6 Milyon Dimounn Finn Mor Akoz COVID​—Ki Labib Dir lor La?

Dapre l’Organisation mondiale de la santé (OMS), ziska le 23 Me 2022, ena 6.27 milyon dimounn ki’nn mor akoz COVID-19. Me selman, dan enn lartik ki li’nn pibliye le 5 Me 2022, l’OMS finn dir ki ena bien pli boukou dimounn ki’nn mor akoz COVID. Lartik-la dir ki ant lane 2020 ek 2021, ‘finn ena anviron 14.9 milyon dimounn ki’nn mor akoz COVID-19 ouswa akoz bann konsekans ki COVID-19 finn amene.’ Eski Labib dir kitsoz lor sa bann kalite maler-la?

Labib ti predir ki ti pou ena bann pandemi bien grav

• Zezi ti predir ki ti pou ena “bann lepidemi” pandan “bann dernie tan.”​—Lik 21:11, Nouvo Testaman an Kreol Morisien (NTKM); 2 Timote 3:1, NTKM.

Seki Zezi ti profetize pe realize azordi. Pou aprann plis lor la, lir lartik “Ki Sign ‘Bann Dernie Zour,’ Ouswa ‘Lepok Lafin’”?

Labib rekonfort nou

• ‘Bondie ki toultan konsol nou, rekonfort nou dan nou detres.’​—2 Korintien 1:3, 4, NTKM.

Boukou dimounn finn gagn rekonfor gras-a seki Labib dir konsernan zot bann pros ki’nn mor. Pou aprann plis lor la, lir bann lartik “Sirmont Ou Dey​—Seki Ou Kapav Fer Asterlamem” ek “Pli Bon Led pou Bann Ki An-Dey.“

Labib montre nou ki vre solision

• “Fer to regn vini realiz to volonte lor later kouma dan lesiel.”​—Matie 6:10, NTKM.

Biento “Rwayom Bondie” pou fer tou seki bizin pou ki ‘okenn abitan pa dir: “Mo malad.”’ (Mark 1:14, 15, NTKM; Izai 33:24) Pou konn plis lor sa gouvernman-la ek seki li pou fer, get video Ki Ete Rwayom Bondie?

Nou invit ou pou aprann plis lor seki Labib dir. So bann konsey ek so bann zoli promes kapav ed ou ek ou fami.