Pas Letan Avek Bann Ki Kontan Zeova

Kifer nou bizin pas letan avek bann ki kontan Zeova? Parski bann dimounn ki nou frekante kapav swa ena enn bon swa enn move linflians lor nou. (Pr 13:20) Par exanp, Lerwa Zoas ti fer “seki ti bon devan lizie Zeova” tanki li ti pas letan avek Gran Pret Zoad. (2Kr 24:2) Apre lamor Zoad, li ti abandonn Zeova akoz bann move frekantasion.​—2Kr 24:17-19.

Dan premie siek Nou Lepok, lapot Pol ti konpar lasanble ar “enn gran lakaz.” Ek bann manb sa lasanble-la ar “bann resipian” ki servi dan enn lakaz. Kouma nou kapav res “enn resipian ki servi pou bann kitsoz ki ena valer”? Se kan nou evit vinn pros ar ninport kisannla, mem enn manb nou fami ouswa nou lasanble, ki pa fer Zeova plezir. (2Tim 2:20, 21, NW) Alor, anou kontign fer kamarad ar bann ki kontan Zeova ek ki ankouraz nou pou servi Li.

GET VIDEO APPRENEZ À REJETER LES MAUVAISES COMPAGNIES, EK APRE SA, REPONN SA BANN KESTION-LA:

• Kouma, san ki nou rann nou kont, nou pe pas letan avek bann dimounn ki ena enn move linflians?

• Dan sa video-la, ki ti ed sa trwa kretien-la pou koup kontak avek bann move frekantasion?

• Ki bann prinsip Labib kapav ed twa pou swazir to bann frekantasion avek sazes?