Ki Lespwar Nou Kapav Ena pou 2023?​—Ki Labib Dir lor La?

Aster ki lane 2023 pe koumanse, nou tou nou atann bann bon kitsoz pou nou-mem ek pou nou fami. Kifer nou kapav pozitif kan nou pans lavenir?

Labib donn nou enn lespwar

Labib donn nou sa bon nouvel-la: Nou bann problem zot tanporer ek biento zot pou disparet. Ofet, Labib “finn ekrir pou ansegn nou, pou ki par. . . konsolasion ki ena dan bann Lekritir, nou gagn lesperans.”​—Romin 15:4.

• Pou aprann plis lor bann promes Labib, lir lartik “Enn Vre Lespwar pou Lavenir.”

Enn lespwar ki kapav ed ou depi aster-la mem

Lespwar ki ena dan Labib li kouma “enn lank pou nou lavi.” (Ebre 6:19) Sa lespwar-la kapav ed nou pou res for. Li kapav ed nou pou fer fas ar nou bann problem, pou res pozitif, ek pou res dan lazwa. Par exanp:

• Gete kouma lespwar ki ena dan Labib ti ed enn alkolik. Get video Mo’nn Plin ar Mo Lavi.

• Gete kouma lespwar ki ena dan Labib kapav ed nou kan nou perdi enn kikenn ki nou kontan dan lamor. Get video Rekonfor pou Bann Ki An-Dey.

Ranforsi ou lespwar

Boukou dimounn espere ki bann bon kitsoz ariv zot, me zot pena okenn garanti ki sa pou vremem arive. Seki Labib promet li diferan. Kifer? Parski se Zeovaa limem ki promet nou sa bann kitsoz-la ek li “pa kapav koz manti.” (Tit 1:2) Zis Zeova ki ena pouvwar pou realiz tou so bann promes; “li kapav fer tou seki li anvi.”​—Psom 135:5, 6, Psom an Kreol Morisien

Nou kontan pou invit ou pou aprann plis lor sa lespwar solid ki Labib donn nou la. Ou kapav ogmant ou konfians dan sa lespwar-la kan ou “examinn bien bann Lekritir.” (Zistwar Bann Zapot 17:11) Ou kapav fer sa kan ou aksepte enn letid Labib ki gratis. Koumans lane 2023 avek enn zoli lespwar pou lavenir!