Leson 16

Ou decision pou servi Bondié

Ki ou bizin faire pou ou vinn camarade Bondié? (1, 2)

Couma ou kapav voué ou la-vie ar Bondié? (1)

Kan eski ou bizin baptisé? (2)

Couma eski ou kapav gagne la force pou reste fidel ar Bondié? (3)

1. Pou vinn camarade Bondié, ou bizin gagne enn bon connaissance lor la verité ki ena dan la Bible (1 Timothée 2:3, 4), ena la foi dan seki ou finn aprann (Hébreux 11:6), repenti pou ou bann peché (Actes 17:30, 31), ek change ou maniere vive. (Actes 3:19) Lerla, ou l’amour pou Bondié pou pousse ou pou voué ou la-vie ar Li. Sa vedir ki dan enn la-priere personnel, kan ou tousel, ou dire Li ki ou pé donne Li ou la-vie net, pou faire so volonté.—Matthieu 16:24; 22:37.

2. Apré ki ou’nn fini voué-ou ar Bondié, ou bizin baptisé. (Matthieu 28:19, 20) Ou bapteme montré lezot ki ou finn voué ou la-vie ar Jéhovah. Alors, bapteme reservé zis pou bann dimoune ki assez grand pou prend decision pou servi Bondié. Kan enn dimoune baptisé, so lekor entier bizin plonge dan de l’eau.a—Marc 1:9, 10; Actes 8:36.

3. Apré ki ou finn fini voué ou la-vie, Jéhovah pou attann ki ou vive en accord avek ou promesse. (Psaume 50:14; Ecclésiaste 5:4, 5) Satan pou essaye faire ou arrete servi Jéhovah. (1 Pierre 5:8) Mais vinn proche avek Bondié dan la priere. (Philippiens 4:6, 7) Etudié so Parole toulé-jour. (Psaume 1:1-3) Reste attaché avek congregation. (Hébreux 13:17) Kan ou faire tousala, ou pou gagne la force pou reste fidel avek Bondié. Lerla ou pou kapav faire pou touletan seki Bondié demann ou faire!

[Note]