Koripsion dan Politik​—Ki Rwayom Bondie Pou Fer?

Azordi, bann dimounn rod bann politisien ki zot kapav fer konfians; zot inn plin ar bann politisien ki malonet. Dapre enn survey ki’nn fer dan diferan pei dan lemond ek ki’nn pibliye an 2023, boukou dimounn dir ki bann dirizan politik se bann dimounn ki zot mwins fer konfians.a

Labib koz lor enn gouvernman kot pena okenn koripsion, ek Sef sa gouvernman-la li onet ek kapav fer li konfians. Sa gouvernman-la se Rwayom Bondie, ek Sef sa gouvernman-la se Zezi Kris.​—Izai 9:7.

Zezi inn montre par so bann aksion ki li vremem gagn traka bann dimounn. (Matie 9:35, 36) Li Lerwa dan Rwayom Bondie, ek biento tou bann ki aksepte so lotorite pou viv dan lape ek lazistis.​—Psom 72:12-14.