Bann Problem Lanvironnman​—Ki Rwayom Bondie Pou Fer?

“Bann gro problem klimatik pe afekte bann dimounn, bann lavil, me osi bann plant ek bann zanimo. Akoz sa bann sanzman-la, dan lemond antie bann siklonn pe vinn deplizanpli for ek pe kraz bann lakaz ek pe fer boukou dega dan boukou landrwa. Tanperatir delo dan bann losean pe ogmante ek sa pe met an danze lavi bann kreatir ki viv ladan.”​—Inger Andersen, asistan-sekreter-zeneral United Nations ek direktris exekitif UN Environment Programme, 25 Ziliet 2023.

Eski bann gouvernman pou kapav zwenn ansam pou rezoud sa bann problem ki pe afekte later la? Eski zot pou kapav vremem amenn enn solision?

Labib koz lor enn gouvernman ki kapav ek ki pou rezoud tou bann problem klimatik ki ena lor later. Li dir ki “Bondie ki dan lesiel pou etabli enn rwayom,” setadir enn gouvernman ki pou dirize ek pou rezoud tou bann problem ki pe afekte later. (Daniel 2:44) Anba direksion sa gouvernman ki pou diriz lemond antie la, bann dimounn “pa pou fer okenn ditor ni okenn ravaz” bann lezot dimounn ouswa later.​—Izai 11:9.