Kouma Servi Liv Viv Ere pou Touletan! pou Fer Bann Letid Labib?

Avan letid

1. 

   1. Prepar twa bien. Kan to prepar twa, reflesi lor seki to etidian bizin, lor so sitiasion, ek lor so bann krwayans. Reflesi ki kitsoz li kapav gagn difikilte pou konpran ouswa pou met an pratik. Reflesi kouma to kapav servi seksion “Dekouver” pou ed li, ek pa ezite pou servi sa seksion-la pandan letid.

Pandan letid

1. 2. Si to etidian dakor, koumans ek terminn letid-la par enn lapriyer.

2. 

   3. Pa koz tro boukou. Konsantre twa lor seki ena dan liv-la, ek les to etidian koze.

3. 4. Dan liv-la, ena kat parti. Kan to koumans enn parti, lir so pwin prinsipal. Apre sa, atir so latansion lor tem de-trwa leson sa parti-la.

4. 5. Kan to fini enn parti, servi seksion “Revizion” pou ed to etidian rapel seki li’nn aprann.

5. 6. Sak fwa to etidie enn leson:

   1. Lir bann paragraf.

   2. Lir tou bann verse kot inn ekrir “Lir.”

   3. Lir bann lezot verse si bizin.

   4. 

      Get tou bann video kot inn ekrir “Zwe” (si li disponib).

   5. Poz to etidian sak kestion.

   6. Atir so latansion lor bann zimaz ki ena dan parti “Anou Get Inpe Plis,” ek demann li seki li panse lor la.

   7. Servi lankadre “Mo Lobzektif” pou ed to etidian pou trouve si li pe progrese. To kapav ankouraz li pou realiz lobzektif ki ena dan lankadre-la, ouswa pou fixe bann lezot lobzektif.

   8. Demann to etidian si, pandan ki li ti pe prepar so letid, li’nn kontan enn lartik ouswa enn video ki dan parti “Dekouver.”

   9. Esey fini enn leson sak fwa ki to fer letid.

Apre letid

1. 

   7. Kontign pans to etidian. Priye Zeova pou Li beni bann progre to etidian ek pou Li donn twa sazes pou to kone kouma to kapav ed li.