Watchtower BIBLIOTEK LOR INTERNET
Watchtower
BIBLIOTEK LOR INTERNET
Kreol Morisien
  • LABIB
  • PIBLIKASION
  • RENION
  • g21 No. 3 p. 10-13
  • Ki Labib Aprann Nou?

Pena video ki disponib pou seki ou finn swazir.

Sori, enn erer inn anpes sa video-la zwe.

  • Ki Labib Aprann Nou?
  • Leve!—2021
  • Soutit
  • Lor Mem Size
  • Ki Labib Pa Dir?
  • Kouma Lavi Finn Aparet?
    Viv Ere pou Touletan!—Dekouver Seki Labib Dir
  • Eski Lasians Li An-Akor Avek Labib?
    Repons pou Bann Kestion Biblik
  • Kisannla finn kre u?
    Viv Ere pu Tuletan lor Later!
Leve!—2021
g21 No. 3 p. 10-13

Ki Labib Aprann Nou?

“Sa se zistwar kreasion lesiel ek later, lepok ki finn kree zot.” (Zenez 2:4) Avek sa bann parol-la, Labib explike kouma later finn koumans existe. Eski seki Labib dir li an-akor avek lasians? Anou get de-trwa lexanp.

O-koumansman: Finn kree lesiel ek later

Eski liniver inn touletan existe?

Zenez 1:1 dir: “O-koumansman, Bondie ti kree lesiel ek later.”

Avan bann lane 1950, boukou bann gran siantis ti panse ki liniver inn touletan existe. Me pa tro lontan, laplipar siantis finn rekonet ki liniver finn ena enn koumansman.

Kouma later ti ete o-koumansman?

Zenez 1:2, 9 dir ki avan, later “pa ti ena okenn form ek pa ti ena nanye lor la,” ek li ti kouver ar delo.

Bann siantis dakor avek sa deskripsion-la. Patrick Shih, enn biolozis, dir ki o-koumansman nou planet ti ena “enn latmosfer kot pa ti kapav respire parski pa ti ena loxizenn . . . ek li ti bien bizar parey kouma dan bann fim sians-fiksion.” Magazinn Astronomy dir: “Bann nouvo resers finn montre ki avan, later ti kouver ar delo ek pa ti kapav trouv okenn plas ki sek.”

Kouma eski nou latmosfer finn sanze avek letan?

Zenez 1:3-5 montre ki o-koumansman latmosfer ti telman epe ki okenn lalimier pa ti kapav pase, ek vinn ziska lor later. Ek si ti ena enn kikenn lor later sa lepok-la, se bien plitar ki li ti pou kapav trouv soley ek lalinn.​—Zenez 1:14-18.

Labib pa dir ki tou bann lavi lor later finn kree dan sis zour 24-er

Dapre Smithsonian Environmental Research Center, nou latmosfer ti pe les zis enn lalimier bien som vinn ziska later. Li dir: “Gaz metann ti form enn brouyar ki ti anvlop sirfas later.” Plitar, “sa brouyar metann la ti disparet ek lesiel ti vinn ble.”

Dan ki lord bann diferan form lavi inn aparet lor later?

1​—Premie Zour: Lalimier travers latmosfer later.​—Zenez 1:3-5

2​—Deziem Zour: Later kouver ar delo ek lavaper. Lerla, separ delo ek lavaper ek kree enn lespas ant zot.​—Zenez 1:6-8

3​—Trwaziem Zour: Delo rasanble dan enn sel plas, ek later sek aparet.​—Zenez 1:9-13

4​—Katriem Zour: Ti kapav koumans trouv soley ek lalinn depi later.​—Zenez 1:14-19

5​—Sinkiem Zour: Bondie kree bann zanimo ki viv dan delo ek bann zanimo ki anvole ek donn zot kapasite pou reprodir dapre zot lespes.​—Zenez 1:20-23

6​—Siziem Zour: Finn kree bann zanimo lor later, ki zot gran ouswa tipti. Se siziem zour ki finn kree premie koup imin.​—Zenez 1:24-31

Zenez 1:20-27 dir ki finn kree bann pwason, bann zwazo, bann zanimo lor later, ek an dernie finn kree bann imin. Bann siantis panse ki bann pwason inn aparet avan bann premie mamifer ek ki bann imin finn aparet bien apre.

Labib pa dir ki bann zanimo pa kapav sanze avek letan

“Seki Labib dir dan Zenez 1 li bien kourt, me li extraordiner kouma li parey avek seki lasians inn dekouver.”​—Gerald L. Schroeder, enn exper dan fiziks.

Ki Labib Pa Dir?

Sertin dimounn dir ki seki Labib ansegne bien diferan ar seki bann siantis inn dekouver. Me selman, kitfwa zot pans koumsa akoz zot pa’nn tro konpran seki Labib dir.

Labib pa dir ki liniver ouswa later ena zis 6,000 an. Ofet, li zis dir ki later ek liniver finn kree “o-koumansman.” (Zenez 1:1) Labib pa donn plis detay lor la.

Labib pa dir ki tou bann lavi lor later finn kree dan sis zour 24-er. Ofet, li servi mo “zour” pou fer referans ar enn peryod letan. Par exanp, li dir ki finn kree later pandan enn peryod letan, ki apel “zour ki Zeovaa ti fer later ek lesiel.” (Zenez 2:4) Alor, sa sis “zour” kreasion kot Bondie ti amenaz later ek kree lavi la, kapav reprezant bann extra long peryod letan.

Labib pa dir ki bann zanimo pa kapav sanze avek letan. Liv Zenez dir ki bann zanimo finn kree “dapre zot lespes.” (Zenez 1:24, 25) Kan Labib servi mo “lespes,” li fer referans ar bann diferan varyete form lavi. Sa term-la fer nou konpran ki bann varyete enn “lespes” ki viv dan mem kominote kapav sanze avek letan.

Ki ou panse?

Kouma nou ti gete, Labib dekrir dan enn fason sinp ek exakt kouma liniver finn koumanse, kouma later ti ete o-koumansman, ek kouma lavi finn devlope. Alor, eski nou kapav dir ki Labib finn idantifie sa Kikenn ki finn kree sa bann kitsoz-la? Encyclopædia Britannica dir: “Lide ki lavi finn aparet gras-a enn lafors siperyer, li an-akor avek seki lasians modern finn dekouver.”b

Reflesi lor la:

Lir Zenez 1:1–2:4. Konpar seki Labib dir lor kreasion avek bann ansien zistwar. Par exanp, bann abitan Babilonn, ti krwar ki liniver ek bann imin ti fer avek kadav enn dees ek ar disan enn bondie. Bann Ezipsien ti panse ki se bondie Ra ki ti kree bann imin apartir bann larm. Dan Lasinn, ena ti panse ki tou bann eleman lor later vinn depi kadav enn zean ki apel Pangu, ek ki bann imin finn kree depi bann moutouk ki ti lor so kadav. Eski ou panse ki seki liv Zenez dir form parti sa bann zistwar lontan la? Ouswa eski li an-akor avek lasians?

Get video kat minit Eski Finn Kree Liniver? Rod video-la lor jw.org/mfe.

a Dan Labib, nom Bondie se Zeova.

b Encyclopædia Britannica pa dakor ki lavi finn kree.

    Piblikasion Kreol Morisien (2000-2025)
    Dekoneksion
    Koneksion
    • Kreol Morisien
    • Partaze
    • Preferans
    • Copyright © 2025 Watch Tower Bible and Tract Society of Pennsylvania
    • Linformasion Legal
    • Prinsip Konfidansialite
    • Reglaz Konfidansialite
    • JW.ORG
    • Koneksion
    Partaze