“Se Jéhovah Ki Mo Berze”

1. Kifer eski mo bizin per?

Se Jéhovah mo Berze.

Li pran bien swin tou so bann brebi,

Ni enn sel Li pa bliye.

Kot ena delo Li gid mwa.

Pou mwa, li enn gerizon.

Li gid mo pa dan so lazistis,

Pou donn loner so gran nom.

Li gid mo pa dan so lazistis,

Pou donn loner so gran nom.

2. Tousel, dan vale kot fer nwar,

San enn laper, mo marse.

Mo Gran Berze toul’tan pre ar mwa,

Protez mwa kont tou danze.

Li vers delwil lor mo latet;

Mo koup Li finn bien ranpli.

So gran lamour fidel pou swiv mwa,

Mo’anvi touzour res kot Li.

So gran lamour fidel pou swiv mwa,

Mo’anvi touzour res kot Li.

3. Mo’anvi loue mo Gran Berze!

Mo’anvi sant tou so sazes.

Mo’anvi dir ar tou so bann brebi,

Ki Li’ena enn gran tandres.

Mo’anvi obeir so Parol,

Lor so semin mo marse.

Servi Bondie, se enn gran trezor,

Ek sa rann mwa bien zwaye.

Servi Bondie, se enn gran trezor,

Ek sa rann mwa bien zwaye.