2. La famine

“Pa pou ena assez mangé.”—MARC 13:8.

● Enn missié ti al rod refuge dan village Quaratadji, dan Niger. Missié-la so bann cousin, frere ek soeur ki reste pli loin encore, zot aussi zot finn quitte zot village parski pa ti ena mangé. Pourtant, missié-la pé allongé tousel lor enn natte. Kifer li tousel? Sidi, chef sa village-la dire: ”Li pa kapav nourri [so famille] a cause sa li nepli kapav guette zot dan zot figure.”

KI LA REALITÉ MONTRÉ NOU? Dan le monde entier, preské 1 dimoune lor 7 pa gagne assez mangé chaque jour. Dan l’Afrique, dan region sud Sahara, situation pli pire encore. Enn dimoune lor 3 pena assez mangé pou enn longue periode le temps. Pou gagne enn l’idée seki sa representé, mazinn enn famille kot ena enn papa, enn mama, ek enn tibaba. Si ena assez mangé zis pou deux dimoune, kisannla pa pou mangé? Papa-la? mama-la? ou-soit tibaba-la? Sa c’est enn decision ki sa bann famille-la bizin prend toulé-jour.

KI L’OBJECTION SOUVENT NOU TENDÉ? La terre produire mangé plus ki bizin pou tou dimoune. C’est zis ki bizin konn servi bann ressource la terre encore pli bien.

ESKI SA L’OBJECTION-LA LI VALABLE? Jamais avant dan l’Histoire, bann planteur ek bann fermier finn kapav produire ek transporte autant mangé ki zordi. En principe, bann gouvernement humain ti bizin kapav konn servi mangé ki la terre produire pou reglé probleme ki ena en rapport avek la famine. Mais selman, mem apré ki zot finn essaye faire sa pendant plusieurs dizaine l’année, zot pa finn reussi.

KI OU PENSÉ? Eski Marc 13:8 pé realisé zordi? Malgré bann progré dan domaine technologie, eski la famine pé affecté bann dimoune dan le monde entier?

Souvent, zis apré bann tremblement de terre ek la famine, ena lezot probleme ki arrivé ek ki forme partie dan enn lot l’aspect signe bann dernier jour.

[L’encadré page 5]

“Plus ki enn tiers bann zenfant ki mort a cause pneumonie, diarrhée, ek lezot maladie, ti pou kapav contigne vive zis si zot ti gagne assez mangé.”—ANN M. VENEMAN, EX-DIRECTRICE GÉNÉRALE DU FONDS DES NATIONS UNIES POUR L’ENFANCE.

[Remerciement photo page 5]