Ki Ete Rwayom Bondie?

SEKI LABIB DIR

“Bondie ki dan lesiel pou etabli enn rwayom ki zame pa pou detrir.”​—Daniel 2:44, Traduction du monde nouveau.

“Finn donn nou enn garson, ek responsabilite sa gouvernman-la pou lor so zepol.”​—Isaïe 9:6; not.

KI BIENFE OU POU GAGNE?

• Ou pou kapav gagn bann bienfe gras-a enn gouvernman ki zis.​—Isaïe 48:17, 18.

• Dan lemond nouvo, ou pou ena enn lasante parfe ek ou pou ere.​—Révélation 21:3, 4.

ESKI NOU KAPAV VREMEM KRWAR SEKI LABIB DIR?

Wi, pou omwin de rezon:

• Jésus ti montre seki Rwayom Bondie pou fer. Jésus ti ansegn so bann disip pou priye pou ki Rwayom Bondie vini ek pou ki volonte Bondie fer lor later. (Matthieu 6:9, 10) Jésus ti montre kouma Bondie pou reponn sa lapriyer-la.

  Kan li ti lor later, Jésus ti nouri bann ki ti fin, geri bann malad, ek resisit bann mor! (Matthieu 15:29-38; Jean 11:38-44) Jésus, ki dan lavenir ti pou vinn Dirizan Rwayom Bondie, ti montre alavans seki sa Rwayom-la ti pou fer pou bann dimounn.​—Révélation 11:15.

• Bann kondision sa lemond-la konfirme ki Rwayom Bondie pre pou vini. Jésus ti anonse ki zis avan sa Rwayom-la amenn lape lor later, ti pou ena lager, lafaminn ek tranbleman-de-ter.​—Matthieu 24:3, 7.

  Nou pe trouv tousala zordi. Alor, nou kapav sir ki biento Rwayom Bondie pou debaras later ar tou sa bann problem-la.