KESTION 10
Ki Labib promet nou lor nou lavenir?
“Bann dimounn zis pou posed later, ek zot pou res lor la pou touletan.”
Psaume 37:29
“Later res pou touletan.”
“Li pou fer lamor disparet pou touletan, ek Souverin Segner Jéhovah pou souy larm lor tou bann figir.”
“Sa lepok-la lizie sa kikenn ki aveg-la pou ouver, ek zorey sa kikenn ki sourd-la pou debouse. Sa lepok-la seki bwate pou sote kouma enn serf, ek lalang enn kikenn ki pa kapav koze pou kriye avek lazwa. Parski dan dezer, delo pou sorti avek enn gran presion, ek pou ena bann larivier dan bann laplenn kot nanye pa pouse.”
“Li pou souy tou larm dan zot lizie, ek lamor nepli pou existe. Dimounn nepli pou an-dey, zot nepli pou plore ek nepli pou ena douler. Bann kitsoz ki ti ena avan finn disparet.”
“Zot pou ranz bann lakaz ek zot pou res ladan, zot pou plant bann karo rezin ek zot pou manz zot bann frwi. Zot pa pou ranze pou ki enn lot reste, ni zot pou plante pou ki enn lot manze. Parski bann zour mo pep pou parey kouma zour enn pie, ek bann ki mo’nn swazir pou profit maximum tou travay zot lame.”