Bann Problem Ekonomik​—Ki Rwayom Bondie Pou Fer?

Azordi, partou dan lemond, sa pe vinn pli difisil pou boukou dimounn pou gagn ase kas pou viv ek pli ale sa pe vinn pli konplike pou zot.

• Dapre enn rapor ki’nn fek fer dan diferan pei dan lemond,a bann dimounn pe nepli kapav aste bann kitsoz parey kouma avan parski valer larzan pe diminie. Sa rapor-la dir ki, si sa kontign koumsa, bann ris pou vinn pli ris ek bann pov pou vinn pli pov, ek lerla boukou fami pou ena enn lavi mwin konfortab ki avan.

Eski bann gouvernman ki ena azordi pou reisi regle sa problem ekonomik la ouswa mem amelior sa sitiasion-la?

Labib dir ki ena enn gouvernman ki ena kapasite pou regle tou bann problem ekonomik, mem diferans ki ena ant bann ris ek bann pov. Li dir ki “Bondie ki dan lesiel pou etabli enn rwayom,” setadir enn sel gouvernman ki pou diriz tou bann kitsoz ki pase lor later. (Daniel 2:44) Anba direksion sa sel gouvernman-la, personn pa pou santi li abandone. (Psom 9:18, Psom An Kreol Morisien, PKM) Rwayom Bondie pou fer sir ki bann dimounn pou ena tou seki zot bizin pou zot ere ek zot tou pou kapav profit rezilta zot dir travay.​—Izai 65:21, 22.