Kantik 88
Bann Zanfan, enn Leritaz Bondie
(Psaume 127:3-5)
1. Enn zanfan ki dan zot lebra,
Ki pe apel zot “mama” ek “papa,”
Sa leritaz, sa gran kado-la,
Li pa pou zot tousel selman.
Se enn kado Bondie Jéhovah;
Limem Lasours vre lamour ek lavi,
Pli bon Papa ki kapav ena.
Alor paran, zot tou ekout Li.
(REFRIN)
Enn don sakre zot de finn gagne;
Enn ti lavi dan zot lame.
Pli gran kado zot kapav done;
Ansegn li bann lalwa Bondie.
2. Bondie ti donn lord bann paran:
‘Grav mo bann parol dan fon to leker.
Transmet sa ar tou to bann zanfan;
Se to mision, se enn loner.
Koz avek zot kan to pe marse,
Kan to leve, ek kan to al dormi,
Koumsa apre zot pa pou bliye,
Zot pou res fidel, ek gagn lavi.’
(REFRIN)
Enn don sakre zot de finn gagne;
Enn ti lavi dan zot lame.
Pli gran kado zot kapav done;
Ansegn li bann lalwa Bondie.
(Get osi Deut. 6:6, 7; Éph. 6:4; 1 Tim. 4:16.)