Kifer Dimounn Nepli Ena Respe pou Zotmem?

KIFER LI INPORTAN KI NOU ENA RESPE POU NOUMEM?

Bann dimounn ki ena respe pou zotmem, kapav fer fas ar bann difikilte dan lavi avek lasirans. Zot pa dekouraze fasilman.

Bann resers montre ki bann dimounn ki pena enn bon lopinion lor zotmem ena plis sans pou gagn bann problem langwas, depresion ek bann problem alimanter. Ek sa bann dimounn-la kapav osi tom dan labwason ek pran ladrog.
Bann dimounn ki ena respe pou zotmem, zot pa konpar zot ar lezot. Alor, li pli fasil pou zot adapte ar lezot dimounn ek fer bann bon kamarad. Parkont, enn dimounn ki pa tro ena respe pou limem, ena tandans pou kritik lezot ek sa kapav gat bann lamitie.
Mem kan zot gagn bann difikilte, bann dimounn ki ena respe pou zotmem, zot kontign andire. Zot pa les sa bann difikilte-la anpes zot realiz zot lobzektif. Parkont, bann dimounn ki pena enn gran respe pou zotmem, zot trouv bann ti problem paret kouma enn montagn. Ek akoz sa, zot kapav bes lebra vit.

SEKI OU KAPAV FER

Swazir bann kamarad ki pou ankouraz ou. Frekant bann dimounn ki ena respe pou lezot, ki vremem gagn ou traka, ek ki pou ankouraz ou.

“Enn vre kamarad montre so lamour touletan, ek li enn frer ki’nn ne pou bann moman difisil.”—Proverb 17:17.

Ed lezot. Kan ou zanti ek ki ou fer kitsoz pou lezot, mem anver bann dimounn ki pa pou kapav retourn ou seki ou’nn fer pou zot, ou pou ere. Ou pou ere osi mem si kitfwa zot pa’nn remark bon travay ki ou’nn fer pou zot.

“Ena plis lazwa kan done ki kan resevwar.”—Zistwar Bann Zapot 20:35.

Ed ou bann zanfan pou aprann pou ena respe pou zotmem. Enn fason ki ou kapav fer sa se kan ou les ou bann zanfan regle zot problem par zotmem, dapre zot limit. Sa pou ed bann zanfan pou aprann kouma pou sirmont ouswa kouma pou regle zot bann problem. Lerla, zot pou ena plis respe pou zotmem aster-la ek osi plitar kan zot vinn gran.

“Ansegn enn garson ki semin li bizin pran; mem kan li pou vinn vie, li pa pou kit li.”—Proverb 22:6.

Enn Temwin Zeova pe fer enn letid Labib avek enn madam dan enn kafe.

SEKI NOU PE FER

Bann renion ek bann letid Labib ki bann Temwin Zeova done, ed bann dimounn pou amelior zot lavi ek pou ena plis respe pou zotmem.

NOU BANN RENION

Toule semenn dan nou bann renion, nou ekout bann zoli diskour ki baze lor Labib. Ek bien souvan dan sa bann renion-la, nou gagn bann sizesion ki ed nou pou ena respe pou noumem. Nou bann renion li gratis ek tou dimounn invite. Par exanp, dan nou bann renion ou pou aprann . . .

kifer ou inportan pou Bondie
kouma ou lavi kapav gagn enn vre sans
kouma ou kapav kree bann lamitie ki solid

Ou pou osi zwenn bann vre kamarad ki ‘gagn traka sakenn zot kamarad.’—1 Korintien 12:25, 26.

Pou aprann plis lor nou bann renion, lor jw.org rod video Ki Pase dan Lasal Bann Temwin Zeova?

LETID LABIB

Nou ofer enn letid Labib gratis ek nou servi liv Viv Ere pou Touletan! Dan sa letid-la, ou pou examinn bann prinsip Labib ansam avek ou ansegnan, ek zot pou get ansam bann kestion ki ena dan sa liv-la. Ek ena boukou video interesan ladan. Bann letid Labib ki nou fer ed bann dimounn pou santi ki zot ena valer, ek li osi amelior zot lavi.

Pou kone ki bann bienfe ou kapav gagne kan ou etidie Labib avek bann Temwin Zeova, lor jw.org rod video Kifer Li Bon Etidie Labib?