Watchtower BIBLIOTEK LOR INTERNET
Watchtower
BIBLIOTEK LOR INTERNET
Kreol Morisien
  • LABIB
  • PIBLIKASION
  • RENION
  • lfb leson 65 p. 154-p. 155 par. 1
  • Ester Sov So Pep

Pena video ki disponib pou seki ou finn swazir.

Sori, enn erer inn anpes sa video-la zwe.

  • Ester Sov So Pep
  • Bann leson to kapav aprann dan Labib
  • Lor Mem Size
  • Mordekaï ek Esther
    Mo Liv Zistwar Labib
  • Li Ti Ena Sazes, Kouraz, ek Enn Lespri Sakrifis
    Imit Zot Lafwa
  • Point biblik interessant dan livre Esther
    La Tour de Garde pé annonce Royaume Jéhovah—2006
  • Li’nn Riske So Lavi pou Pep Bondie
    Imit Zot Lafwa
Bann leson to kapav aprann dan Labib
lfb leson 65 p. 154-p. 155 par. 1
Larenn Ester rant dan lakour pale Lerwa Asieris, kot ena boukou gard

LESON 65

Ester Sov So Pep

Larenn Ester

Ester ti enn tifi zwif ki ti res dan lavil Siz, enn lavil Pers. Boukou lane avan, Naboukodonozor ti fors so bann anset pou kit Zerizalem. Se Mardose, kouzin Ester, ki ti elve li. Mardose ti enn serviter Lerwa Pers, Asieris.

Lerwa Asieris ti anvi gagn enn nouvo larenn. Alor, so bann serviter ti al rod bann pli zoli tifi ki ti ena dan pei, ek Ester ti enn parmi zot. Parmi tou sa bann tifi-la, lerwa ti swazir Ester pou vinn larenn. Mardose ti demann Ester pou pa dir personn ki li ti enn Zwif.

Amann, enn zom bien orgeye, ti sef lor tou bann prins. Li ti anvi ki tou dimounn azenou devan li. Me Mardose pa ti dakor pou fer sa. Amann ti telman ankoler ki li ti anvi touy Mardose. Kan Amann ti dekouver ki Mardose ti enn Zwif, li ti fer enn plan pou touy tou bann Zwif ki ti ena dan pei. Li ti dir lerwa: ‘Bann Zwif bien danzere; to bizin touy zot tou.’ Asieris ti reponn: ‘Fer seki to anvi.’ Lerla, Asieris ti donn li pouvwar pou fer enn nouvo lalwa. Amann ti fer pas enn lalwa: Treziem zour mwa Adar, lepep ti bizin touy tou bann Zwif. Me Zeova ti pe get tou seki ti pe arive.

Ester pa ti konn sa lalwa-la. Alor, Mardose ti avoy li enn kopi sa lalwa-la, ek ti dir li: ‘Al koz ar lerwa.’ Ester ti reponn: ‘Zot touy ninport kisann-la ki al get lerwa san linvitasion. Sa fer 30 zour ki lerwa pa finn invit mwa! Me mo pou ale kanmem. Si li dres so baton rwayal dan mo direksion, mo pou viv. Si li pa fer sa, mo ava mor.’

Ester ti rant dan lakour pale lerwa. Kan lerwa ti trouv li, li ti dres so baton rwayal dan direksion Ester. Lerla, Ester ti al get lerwa ek lerwa ti demann li: ‘Ki mo kapav fer pou twa, Ester?’ Li ti reponn: ‘Mo anvi invit twa ek Amann pou enn festin.’ Pandan festin-la, Ester ti invit zot pou enn deziem festin. Pandan deziem festin-la, lerwa ti demann Ester ankor enn fwa: ‘Ki mo kapav fer pou twa?’ Ester ti reponn: ‘Biento enn kikenn pou touy mwa ansam ar mo pep. Silteple, sov nou.’ Lerla, lerwa ti demande: ‘Kisann-la anvi touy twa?’ Ester ti reponn: ‘Se sa move zom-la, Amann.’ Asieris ti telman ankoler ki li ti fer touy Amann toutswit.

Personn pa ti kapav kennsel lalwa ki Amann ti fer pase, pa mem lerwa. Alor, lerwa ti fer Mardose vinn sef lor tou bann prins ek li ti donn li pouvwar pou fer pas enn nouvo lalwa. Mardose ti fer pas enn lalwa ki ti permet bann Zwif pou defann zot kan pou atak zot, ek le 13 Adar, bann Zwif ti gagn laviktwar lor zot bann lennmi. Depi sa lepok-la, toule lane zot ti selebre sa viktwar-la.

“Pou osi amenn zot devan bann gouverner ek bann lerwa akoz mwa. Sa pou enn temwaniaz pou bann-la ek bann dimounn lezot nasion.”​—Matie 10:18

Kestion: Ki plan Amann ti fer kont bann Zwif? Kouma Ester ti montre ki li ti ena lafwa an Zeova?

Ester 2:5-20; 3:1–5:8; 7:1–8:14; 9:1-28

    Piblikasion Kreol Morisien (2000-2025)
    Dekoneksion
    Koneksion
    • Kreol Morisien
    • Partaze
    • Preferans
    • Copyright © 2025 Watch Tower Bible and Tract Society of Pennsylvania
    • Linformasion Legal
    • Prinsip Konfidansialite
    • Reglaz Konfidansialite
    • JW.ORG
    • Koneksion
    Partaze