Pou Nou Bann Lecteur

Depuis Juillet 1879, inn commence publié sa magazine ki ou pé lire-la. Depuis sa lepok-la beaucoup kitsoz inn changé​—ek sa magazine-la aussi pareil. (Guette bann photo la-haut.) A partir sa numero-la, ou pou remarké ki ena lezot changement dan La Tour de Garde. Ki kitsoz pou different?

Dan beaucoup pays, pli allé pli beaucoup dimoune content al rod bann renseignement lor Internet. Zot nek ena pou click zot mouse pou gagne bann renseignement ki disponible zis lor Internet. Kapav lire beaucoup livre, magazine, ek la gazette lor Internet.

Parski ena beaucoup dimoune ki content lire lor Internet, pa trop longtemps nou’nn faire bann modification lor nou site www.pr418.com, pou ki li pli interessant ek facile pou servi. Bann ki al lor sa site-la kapav lire bann publication ki’nn apparette dan plus ki 430 langue. Mais, a partir sa mois-la, bann ki pou al lor nou site Internet pou kapav lire certain lartik ki avant ti publié dan nou bann magazine mais ki asterla pou apparette zis lor nou site Internet.a

Parski nou pou publié pli beaucoup lartik lor Internet, a partir sa numero-la, La Tour de Garde edition publik pou nepli 32 page mais 16 page. Pé deja publié La Tour de Garde dan 204 langue. Asterla ki bann page pou diminué, kitfois li pou possible pou traduire sa magazine-la dan pli beaucoup langue.

Nou esperé ki sa bann changement-la pou permette nou zwenn pli beaucoup dimoune pou ki zot gagne message ki ena dan la Bible, message ki sauve la vie. Nou determiné pou contigne donne bann renseignement clair ek interessant​—ki li lor papier ou-soit lor Internet​—pou ki tou nou bann lecteur ki respecté la Bible ek ki envie koné ki li enseigné vrai-mem, kapav tire profit.

Bann Editeur