Ki u bizin fer?
50 Eski u anvi viv pu tuletan dan sa zoli paradi la?
Alor aprann plis lor seki Bondye dir. Sey aprann lir Labib.—Zan 17:3; Revelasyon 1:3
51 Aprann plis lor Zezi.—Deteronom 18:18, 19; Zan 3:16; Akt 3:19-23
52 Sey fer zis bann bon kitsoz ek obeir Zeova. Romin 6:17, 18, 22
53 Rapel ki Zeova kondann tuy dimunn.—Egzod 20:13; 1 Zan 3:11, 12
54 Nu bizin pa pran bann kitsoz lezot dimunn.—Egzod 20:15; Efezyin 4:28
55 Fode pa ki enn zom viv uswa dormi avek enn lot fam apart so prop fam.—Egzod 20:14, 17; 1 Tesalonisyin 4:3
56 Eski u rapel komye fam Bondye permet enn mari ena? Komye letan eski enn mari bizin res avek so fam?—Zenez 2:22, 24; Matye 19:5, 6; 1 Korintyin 7:2, 10, 11
57 Rapel usi ki nu bizin ador zis Zeova.—Matye 4:10; 1 Korintyin 8:6
58 Bann zidol ek bann zimaz pa kapav ed nu. Kifer?—1 Korintyin 8:4
Eski li bon ena bann zidol?—Deteronom 27:15; 1 Zan 5:21
59 Kifer eski li pa bon ena bann portboner?—Deteronom 18:10-13; Revelasyon 21:8
60 Bann move anz uswa bann demon ti rebel kont Bondye. Zot servi bann ki lir lavenir pu anbet bann dimunn.—Akt 16:16
61 Nu bizin priye Bondye. Priye vedir koz avek Bondye, pu dir Li ki nu anvi servi li ek pu demann Li so led.—Filipyin 4:6, 7
62 Nu bizin obeir Zezi ek ena lafwa an li.—Ebre 5:9; Zan 3:16
63 Pa bliye ki li finn mor pu sap nu.—Romin 5:8
64 Pa bliye ki Zezi li nu Lerwa invizib. Nu bizin obeir li.—Filipyin 2:9-11; Revelasyon 19:16
65 Zezi finn dir ki u bizin fer lezot konn bann bon kitsoz ki u pe aprann ek bann ki anvi servi Bondye bizin batize.—Matye 28:19, 20; Zan 4:7-15
66 Alor u kapav koz avek u bann kamarad lor sa bann bon kitsoz la.—Matye 10:32
67 Si u aprann byin lir, u pu kapav aprann buku plis kitsoz ek u pu kapav ed lezot pli byin.—2 Timote 2:15
68 Zezi ti anseyn usi bann ti zanfan pu obeir Bondye. Zame li pa ti tro okipe pu koz ar zot.—Matye 19:13-15
69 Bann paran bizin tuzur anseyn zot bann zanfan pu obeir Bondye ek pu kontan Li.—Deteronom 6:6, 7; Proverb 6:20-22; Efezyin 6:4
70 Ena buku diferan legliz. Laplipar zot bann lanseynman pa sorti dan Labib. Zeova demann nu pu kit bann relizyon ki pa anseyn laverite.—Revelasyon 18:4; Zan 4:23, 24
71 Zeova ena so bann dimunn lor later ki kapav anseyn u plis lor Li. Eski u kone ki sa bann dimunn la sa?—Akt 15:14; Romin 10:14, 15
72 Zot bann Temwin Zeova. Ena lape parmi zot. Eski u kone kifer? Parski zot kontan zot kamarad.—Izai 43:10-12; Zan 13:34, 35
73 Zot kontan Zeova usi, akoz sa zot finn pran batem. Kumsa zot montre an piblik ki zot finn kit zot move manyer viv ek ki zot anvi pas tu zot lavi pu servi Bondye.—Akt 2:41
74 Bann Temwin Zeova ena lespwar pu viv dan enn zoli nuvo paradi la.—Psom 37:9-11, 29
Ki u kapav fer pu viv dan sa paradi la ansam avek zot?—Zak 1:22, 25; 2:20-26
75 Zwenn ansam avek zot pu aprann servi Zeova. Zot kontan Zeova ek Zezi Kris ek zot obeir zot. Eski u kontan Zeova ek Zezi? Eski u ti pu kontan ed lezot dimunn pu konn Bondye?—Zan 6:45-47
76 Zeova ek Zezi Kris kontan u ek zot anvi ki u viv pu tuletan dan paradi.—Zan 3:16
Seki u finn aprann kan u finn get bann zimaz ek bann explikasyon ki ena dan sa brosir la, finn sirman donn u lanvi pu zwir lavi pu tuletan lor later. Si u ti pu kontan konn plis lor la, nu propoz u pu koz avek enn Temwin Zeova dan u landrwa. U kapav usi ekrir, uswa fer enn kikenn ekrir pu u, biro ki pli pros avek u. U pu truv sa ladres la lor dezyem paz sa brosir la.