Watchtower BIBLIOTEK LOR INTERNET
Watchtower
BIBLIOTEK LOR INTERNET
Kreol Morisien
  • LABIB
  • PIBLIKASION
  • RENION
  • lfb leson 72 p. 170-p. 171 par. 2
  • Zezi Grandi

Pena video ki disponib pou seki ou finn swazir.

Sori, enn erer inn anpes sa video-la zwe.

  • Zezi Grandi
  • Bann leson to kapav aprann dan Labib
  • Lor Mem Size
  • Enn Bon Papa ek enn Zom Ki Ena Lafwa
    Imit Zot Lafwa
  • Zezi Grandi dan Nazaret
    Zezi—Limem Semin, Laverite, ek Lavi
  • Jésus Dan Tanp
    Mo Liv Zistwar Labib
  • Zezi ek So Fami Al Zerizalem
    Zezi—Limem Semin, Laverite, ek Lavi
Rod Plis
Bann leson to kapav aprann dan Labib
lfb leson 72 p. 170-p. 171 par. 2
Zezi ena douz an, ek li pe asiz omilie bann ansegnan dan tanp

LESON 72

Zezi Grandi

Zezi avek so bann frer ek ser ti res dan Nazaret avek zot paran, Zozef ek Mari. Pou pran swin so fami, Zozef ti travay kouma sarpantie. Li ti ansegn so fami bann lalwa Zeova. Zozef ek so fami ti al sinagog souvan pou ador Zeova. Toule lane, zot ti al Zerizalem pou fet Pak.

Kan Zezi ti ena 12 an, zot ti al Zerizalem, parey kouma zot ti abitie fer. Lavil ti ranpli ar dimounn ki ti vinn selebre fet Pak. Apre fet-la, Zozef ek Mari ti koumans zot vwayaz pou retourn kot zot. Zot ti panse ki Zezi ti ansam avek bann dimounn ki ti pe retourne. Me kan zot ti al rod Zezi parmi bann fami, zot pa ti trouv li.

Zot ti retourn Zerizalem, ek pandan trwa zour, zot ti rod zot garson. Alafin, zot ti al dan tanp ek Zezi ti laba. Li ti pe asiz omilie bann ansegnan. Li ti pe ekout zot bien ek li ti pe poz zot bann kestion bien interesan. Bann ansegnan-la ti telman inpresione par Zezi ki zot ti koumans poz li bann kestion. Ek zot ti etone par so bann repons. Zot ti trouve ki Zezi ti konpran bien Lalwa Zeova.

Zozef ek Mari ti gagn boukou traka. Mari ti dir Zezi: ‘Mo garson, nou’nn rod twa partou! Kot to ti ete?’ Zezi ti reponn: ‘Eski zot pa kone ki mo bizin dan lakaz mo Papa?’

Zezi ti retourn Nazaret avek so bann paran. Zozef ti montre Zezi kouma pou fer travay sarpantie. Ki kalite dimounn to panse Zezi ti ete kan li ti zenn? Amezir ki li ti pe grandi, li ti gagn plis sazes, ek li ti gagn faver Bondie ek faver bann zom.

Zozef ek Mari pe asiz kot enn latab avek Zezi ek so bann frer ek ser

“A Bondie, mo dezir, se fer to volonte, ek to lalwa li dan fon mo leker.”​—Psom 40:8

Kestion: Kotsa Zozef ek Mari ti trouv Zezi? Kifer li ti laba?

Matie 13:55, 56; Mark 6:3; Lik 2:40-52; 4:16; Deteronom 16:15, 16

    Piblikasion Kreol Morisien (2000-2025)
    Dekoneksion
    Koneksion
    • Kreol Morisien
    • Partaze
    • Preferans
    • Copyright © 2025 Watch Tower Bible and Tract Society of Pennsylvania
    • Linformasion Legal
    • Prinsip Konfidansialite
    • Reglaz Konfidansialite
    • JW.ORG
    • Koneksion
    Partaze