Anons

◼ Piblikasyon ki pu ofer an Mars: Konesans Ki Amenn Ver Lavi pu Tuletan an Franse ek an Kreol. Fer enn zefor spesyal pu kumans bann letid Labib. Avril ek Me: Latur Degard ek Réveillez-vous ! Bann proklamater bizin dir bann dimunn ki si zot ule, zot kapav fer enn kontribisyon pu travay ki pe fer dan lemond antye. Si ena bann dimunn ki montre lintere kan revizit zot, propoz pu vinn kit bann peryodik kot zot. Zin: Ki Bondye Pe Demann Nu? uswa Konesans Ki Amenn Ver Lavi pu Tuletan. Si bann dimunn deza ena sa bann piblikasyon la, ofer zot enn brosir apropriye ki kongregasyon ena dan stok.

◼ Bann proklamater ki anvi fer pyonye oxilyer an Avril bizin fer zot program asterla ek remet zot form boner. Sa pu ed bann ansyin pu fer bann laranzman neseser pu predikasyon ek pu veye ki ena ase peryodik ek bann lezot piblikasyon dan stok. Sak mwa bizin anons kongregasyon non tu bann ki’nn apruve pu fer pyonye oxilyer.

◼ Pu selebre Memoryal Zedi, le 28 Mars, 2002. Si normalman u kongregasyon ena bann reynion Zedi, bizin ranvway zot pu enn lot zur dan lasemenn, si Lasal DiRwayom lib. Si sa pa posib ek u Reynion Servis afekte, kapav fer bann parti ki sirtu aplik ar u kongregasyon dan enn lot Reynion Servis.

◼ Biro Filyal pa aksepte okenn komann piblikasyon personel. Sirveyan prezidan bizin fer laranzman pu ki fer enn anons sak mwa avan ki kongregasyon avoy filyal so komann piblikasyon. Kumsa, tu bann ki interese pu gayn bann piblikasyon personel pu kapav inform frer responsab piblikasyon. Silvuple pa bliye ki ena sertin piblikasyon ki lor komann spesyal.

◼ Nuvo Piblikasyon ki Ena:

Ki Bondye Pe Demann Nu?—Kreol Morisyin ek Reynione

Konesans Ki Amenn Ver Lavi Pu Tuletan—Kreol Reynione

Konesans Ki Amenn Ver Lavi Pu Tuletan—Telegu

A Satisfying Life—How to Attain It—Tamil