Thomas Jackson/Stone via Getty Images
KONTIGN VEYE!
Enn Lespwar pou 2024—Ki Labib Dir lor La?
Boukou dimounn panse ki pa pou ena okenn solision pou bann problem ki nou pou gagne an 2024. Kanmem sa, ena enn lespwar pou lavenir. Ki sa lespwar-la sa?
Labib donn nou enn lespwar
Labib promet ki Bondie pou rezoud tou bann problem ki pe rann nou lavi amer azordi. Biento, Bondie “pou souy tou larm dan [nou] lizie, ek lamor pou nepli existe, pou nepli ena ni dey, ni plore, ni douler.”—Revelasion 21:4.
Pou aprann plis lor bann promes ki ena dan Labib konsernan lavenir, lir lartik “Enn Vre Lespwar pou Lavenir.”
Kouma Labib kapav ed twa depi aster-la mem?
Labib donn enn lespwar pou lavenir ek sa kapav ed twa pou lit kont bann santiman negatif ek pou res pozitif konsernan lavenir. (Romin 15:13) Bann konsey ki ena dan Labib kapav ed twa pou fer fas ar to bann problem, kouma par exanp lamizer, linzistis, ek maladi.
Gete kouma lespwar ki ena dan Labib inn ed enn zom pou ki li ere ek li santi li anpe, mem si li’nn grandi dan lamizer. Get video Juan Pablo Zermeño: Zeova Inn Donn Mwa Enn Lavi Ki Ena Enn Sans.
Aprann kouma Labib kapav ed twa kan to tris, to trakase, to santi twa koupab, ouswa kan enn kikenn ki to kontan inn mor. Lir lartik « La Bible peut-elle m’apporter du réconfort ? »
Gete kouma enn ansien militer, ki ti panse li “move ek li pa gagn traka personn,” inn gagn enn lespwar gras-a Labib. Get video J’ai déposé les armes.
Fer lane 2024 vinn enn zoli lane pou twa ek pou to fami. Aprann kouma Labib kapav ed twa. Pou konn plis lor Labib, nou invit twa pou gagn enn letid Labib gratis. Aprann kouma Bondie kapav donn twa “bann panse ki amenn lape” depi aster-la mem, ek enn osi donn twa “enn lavenir ek enn lespwar.”—Zeremi 29:11.