Bann Gro Inondasion​—Ki Labib Dir lor La?

Dan lemond, boukou dimounn pe fer fas ar bann gro inondasion. Get sa bann linformasion-la:

• “Dan sa bann dernie zour la, lapli inn tonbe dan kapital Lasinn, ek zame zot inn gagn sa kantite lapli la pandan bann dernie 140 an. Ant Samdi ek Merkredi, inn gagn 744.8 milimet (29.3 pous) lapli.”​—AP News, 2 Out 2023.

• “Zedi ti deziem zour ki siklonn Khanun inn fer lesid Zapon gagn bann gro lapli ek bann divan bien for. Ziska ler, inn konfirme ki de dimounn inn mor. . . . Kantite lapli ki zot pe atann, kapav fer delo monte ziska 0.6 met (2 pie) dan rezion bann montagn dan sant Taywan.”​—Deutsche Welle, 3 Out 2023.

• “Pandan wikenn, inn gagn enn inondasion [dan Nova Scotia]. Sa inn arive akoz bann gro lapli ki’nn tonbe dan rezion Kanada lor lakot Atlantik. Zame zot inn gagn sa kantite lapli la pandan bann dernie 50 an.”​—BBC News, 24 Ziliet 2023.

Ki Labib dir lor sa bann levennman-la?

Enn sign “bann dernie zour”

Labib montre nou ki nou pe viv dan enn lepok ki apel “bann dernie zour.” (2 Timote 3:1) Zezi ti dir ki nou pou trouv “bann kitsoz ki fer bien per” pandan nou lepok. (Lik 21:11) Akoz sanzman klimatik, ena bann katastrof natirel ki nou pa atann, ki arive pli souvan ek ki pli for.

Ena enn lespwar

Labib dir nou ki kan nou trouv bann kitsoz ki fer bien per arive lor later, sa bizin donn nou enn lespwar. Kifer? Zezi ti dir: “Kan zot trouv sa bann kitsoz-la pe arive, zot bizin kone ki Rwayom Bondie pre.”​—Lik 21:31; Matie 24:3.

Bann levennman ki pe arive montre ki Rwayom Bondie pou ena foul kontrol lor lafors lanatir, kouma sik delo.​—Zob 36:27, 28; Psom 107:29, Psom an Kreol Morisien, PKM.

Pou kone kouma Rwayom Bondie pou regle bann problem lanvironnman lor later, get lartik « Qui sauvera la terre ? »