Question Ki’nn Soulevé

◼ Eski kapav organise bann activité pou ramasse l’argent pou aide la congregation?

Souvent bann l’organisation religieux organise bann activité pou ramasse l’argent. Zot faire bann diner, bann fancy-fair, bann la-vente ou-soit lezot kitsoz encore. Mem si certain pensé ki sa bann activité-la zot faire pou enn raison ki vaut la peine, avredir sa li enn forme la-quete. Bann Témoins de Jéhovah pa finance zot l’organisation dan sa fason-la.

Deuxieme numero La Tour de Garde ki ti sorti en août 1879 (en anglais), expliké kifer nou refuse faire couma bann lezot religion ek demann l’argent. Li ti dire: “Nou croire ki JÉHOVAH Li soutenir La Tour de Garde de Sion, ek tant ki li pou coumsa, jamais nou pou demann bann dimoune ni nou pou suppliye zot pou gagne zot soutien. Kan sa Kikenn ki dire: ‘Tou montagne pou moi ek tou l’argent ki ena dan bann montagne pou moi,’ nepli pou donne nou l’argent ki necessaire, nou pou comprend ki le temps inn arrivé pou arrete faire sa publication-la.”

Nou contigne suive sa principe la Bible-la: “Laisse sakenn faire couma li finn decidé dan so leker, sans regret, ni par obligation, parski Bondié content enn dimoune ki donne avek la joie.” (2 Cor. 9:7) Dan bann la-Salle du Royaume ena bann boite contribution kot sakenn kapav faire bann donation si zot envie. (2 Rois 12:9) Nou pa faire okenn la-quete pou gagne l’argent, ni nou donne l’argent pou gagne kitsoz en retour.