LESON 58
Res Fidel ar Zeova
Bann vre Kretien pa pou les nanye ouswa ninport kisannla anpes zot ador Zeova. Nou sir ki ou ena sa santiman-la ou osi. Ou fidelite ena boukou valer pou Zeova. (Lir 1 Kronik 28:9.) Ki bann sitiasion kapav teste ou fidelite anver Zeova? Ek ki kitsoz kapav ed ou pou res fidel?
1. Kouma sertin kapav teste nou fidelite anver Zeova?
Sertin dimounn pou esey anpes ou servi Zeova. Kisannla ki pou fer sa? Sertin dimounn finn aret servi Zeova ek asterla zot koz manti lor so lorganizasion, parski zot anvi detrir nou lafwa. Sa bann dimounn-la se bann aposta. Ena osi sertin sef relizie ki fann bann fos linformasion lor nou. Zot fer sa pou ki bann Kretien ki pa fer atansion kit laverite. Li bien danzere ki nou rant dan bann deba avek bann dimounn ki kont nou, ouswa ki nou lir bann kitsoz ki zot ekrir, ki nou al lor zot sit Internet, ouswa mem ki nou get zot bann video. Gete ki Zezi ti dir konsernan bann dimounn ki anpes lezot servi Zeova: “Les zot trankil; zot kouma enn lider aveg ki pe diriz bann aveg. E si enn aveg diriz enn lot aveg, toulede pou tom dan trou.”—Matie 15:14.
2. Kouma nou bann swa kapav teste nou fidelite anver Zeova?
Nou lamour pou Zeova pou pous nou pou pa fer nanye ki ena enn lien avek fos relizion. Sa kapav konsern nou travay, ouswa lorganizasion dan ki nou ete, ouswa ninport ki laktivite ki nou fer. Zeova donn nou sa lavertisman-la: “Kit [Gran Babilonn], mo pep.”—Revelasion 18:2, 4.
ANOU GET INPE PLIS
Ou pou aprann kouma ou kapav anpes ninport kisannla afebli ou fidelite anver Zeova. Ou pou trouve osi kouma ou kapav montre ou fidelite anver Zeova kan ou kit Gran Babilonn.
3. Fer atansion ar bann ki fann bann fos lansegnman
Kouma nou bizin reazir si nou tann bann kitsoz negatif lor lorganizasion Zeova? Lir Proverb 14:15, ek apre sa, get sa kestion-la ansam:
Kifer nou bizin fer atansion ki nou pa krwar ninport ki kitsoz ki nou tande?
Lir 2 Zan 9-11, ek apre sa, get sa bann kestion-la ansam:
Kouma nou bizin azir anver bann aposta?
Mem si nou pa pou koz direkteman avek bann aposta, kouma nou kapav gagn kontak avek zot bann lansegnman?
Ki ou panse Zeova pou resanti si nou ekout bann kitsoz negatif ki bann dimounn dir lor Li ouswa lor so lorganizasion?
4. Res fidel ar Bondie mem kan enn frer ouswa enn ser fer pese
Ki nou bizin fer si nou aprann ki enn kikenn dan lasanble inn fer enn pese grav? Anou get enn prinsip ki ena dan lalwa ki Bondie ti donn nasion Izrael. Lir Levitik 5:1.
Parey kouma nou trouve dan sa verse-la, si nou aprann ki enn dimounn inn fer enn pese grav, nou bizin dir bann ansien seki nou kone. Me selman, avan ki nou fer sa, nou pou montre bonte anver sa dimounn-la, kan nou ankouraz li pou al get bann ansien ek pou konfes so pese. Me si li pa fer sa, nou fidelite anver Zeova pou pous nou pou dir bann ansien seki nou kone. Kan nou azir koumsa, kouma nou montre lamour fidel anver . . .
Zeova?
sa dimounn ki’nn fer pese la?
lezot dan lasanble?
Si enn kikenn inn fer enn pese, ed li!
5. Res lwin ar Gran Babilonn
Lir Lik 4:8 ek Revelasion 18:4, 5, ek apre sa, reponn sa bann kestion-la:
Eski mo nom ankor lor lalis bann manb enn fos relizion?
Eski mo form parti enn lorganizasion ki ena enn lien avek enn lot relizion?
Eski travay ki mo fer soutenir fos relizion dan enn sertenn fason?
Dan seki mo fer, eski ena kitsoz ki montre ki fos relizion ankor ena enn linflians lor mwa?
Si mo’nn reponn wi pou enn parmi sa bann kestion-la, ki bann sanzman mo bizin fer?
Seki pli inportan, se ki ou pran enn desizion ki pou permet ou kontign ena enn konsians kler ek ki pou montre ou fidelite anver Zeova.
Ki ou pou fer si demann ou pou fer bann donasion pou enn lorganizasion relizie?
SERTIN DIMOUNN DIR: “Mo bizin kone ki bann aposta dir lor bann Temwin Zeova pou ki mo kapav defann laverite.”
Eski li pou saz ki nou azir koumsa? Kifer?
SEKI NOU’NN APRANN
Pou res fidel ar Zeova, fode pa ki nou frekant bann dimounn ki esey anbet nou.
Eski Ou Rapel?
Kifer fode pa ki nou ekout seki bann aposta dir?
Si nou aprann ki enn frer ouswa enn ser inn fer enn pese grav, ki nou bizin fer?
Kouma nou kapav montre ki nou pe obeir lavertisman pou kit fos relizion?
DEKOUVER
Kouma nou bizin reazir kan bann dimounn fann bann fos linformasion lor bann Temwin Zeova?
“Eski To Ena Bann Linformasion ki Exakt?” (Latour Degard, Out 2018)
Kouma ou kapav kone si enn lorganizasion ouswa seki ou pe fer pe soutenir Gran Babilonn?
“Res Bien Okipe dan Dernie Parti ‘Bann Dernie Zour’” (Latour Degard, Oktob 2019, paragraf 16-18)
Kouma bann dimounn ki kont nou finn esey afebli nou lafwa?
Dan lartik « Je recherchais Dieu depuis mon enfance, » gete kouma enn pret Shinto inn kit fos relizion.
“Labib Sanz Bann Dimounn” (Latour Degard, 1e Ziliet 2011, an Franse)