Kantik 134
Mazinn Twa dan Lemond Nouvo
1. Zis mazinn twa zis mazinn mwa,
Nou tou dan lemond nouvo asterla!
Santi boner dan to leker,
To dan lape, to pena laper.
Okenn move to pa trouve;
Lalwa Bondie zot tou respekte.
Pou nou, lavenir li extraordiner,
Sa kantik-la nou pe sant sa ar nou leker:
(REFRIN)
“Mersi Jéhovah, to’nn fer seki bon!
Tou kitsoz nouvo gras-a to Garson.
Nou leker li deborde ar rekonesans;
Nou donn twa laglwar, ek loner, ek tou louanz.”
2. Zis mazinn twa ek mazinn mwa;
Dan lemond nouvo nou toulede la.
Tou seki nou trouve, tande,
Pena nanye ki fer nou tranble.
Tou inn vinn vre, inn akonpli;
Tou bann imin, Bondie pe beni.
Asterla inn ler, Li apel tou bann mor;
Ansam avek zot, nou pou loue Li pli for:
(REFRIN)
“Mersi Jéhovah, to’nn fer seki bon!
Tou kitsoz nouvo gras-a to Garson.
Nou leker li deborde ar rekonesans;
Nou donn twa laglwar, ek loner, ek tou louanz.”
(Get osi Ps. 37:10, 11; Is. 65:17; Jean 5:28; 2 Pierre 3:13.)