Anons
◼ Piblikasyon ki pu ofer an Fevriye: Prezant nuvo liv Aprochez-vous de Jéhovah ek liv Création uswa liv La Révélation : le grand dénouement est proche! Mars: Prezant liv Konesans Ki Amenn ver Lavi pu Tuletan an Franse ek an Kreol tulede, ek fer zefor pu kumans bann letid Labib. Avril ek Me: Prezant bann kopi Latur Degard ek Réveillez-vous ! tulede. Kan nu revizit bann dimunn interese, parmi ena bann ki ti asiste Memoryal uswa enn lot levennman me ki pankor form parti dan kongregasyon, nu kapav les liv Ador Sel Vre Bondye an Franse uswa an Kreol avek zot. Nu bizin fer tu seki nu kapav pu kumans enn letid Labib avek zot. Sirtu si sertin parmi zot finn deza etidye liv Konesans uswa brosir Ki Bondye Pe Demann Nu?
◼ Sirveyan prezidan uswa enn kikenn ki li’nn swazire bizin verifye kont kongregasyon le 1 Mars uswa pli vit posib apre sa dat la. Kan fini verifye, fer enn anons devan kongregasyon apre ki’nn anons prosin rapor kont. Remersi kongregasyon pu bann kontribisyon ki li fer pu sutenir laktivite predikasyon dan lemond antye ek pu bann lezot kontribisyon ankor.
◼ Sekreter ek sirveyan servis bizin reget laktivite bann pyonye permanan. Si ena sertin ki pe gayn difikilte pu gayn zot ler, bann ansyin bizin fer bann laranzman pu ed zot. Pu bann sigzesyon, reget bann let S-201 ki Lasosyete avoye tulelane. Get usi sipleman Nu Minister DiRwayom Septam 1986, paragraf 12-20.
◼ Diskur spesyal pu peryod Memoryal 2003 pu fer Dimans, 27 Avril. Tem diskur la li, “Eski Finn Ariv Ler pu Zizman Babilonn?” Pu gayn plan diskur la apre. Si sa wikenn la, ena kongregasyon pu dan semenn spesyal, uswa zot pu asiste lasanble spesyal ubyin sirkonskripsyon, zot pu bizin fer zot diskur spesyal semenn apre. Okenn kongregasyon pa pu fer diskur spesyal avan le 27 Avril, 2003.
◼ Pwiski finn aret fer bann labonnman personel par lapos, li inportan ki bann kongregasyon distribye bann nuvo nimero Latur Degard ek Réveillez-vous ! tutswit kuma zot gayn sa. Kumsa bann proklamater kapav gayn zot kopi personel ek zot kapav byin kone ki ena ladan avan ki zot prezant sa bann magazinn la dan predikasyon.