bann dimounn ki Bondie inn reaste ki pou mars lor la.

10 Bann dimounn ki Zeova inn reaste pou retourne

Ek zot pou kriye ar lazwa kan zot pou rant dan Sion.

Zot pou ere ek ranpli ar lazwa,

Zot nepli pou sagrin ek plengne.

Kont kisann-la to’nn lev to lavwa

Ek lev to lizie ki arogan?

24 To’nn servi to bann serviter pou provok Zeova ek to’nn dir,

‘Avek sa gran kantite kales lager ki mo ena la,

Mo pou mont dan bann oter lor bann montagn,

Mo pou al dan parti pli retire dan Liban.

25 Mo pou fouy bann pwi ek mo pou bwar delo;

Mo pou fer bann larivier* Lezip sek avek mo pla lipie.’

27 Zot bann abitan pou nepli ena lafors;

Zot pou gagn per ek zot pou gagn onte.

Zot pou vinn kouma bann plant ki dan karo ek kouma bann lerb ver,

Kouma lerb ki lao bann lakaz ek ki’nn sek ar divan Les.

28 Me mo konn bien kan to asize, kan to sorti, kan to rantre,

Ek kan to bien ankoler kont mwa,

29 Parski mo’nn tann koler ki to ena kont mwa ek tapaz ki to pe fer.

Alor mo pou met mo krose dan to nene ek mo labrid ant to lalev,

Ek mo pou fer twa retourn par sa semin ki to’nn vini la.”

“Li pa pou rant dan sa lavil-la,

Ouswa tir enn kout fles laba,

Ni lager ar li avek enn boukliye,

Ouswa aranz enn baraz otour li pou atak li.”’

34 Ala seki Zeova dir, ‘Li pou retourn par semin ki li’nn vini;

Li pa pou rant dan sa lavil-la.

35 Mo pou defann sa lavil-la ek mo pou sap li akoz mo nom

Ek akoz mo serviter David.’”

10 Mo ti dir: “Omilie mo lavi

Mo bizin pas par bann laport Tom.*

Mo pou aret get bann dimounn

Kan mo pou avek bann abitan ki res dan plas kot tou arete.

12 Inn aras plas kot mo reste ar mwa ek inn amenn sa lwin ar mwa

Parey kouma aras latant enn berze.

Mo’nn anroul mo lavi parey kouma enn dimounn ki fer latwal, anroul latwal;

Li koup mwa parey kouma koup bann difil ki an longer lor enn kad kot fer latwal.

Parey kouma enn lion, li pe kontign kas tou mo bann lezo;

Depi gramatin ziska tanto to pe fini mwa tigit-tigit.

14 Parey kouma zwazo martine ek zwazo griv,* mo kontign kriye dousman-dousman;

Mo kontign plengne kouma enn kolonb.

‘A Zeova, mo dan enn gran soufrans;

Soutenir mwa!’*

Tanki mo vivan mo pou mars avek limilite*

Parski mo’nn amer telman mo’nn soufer.

16 ‘A Zeova, tou dimounn viv gras-a sa bann kitsoz-la,*

Ek se gras-a sa bann kitsoz-la ki mo lespri kontign viv.

17 Gete! Olie ki mo ti anpe, mo ti dan enn gran tristes;

Me parski to kontan mwa, to’nn prezerv mwa pou ki mo pa mor.*

18 Parski Tom* pa kapav donn twa laglwar,

Lamor pa kapav loue twa.

19 Dimounn ki vivan viv, wi, dimounn ki vivan kapav loue twa

Parey kouma mo pe kapav fer azordi.

20 A Zeova sap mwa

Ek nou pou zwe mo bann sante lor bann instriman ki ena lakord

Toulezour nou lavi dan lakaz Zeova.’”

 2 Koz ar leker* Zerizalem,

Ek anons li ki travay dir ki li ti oblize fer inn fini,

Ki’nn fini pey pou so bann pese.

 4 Konble tou bann vale,

Fer tou bann montagn ek bann kolinn vinn plat.

Bann terin ki pa nivo bizin vinn nivo,

Ek bann terin kot ena ros bizin vinn enn laplenn.

 5 Pou revel laglwar Zeova,

Ek tou dimounn pou trouv sa,

Parski Zeova inn dir sa ar so labous.”

 7 Lerb ver sek,

Bann fler fletri,

Parski Zeova soufle lor la avek so souf.*

 8 Lerb ver sek,

Bann fler fletri,

Me parol nou Bondie li dire pou touletan.”

 9 Mont lor enn montagn ki bien ot,

Twa fam ki pe amenn enn bon nouvel pou Sion.

Kriye avek enn lavwa bien for,

Twa fam ki pe amenn enn bon nouvel pou Zerizalem.

10 Gete! Segner Siprem* Zeova pou vini avek pwisans,

Ek so lebra pou dirize pou li.

Gete! Rekonpans ki li done avek li,

Ek lapey ki li done, devan li.

Avek so lebra, li pou rasanble bann ti mouton,

Ek li pou sarye zot lor so lestoma.

12 Kisann-la ki’nn mezir tou delo dan so lame,

Ek inn pran mezir* lesiel avek larzer so lame?*

Kisann-la ki’nn ramas tou lapousier later dan enn mezir,

Ouswa inn pez dan enn balans bann montagn

Ek bann kolinn?

15 Gete! Bann nasion parey kouma enn gout delo dan enn seo,

Ek parey kouma enn kous lapousier lor enn balans.

16 Mem bann pie dan Liban pa ase pou ki enn dife kontign brile,

Ek so bann zanimo sovaz pa ase pou fer enn sakrifis ki brile.

17 Devan li, tou bann nasion kouma enn kitsoz ki pa existe;

Li konsider zot kouma enn nanye ditou, kouma enn kitsoz ki pa reel.

19 Enn artizan fer enn zidol,*

Dimounn ki travay metal rekouver li ar lor,

Ek li fer bann lasenn an-arzan.

20 Enn dimounn swazir enn pie kouma enn ofrand,

Enn pie ki pa pou pouri.

Li al rod enn bon artizan

Pou fer enn zidol skilpte ki pa pou devire.

22 Ena enn Kikenn ki res lao serk* later,

Ek bann ki res lor la zot kouma bann sotrel.

Li pe tal lesiel kouma enn latwal ki bien fin,

Ek li ouver li kouma enn latant pou reste.

23 Li fer bann dimounn ki ena enn gran pozision perdi zot pouvwar,

Ek li fer bann ziz* lor later nepli ena valer.

24 Apenn finn plant zot,

Apenn finn sem zot,

Apenn ki zot finn pran rasinn dan later,

Zot inn sek kan inn soufle lor zot,

Ek divan inn pran zot inn ale parey kouma lapay.

Se sa Kikenn ki fer zot sorti kouma enn larme la, sakenn dapre so nimero;

Li apel zot tou par zot nom.

Avek tou sa kantite lenerzi aktif ki li ena la ek so lafors ki inpresionan,

Pena enn parmi zot ki manke.

27 A Zakob, kifer to pe dir, ek A Izrael, kifer to pe dir,

‘Zeova pa pe trouv seki pe ariv mwa,

Ek mo Bondie pa pe fer lazistis pou mwa’?

29 Li donn lafors seki fatige

Ek li donn pwisans an-abondans bann ki mank lafors.*

30 Bann garson pou fatige ek zot pou nepli ena lafors,

Ek bann zenom pou kogne ek tonbe,

31 Me bann ki ena lespwar dan Zeova pou regagn lafors.

Zot pou galoupe ek zot pa pou perdi zot lafors;

Zot pou marse ek zot pa pou fatige.”

41 “Zot bann zil, res trankil ek ekout mwa;*

Les bann nasion regagn zot lafors.

Kisann-la ki’nn fer zot vinn lapousier devan so lepe,

Kouma lapay ki divan inn soufle devan so lark?

 3 Li pourswiv zot; li pase san ki nanye aret li

Lor bann sime kot so lipie zame pa’nn ale.

Mwa, Zeova, momem Premie;

Ek avek bann dernie, mo pou parey.”

 6 Sakenn ed so kamarad

Ek dir so frer: “To bizin for.”

 7 Lerla artizan-la ankouraz dimounn ki travay metal la;

Sa kikenn ki aplati metal avek enn marto la

Ankouraz sa kikenn ki pe tap marto lor enn lanklim* la.

 8 “Me twa, A Izrael, tomem mo serviter,

Twa, A Zakob, se twa ki mo’nn swazir,

Desandan mo kamarad Abraam.

 9 Twa ki mo’nn pran depi lot bout later,

Ek twa ki mo’nn apele depi so bann pei ki bien-bien lwin.

Mo ti dir twa, ‘To mo serviter;

Mo’nn swazir twa; mo pa’nn rezet twa.

Mo pou fortifie twa, wi, mo pou ed twa,

Mo pou vremem trap twa for avek mo lame drwat lazistis.’

12 To pou rod bann zom ki pe lite kont twa, me to pa pou trouv zot;

Bann zom ki pe lager kont twa pou vinn kouma enn kitsoz ki pa existe, kouma enn nanye ditou.

13 Parski mwa, Zeova to Bondie, mo pe trap to lame drwat bien for,

Sa Kikenn ki pe dir twa, ‘Pa gagn per. Mo pou ed twa.’

14 Pa gagn per, twa ti lever* Zakob,

Twa pep Izrael, mo pou ed twa,” ala seki Zeova, sa Kikenn Ki Reaste twa la, sa Kikenn Ki Sin dan Izrael la dir.

15 “Gete! Mo’nn fer twa vinn enn zouti ki separ lagrin ar so lapay,

Enn nouvo zouti ki ena ledan bien fite de kote.

To pou mars lor bann montagn ek to pou kraz zot

Ek to pou fer bann kolinn vinn kouma lapay.

16 To pou avoy zot anler,

Ek divan pou pran zot ale;

Enn tanpet divan pou fann zot partou.

To pou zwaye gras-a Zeova,

Ek to pou fier gras-a sa Kikenn Ki Sin dan Izrael la.”

18 Mo pou fer bann larivier koule lor bann kolinn kot nanye pa pouse

Ek mo pou fer bann lasours delo dan bann laplenn.

Mo pou fer dezer vinn enn lamar delo ki kouver ar long lerb

Ek mo pou fer later kot pena delo vinn enn plas kot ena bann lasours delo.

19 Dan dezer mo pou plant pie sed,

Pie akasia, pie adas* ek pie pin.

Dan laplenn ki dan dezer mo pou plant pie zenevriye,

Ansam avek pie frenn ek pie sipre,

20 Pou ki tou dimounn kapav trouve ek kone,

Pran kont ek konpran

Ki se lame Zeova ki’nn fer sa,

Ek ki se sa Kikenn Ki Sin dan Izrael la ki’nn kree sa.”

Lerwa Zakob dir: “Donn zot bann largiman,

22 Donn bann prev ek dir nou bann kitsoz ki pou arive dan lavenir.

Dir nou bann kitsoz ki’nn arive avan,*

Pou ki nou kapav reflesi lor la* ek kone ki rezilta sa pou ena.

23 Dir nou ki pou arive dan lavenir,

Pou ki nou kone si zot vremem bann bondie.

Wi, fer enn kitsoz bon ouswa pa bon,

Pou ki kan nou trouv sa nou etone.

24 Gete! Zot koumadir bann kitsoz ki pa existe,

Ek seki zot inn fer pa vo nanye.

25 Mo’nn donn pouvwar enn kikenn ki sorti dan Lenor, ek li pou vini,

Enn kikenn ki’nn sorti dan Les* ek ki pou donn laglwar* mo nom.

Li pou mars lor bann dirizan* koumadir zot larzil,

Parey kouma enn potie ki kraz larzil ki mouye.

26 Kisann-la ki’nn koz lor la depi koumansman, pou ki nou kapav kone,

Ouswa depi lepok lontan, pou ki nou kapav dir, ‘Li ena rezon’?

28 Me mo’nn kontign gete, me pa ti ena personn;

Pa ti ena personn parmi zot pou donn konsey.

Mo’nn donn li mo lespri sin;

Li pou amenn lazistis pou tou sort kalite dimounn.

 2 Li pa pou ni kriye ni lev lavwa,

Ek li pa pou fer tann so lavwa lor sime.

 3 Li pa pou kas okenn long lerb ki deza kourbe,

Ek li pa pou tengn enn lames ki deza pe al tengn.

 4 Li pa pou ni afebli ni kourbe ziska ki li etabli lazistis lor later;

Ek bann zil pe kontign atann so lalwa.*

 5 Ala seki vre Bondie, Zeova, dir,

Kreater lesiel ek sa Kikenn Ki Gran ki’nn tal lesiel la,

Sa Kikenn ki’nn form* later ek bann kitsoz ki lor la,

Sa Kikenn ki donn bann dimounn ki lor later souf lavi la,

Ek ki donn lespri bann ki mars lor later:

 6 “Mwa, Zeova, mo’nn apel twa pou amenn lazistis;

Mo’nn trap to lame.

Mo pou protez twa ek mo pou donn twa kouma enn lalians pou bann pep,

Ek kouma enn lalimier pou bann nasion,

 7 Pou ki to ouver lizie bann aveg,

Pou ki to tir bann prizonie dan kaso,

Ek pou ki to tir dan prizon bann ki pe asize dan nwarte.

 8 Mwa mo Zeova. Samem mo nom;

Mo pa donn* personn laglwar ki pou mwa,

Ek mo pa donn bann zidol ki skilpte louanz ki pou mwa.

 9 Gete, bann premie kitsoz ki mo ti anonse inn arive;

Aster-la mo pe anons bann nouvo kitsoz.

10 Sant enn nouvo sante pou Zeova,

Loue li ziska lot bout later,

Zot ki pe vwayaze lor lamer ek tou seki ena ladan,

Zot bann zil ek zot bann abitan.

11 Ki dezer ek bann lavil ki ladan kriye for,

Bann plas kot Kedar reste.

Ki bann dimounn ki res dan bann falez kriye avek lazwa;

Ki zot tou kriye bien for depi lao bann montagn.

12 Ki zot tou donn Zeova laglwar,

Ek ki zot anons so louanz mem lor bann zil.

Li pou kriye, wi, li pou kriye parey kouma bann ki al lager;

Li pou montre ki li pli for ki so bann lennmi.

Parey kouma enn madam ki pe gagn zanfan,

Mo pou plengne, esoufle, ek mank ler anmemtan.

15 Mo pou detrir bann montagn ek bann kolinn,

Ek mo pou fer tou seki pous lor zot sek.

Mo pou fer bann larivier vinn bann zil,*

Ek mo pou fer bann lamar delo kot ena bann long lerb, sek.

16 Mo pou amenn bann aveg lor enn semin ki zot pa kone,

Ek mo pou fer zot pran bann semin ki zot pa abitie.

Devan zot lizie mo pou fer nwarte vinn lalimier,

Ek mo pou fer bann terin kot ena ros vinn nivo.

17 Zot pou retourn par deryer ek zot pou gagn onte,

Bann ki met zot konfians dan bann zidol ki’nn skilpte,

Bann ki dir ar bann stati an metal:* “Zot nou bondie.”

18 Zot ki sourd, ekoute;

Zot ki aveg, gete ek trouve.

21 Akoz so lazistis,

Zeova inn kontan pou montre ki lalwa* li gran ek ranpli ar laglwar.

22 Me sa se enn pep ki bann dimounn inn kokin ek inn depouye;

Inn piez zot tou dan bann trou ek inn ferm zot dan bann prizon.

Zot pa’nn rod mars lor So bann semin,

Ek zot pa’nn obeir So lalwa.*

25 Alor Li ti kontign devers lor zot so gran koler,

Ek violans lager.

43 Aster-la, ala seki Zeova dir,

To Kreater, A Zakob, sa Kikenn ki’nn fer twa la, A Izrael:

 2 Kan to pou travers delo, mo pou avek twa,

Ek kan to pou travers bann larivier, zot pa pou kouver twa.

Kan to pou mars dan dife, to pa pou brile,

Ni bann laflam pa pou bril twa.

 3 Parski momem Zeova to Bondie,

Sa Kikenn Ki Sin dan Izrael la, to Sover.

Mo’nn donn Lezip kouma enn ranson pou twa,

Ek mo’nn donn Letiopi ek Seba dan to plas.

 4 Parski to’nn gagn valer devan mo lizie,

To’nn gagn loner, ek mo’nn kontan twa.

Alor, mo pou donn bann dimounn dan to plas

Ek bann nasion dan plas to lavi.

Mo pou fer to desandans sorti depi Les,

Ek depi Lwes, mo pou rasanble zot.

Retourn mo bann garson ki lwin, ek mo bann tifi ki dan lot bout later,

 7 Tou bann ki port mo nom

Ek ki mo’nn kree pou mo prop laglwar,

Ki mo’nn forme ek ki mo’nn fer.’

 8 Amenn enn pep ki aveg, mem si zot ena lizie,

Ek ki sourd, mem si zot ena zorey.

 9 Les tou bann nasion rasanble dan enn plas,

Ek les tou bann pep rasanble ansam.

Les zot amenn zot bann temwin pou prouve ki zot ena rezon,

Ouswa les zot tande ek dir, ‘Samem laverite!’”

10 Ala seki Zeova dir, “Zot mo bann temwin,

Wi, mo serviter ki mo’nn swazir,

Pou ki zot konn mwa ek ena lafwa dan mwa*

Ek ki zot konpran ki mo pa’nn sanze.

Avan mwa okenn Bondie pa ti forme,

Ek apre mwa pa finn ena enn lot.

12 Ala seki Zeova dir: “Momem ki’nn anonse ki pou arive, ki’nn sap zot, ek ki’nn fer konn sa

Kan pa ti ena okenn bondie etranze parmi zot.

13 Anplis, mo pou touletan parey;

Personn pa kapav ras nanye dan mo lame.

“Akoz twa mo pou avoy enn larme dan Babilonn ek fer tou bann bar so bann laport tonbe,

Ek bann Kaldeen ki dan zot bato pou kriye pou demann led.

16 Ala seki Zeova dir,

Sa Kikenn ki fer enn semin dan lamer la,

Ek enn semin mem dan bann delo ki azite,

17 Sa Kikenn ki fer bann kales lager ek bann seval sorti,

Larme-la ansam avek so bann gerye ki for:

18 “Pa mazinn bann kitsoz ki’nn arive avan,

Ek pa res reflesi lor seki’nn arive dan lepase.

19 Gete! Mo pe fer enn kitsoz nouvo;

Sa pe deza arive.

Mo pou fer enn semin pas dan dezer

Ek bann larivier pas dan dezer.

20 Bann zanimo sovaz ki dan bwa pou donn mwa loner,

Bann lisien sovaz* ek bann otris,

Parski mo donn delo dan dezer,

Ek larivier dan dezer,

Pou ki mo pep, sa kikenn ki mo’nn swazir la, bwar,

21 Pep ki mo ti forme pou mwa

Pou ki zot kapav loue mwa.

22 Me to pa finn apel mwa, A Zakob,

Parski to’nn fatige ar mwa, A Izrael.

23 To pa’nn amenn pou mwa bann mouton pou to bann sakrifis ki brile

Ek to pa’nn glorifie mwa avek to bann sakrifis.

Mo pa’nn obliz twa pou amenn enn kado pou mwa,

Ni mo’nn fatig twa ar demann twa lansan blan.*

24 Avek to kas to pa’nn aste long lerb ki santi bon pou mwa,

Ek to pa’nn fer mwa plezir avek lagres to bann sakrifis.

Okontrer, to bann pese inn pez lour lor mwa

Ek to’nn fatig mwa avek to bann erer.

25 Momem sa Kikenn ki efas to bann erer* akoz mo nom la,

Ek mo pa pou rapel to bann pese.

26 Si ena kitsoz ki mo’nn bliye, rapel mwa; anou sakenn pled nou ka kont nou kamarad;

Rakont to version pou prouve ki to ena rezon.

27 To premie anset inn fer pese,

Ek to bann port-parol* inn rebel kont mwa.

28 Alor mo pou fer bann prins ki dan plas ki sin vinn inpir,

Mo pou permet ki detrir Zakob,

Ek mo pou les Izrael gagn maltrete.*

44 “Aster-la ekoute, A Zakob mo serviter,

Ek twa, A Izrael, sa kikenn ki mo’nn swazir la.

 2 Ala seki Zeova dir,

Sa Kikenn Ki’nn Fer twa la ek sa Kikenn ki’nn form twa la,

Li ki’nn ed twa depi dan vant:*

‘Pa gagn per, mo serviter Zakob,

Ek twa Zesouroun* ki mo’nn swazir.

 3 Parski mo pou vers delo lor sa kikenn ki swaf la*

Ek fer bann ti larivier koule lor later sek.

Mo pou vers mo lespri lor to desandans

Ek mo benediksion lor to bann desandan.

 4 Ek zot pou pouse koumadir zot parmi bann lerb ver,

Kouma bann pie pepliye pre ar bann ti larivier delo.

Enn lot pou apel limem Zakob,

Ek enn lot ankor pou ekrir lor so lame: “Mo pou Zeova.”

 6 Ala seki Zeova dir,

Lerwa Izrael ek sa Kikenn Ki Reaste li la, Zeova Sef bann larme:

Ki zot predir bann kitsoz ki pre pou arive

Ek seki pou arive dan lavenir,

Parey kouma mo’nn fer depi lepok ki mo’nn etabli sa pep ki la depi bien lontan la.

 8 Pa bizin tranble ar laper,

Ek pa les laper paraliz zot.

 9 Tou bann ki fer bann zidol skilpte pa vo nanye

Ek bann obze ki zot bien kontan pa servi zot nanye.

Zot,* zot bann temwin ki pa trouv nanye ek pa konn nanye,

Akoz sa, bann ki’nn fer zot pou ranpli ar laont.

10 Kisann-la ki pou fer enn bondie ouswa enn zidol an metal*

Ki pa servi nanye?

Apre sa, li gagn fin ek li nepli ena lafors;

Li pa bwar delo, alor li fatige.

Li donn dibwa-la form enn dimounn,

Enn dimounn ki zoli,

Pou met li dan enn lakaz.*

Li swazir enn kalite pie, enn pie senn

Ek li les li grandi parmi bann lezot pie dan lafore.

Li servi enn parti dibwa-la pou sof li;

Li alim dife ek kwi dipin.

16 Li bril lamwatie ladan pou fer dife;

Li servi sa lamwatie-la pou roti laviann ki li pou manze, ek so vant plin.

18 Zot pa konn nanye, zot pa konpran nanye,

Parski zot lizie kole ek zot pa kapav trouve,

Ek zot* pena bon zizman.

19 Pena personn ki reflesi dan so leker

Ouswa ki ena konesans ek lintelizans pou li dir:

“Mo’nn servi lamwatie dibwa pou fer dife,

Ek avek so sarbon mo’nn kwi dipin ek roti laviann pou manze.

21 “Rapel sa bann kitsoz-la, A Zakob, ek twa, A Izrael,

Parski to mo serviter.

22 Mo pou fer to bann erer disparet koumadir zot kouver avek enn niaz

Ek to bann pese koumadir zot kouver avek enn niaz ki epe.

23 Lesiel, kriye avek lazwa,

Parski Zeova inn azir!

Montagn, lafore,

Ek tou bann pie ki dan lafore, kriye avek lazwa!

Parski Zeova inn reaste Zakob,

Ek li pe montre so laglwar lor Izrael.”

24 Ala seki Zeova dir, sa Kikenn Ki Reaste twa la,

Sa kikenn ki’nn form twa depi dan vant la:

Mo’nn tal lesiel par momem,

Ek mo’nn form* later.

25 Mo pe montre ki sign bann fos profet* zot fos,

Ek momem sa Kikenn ki fer bann ki predir lavenir azir kouma bann fou;

Sa Kikenn ki met bann zom ki ena sazes dan konfizion

Ek ki fer zot konesans vinn enn kitsoz ki bet;

26 Sa Kikenn ki fer parol so serviter vinn vre

Ek sa Kikenn ki realiz tou seki so bann mesaze inn anonse;

Sa Kikenn ki dir konsernan Zerizalem, ‘Bann dimounn pou res kot twa,’

Ek konsernan bann lavil Zida, ‘Pou rekonstrir zot,

Ek mo pou repar seki’nn kraze dan Zerizalem’;

27 Sa Kikenn ki dir bann delo profon, ‘Evapore,

Ek mo pou fer tou zot bann larivier sek’;

28 Sa Kikenn ki dir konsernan Siris, ‘Li mo berze,

Ek li pou fer tou kitsoz dapre mo volonte’;

Sa Kikenn ki dir lor Zerizalem, ‘Li pou rekonstrir,’

45 Ala seki Zeova dir ar sa kikenn ki li’nn swazir la, Siris,

Sa dimounn ki mo’nn trap so lame drwat la

Pou soumet tou bann nasion devan li,

Pou tir tou bann zarm ar* bann lerwa,

Pou ouver bann laport de batan devan li,

Koumsa bann laport lavil pa pou ferme:

 2 “Mo pou mars devan twa,

Ek mo pou fer bann kolinn vinn plat.

Mo pou kraz bann laport an kwiv,

Ek mo pou kas bann bar feray.

 3 Mo pou donn twa bann trezor ki dan nwar

Ek bann trezor ki dan bann plas kasiet,

Pou ki to kone ki momem Zeova,

Bondie Izrael, ki pe apel twa par to nom.

 4 Akoz mo serviter Zakob ek Izrael sa kikenn ki mo’nn swazir la,

Mo pe apel twa par to nom.

Mo pou fortifie twa,* mem si to pa’nn konn mwa,

 6 Pou ki bann dimounn kone

Depi soley leve ziska soley kouse*

Ki pena personn apart mwa.

 7 Mo fer lalimier ek mo fer nwarte,

Mo fer ki ena lape ek mo fer maler arive;

Mwa, Zeova, momem ki fer tou sa bann kitsoz-la.

 8 A lesiel, fer lapli tonbe depi lao;

Fer bann niaz devers lazistis.

Fer ki later ouver ek prodir delivrans,

Ek ki li fer lazistis pouse anmemtan.

 9 Maler lor sa dimounn ki diskit ar sa Kikenn Ki’nn Fer* li la,

Parski li zis enn bout resipian later

Parmi bann lezot bout resipian later ki’nn fane anba!

“Kouma eski zot ena toupe pou poz mwa kestion lor bann kitsoz ki pe vini

Ek donn mwa lord konsernan mo bann garson ek travay ki mo lame inn fer?

Mo’nn tal lesiel avek mo prop lame,

Ek mo’nn donn bann lord tou so larme.”

13 “Parski mo enn kikenn ki drwat, mo’nn pous enn zom pou azir,

Ek mo pou fer tou so bann semin vinn drwat.

Limem sa kikenn ki pou ranz mo lavil la

Ek liber mo bann dimounn ki’nn deporte san ki demann enn pri ouswa enn brayb,” ala seki Zeova Sef bann larme dir.

“Bann profi* Lezip ek bann marsandiz* Letiopi ek bann Sabeen, bann zom ki bien ot,

Pou vinn kot twa ek zot pou vinn pou twa.

Avek respe zot pou dir twa, ‘Vremem Bondie avek twa,

Ek apart li pena enn lot; pena enn lot Bondie.’”

15 Vremem to enn Bondie ki pa touletan fer kone seki li pe fer,

A Bondie Izrael, twa ki enn Sover.

16 Zot tou pou gagn onte ek pou imilie zot;

Tou bann ki fer bann zidol pou ale avek dezoner.

18 Parski ala seki Zeova dir,

Kreater lesiel, vre Bondie,

Sa Kikenn ki’nn form later la, sa Kikenn Ki’nn Fer li la ek ki’nn etabli li dan enn fason solid,

Ki pa’nn kree li pou nanye,* me ki’nn form li pou ki dimounn res lor la:

19 Mo pa’nn koz depi enn plas kasiet, dan enn pei kot fer nwar;

Mo pa’nn dir desandans Zakob,

‘Rod mwa pou nanye.’*

Bann ki sarye bann zidol skilpte pa konn nanye

Ek zot priye enn bondie ki pa kapav sap zot.

Kisann-la inn predir sa depi bien lontan,

Ek ki’nn anons sa depi lepok lontan?

Pena enn lot Bondie apart mwa;

Enn Bondie ki drwat ek enn Sover, pena personn apart mwa.

22 Retourn ar mwa ek gagn lavi sov, zot tou ki partou lor later,

Parski momem Bondie, ek apart mwa pena enn lot.

23 Mo’nn fer serman;

Parol ki’nn sorti dan mo labous li vre,

Ek li pa pou retourne:

Tou dimounn pou azenou devan mwa,

Tou dimounn pou fer serman ki li fidel ar mwa,

24 Ek dir, ‘Vremem dan Zeova ena vre lazistis ek lafors.

25 Gras-a Zeova, pou konsider tou bann desandan Izrael kouma bann dimounn ki drwat,

Ek zot pou fier akoz li.’”

 2 Zot kourbe ek bes latet ansam;

Zot pa kapav sap bann kitsoz ki lor bann zanimo-la,*

Ek zotmem zot al kouma bann prizonie.

 3 “Ekout mwa, A zot bann desandan Zakob, ek tou bann desandan Izrael ki reste,

Zot ki mo’nn soutenir depi zot nesans ek ki mo’nn sarye depi ki zot dan vant.

 4 Ziska ki zot vinn vie mo pou res parey;

Ziska ki zot gagn seve blan mo pou kontign soutenir zot.

 5 Ar kisann-la zot pou konpar mwa, fer mwa vinn egal

Ouswa dir ki mo parey, pou ki nou resanble?

 6 Ena bann ki pe tir boukou lor dan zot sak;

Zot pez larzan lor balans.

 7 Zot met li lor zot zepol;

Zot sarye li ek zot met li dan so plas, ek li res lamem.

Zot kriye li, me li pa reponn;

Li pa kapav sov personn ki dan problem.

 9 Rapel bann premie kitsoz* ki’nn arive bien lontan,

Ki momem Bondie, ek pena enn lot ankor.

10 Depi koumansman mo fer konn lafin,

Ek depi bien lontan mo fer konn bann kitsoz ki pankor arive.

Mo dir, ‘Seki mo’nn deside* pou realize,

Ek mo pou fer tou seki fer mwa plezir.’

11 Mo pe apel enn zwazo rapas ki sorti dan Les,*

Mo apel sa zom ki pou fer seki mo’nn deside* la, depi enn pei bien lwin.

12 Ekout mwa, zot ki ena latet dir,

Zot ki bien lwin ar lazistis.

13 Mo pou amenn mo lazistis pre;

Li pa lwin,

Ek mo delivrans pa pou tarde.

47 Desann ek asiz dan lapousier,

A tifi Babilonn ki vierz.

Asiz anba kot pena tronn,

A tifi bann Kaldeen,

Parski zame ankor bann dimounn pa pou dir ki to frazil

Ek ki to enn tifi gate.

 4 “Sa Kikenn ki pe reaste nou la,

So nom se Zeova Sef bann larme,

Limem sa Kikenn Ki Sin dan Izrael la.”

 5 Asiz laba trankil ek al dan nwarte,

A tifi bann Kaldeen;

Bann-la pou nepli apel twa Larenn bann Rwayom.

Mo’nn mepriz mo leritaz,

Ek mo’nn larg zot dan to lame.

To pa’nn pran sa bann kitsoz-la kont;

To pa’nn reflesi kouma sa pou fini.

 8 Aster-la ekout sa, A twa ki kontan plezir,

Ki asiz an sekirite, ki dir dan so leker:

Akoz* tou to bann sorselri ek tou to bann sor ki pwisan

Tou sa bann kitsoz-la pou vremem tom lor twa.

To sazes ek to konesans finn met twa dan lerer,

Ek to dir dan to leker: “Pena personn kouma mwa, ek apart mwa pena personn.”

11 Me maler pou vinn lor twa,

Ek okenn to bann sor pa pou kapav anpes sa.*

12 Alor, kontign avek to bann sor ek tou to bann sorselri,

Avek ki to’nn fatig twa depi to zenes.

Kitfwa to kapav gagn enn lavantaz;

Kitfwa to kapav fer bann dimounn gagn per.

Aster-la les zot dibout ek sov twa,

Bann ki ador lesiel,* ki get bann zetwal,

Bann ki pandan bann nouvel-linn

Fer twa konn bann kitsoz ki pou ariv twa.

Bann laflam-la pa kouma sarbon ki servi pou gard so,

Ek zot pa kouma enn dife akote ki kapav asize.

15 Se samem ki pou ariv bann longanis,

Avek ki to’nn fatig twa depi to zenes.

48 Ekout sa, A desandan Zakob,

Zot ki port nom Izrael

Ek ki’nn sorti dan bann delo* Zida,

Zot ki fer serman lor nom Zeova

Ek ki priye Bondie Izrael,

Mem si zot pa dan laverite ek lazistis.

 2 Zot dir ki zot enn pep ki sorti dan lavil sin

Ek zot rod soutien Bondie Izrael,

Ki apel Zeova Sef bann larme.

Sa inn sorti dan mo prop labous,

Ek mo’nn fer konn sa.

 4 Parski mo ti kone ki kantite to latet dir,

Ki tandon to likou parey kouma feray ek to fron kouma kwiv,

 5 Mo ti dir twa sa depi bien lontan.

Avan ki sa arive, mo ti fer twa tann sa,

Pou ki to pa dir, ‘Mo zidol ki’nn fer sa;

Mo zidol skilpte ek mo zidol an metal* ki’nn donn lord pou fer sa.’

Apartir aster-la mo pe anons twa bann nouvo kitsoz,

Bann sekre ki ti bien kasiet ek ki to pa ti kone.

 7 Se aster-la ki pe kree sa bann kitsoz-la, ek pa depi bien lontan,

Bann kitsoz ki zame to’nn tande ziska zordi.

 8 Non, to pa’nn tann nanye, to pa’nn kone,

Ek dan lepase to zorey pa ti ouver.

Parski mo kone ki to enn vre tret,

Ek depi to nesans to enn rebel.

 9 Me akoz mo nom mo pou tini mo koler;

Pou mo prop laglwar mo pou kontrol mwa,

Ek mo pa pou detrir twa.

11 Se pou momem, wi, se pou momem ki mo pou azir,

Parski kouma mo kapav permet ki zet dezoner lor mwa?

13 Mo prop lame inn poz fondasion later,

Ek mo lame drwat inn tal lesiel.

Li pou fer ar Babilonn seki fer Li plezir,

Ek so lebra pou azir kont bann Kaldeen.

“Mwa, Zeova, momem to Bondie,

Momem ki ansegn twa pou to prop lavantaz,*

Momem ki gid twa lor semin ki to bizin marse.

Lerla, to lape ti pou vinn parey kouma enn larivier

Ek to lazistis parey kouma bann vag lamer.

19 To desandans pou vinn boukou parey kouma disab

Ek to bann desandan parey kouma bann lagrin disab.

Pou zot, li ti fer delo sorti dan ros;

Li ti fann enn ros ek li ti fer delo sorti avek presion.”

49 Ekout mwa zot bann zil,

Ek pran kont, zot bann nasion ki bien lwin.

 2 Li’nn fer mo labous vinn parey kouma enn lepe ki bien fite;

Li’nn kasiet mwa dan lonbraz so lame.

Li’nn fer mwa vinn enn fles ki poli;