Watchtower BIBLIOTEK LOR INTERNET
Watchtower
BIBLIOTEK LOR INTERNET
Kreol Morisien
  • LABIB
  • PIBLIKASION
  • RENION
  • lfb leson 98 p. 228-p. 229 par. 1
  • Lansegnman Kretien Prese dan Boukou Pei

Pena video ki disponib pou seki ou finn swazir.

Sori, enn erer inn anpes sa video-la zwe.

  • Lansegnman Kretien Prese dan Boukou Pei
  • Bann leson to kapav aprann dan Labib
  • Lor Mem Size
  • ‘Ranpli ar Lespri Sin ek Lazwa’
    “Rann Temwaniaz Afon Konsernan Rwayom Bondie”
  • “Koz Avek Kouraz Gras-a Pouvwar Zeova”
    “Rann Temwaniaz Afon Konsernan Rwayom Bondie”
  • Timothée—Nouvo Konpagnon Paul
    Mo Liv Zistwar Labib
  • “Fortifie Bann Lasanble”
    “Rann Temwaniaz Afon Konsernan Rwayom Bondie”
Bann leson to kapav aprann dan Labib
lfb leson 98 p. 228-p. 229 par. 1
Pol ek Barnabas pe pres ar gouverner Sip, Serzis Polis

LESON 98

Lansegnman Kretien Prese dan Boukou Pei

Bann zapot ti obeir lord Zezi ek zot ti pres bon nouvel partou lor later. Lane 47 Nou Lepok, bann frer dan Antios ti avoy Pol ek Barnabas fer enn vwayaz misioner. Avek kouraz, sa de predikater-la ti al partou dan Lazi Miner (Tirki azordi), dan bann lavil kouma Derbe, List, ek Ikoniom.

Pol ek Barnabas ti pres ar tou dimounn, bann pov, bann ris, bann zenn, ek bann vie. Boukou dimounn ti aksepte laverite lor Zezi Kris. Kan Pol ek Barnabas ti pres avek Serzis Polis, gouverner Sip, enn sorsie ti esey anpes zot. Me Pol ti dir sorsie-la: ‘Zeova pou pini twa.’ Deswit, sorsie-la ti vinn aveg. Kan Gouverner Polis ti trouv sa, li ti vinn enn disip Zezi.

Pol ek Barnabas ti pres partou, dan bann lakaz, dan bazar, lor semin, ek dan bann sinagog. Dan lavil List, zot ti geri enn zom ki ti bwate. Kan bann dimounn ti trouv sa mirak-la, zot ti panse ki Pol ek Barnabas ti bann bondie ek zot ti anvi ador bann-la. Me Pol ek Barnabas ti anpes zot ek ti dir zot: ‘Ador zis Bondie! Nou, nou zis bann dimounn.’ Apre sa, sertin Zwif ti vini ek zot ti fer bann dimounn revolte kont Pol. Lerla, sa bann dimounn-la ti avoy bann ros lor Pol, zot ti trenn li andeor lavil, ek zot ti les li laba. Zot ti panse ki li ti mor. Selman, Pol ti ankor vivan! Bann frer deswit ti vinn ed li ek zot ti re-amenn li dan lavil. Plitar, Pol ti retourn Antios.

Lane 49 Nou Lepok, Pol ti fer enn deziem vwayaz misioner. Dabor, li ti re-al get bann frer dan Lazi Miner. Apre sa, li ti al pli lwin. Li ti al prese dan Lerop. Li ti al dan Filip, Tesalonik, Atenn, ek dan lezot lavil ankor. Silas, Lik, ek enn zenn zom ki ti apel Timote, ti zwenn Pol dan so vwayaz. Zot ti travay ansam pou form bann lasanble ek pou ed bann frer ek ser pou vinn pli for. Pandan enn an edmi, Pol ti res dan lavil Korint pou fortifie bann frer. Li ti prese, ansegne, ek ekrir bann let pou bann lasanble. Pol ti travay osi. Li ti fabrik bann latant. Pol ti al dan lavil Efez osi, ek plitar, li ti retourn Antios.

Lapot Pol pe pres dan bazar

Lane 52 Nou lepok, Pol ti fer enn trwaziem vwayaz. Dabor, li ti al dan Lazi Miner. Pandan plizir lane, li ti res dan Efez pou ansegne, geri bann malad, ek ed lasanble. Toulezour, li ti fer bann diskour piblik dan enn lekol. Boukou dimounn ti ekout li ek zot ti sanz zot lavi. Apre sa, Pol ti al dan lenor ziska lavil Filip ek apre, li ti desann pou al Korint. Alafin, apre ki li ti pres bon nouvel dan boukou pei, Pol ti retourn Zerizalem.

“Alor, al get bann dimounn dan tou nasion ek ansegn zot pou vinn mo bann disip.”​—Matie 28:19

Kestion: Dan map ki ena dan seksion 17 dan brosir Enn Gid pou Pli Konpran Parol Bondie (sgd), eski to kapav swiv bann vwayaz misioner ki Pol ti fer?

Zistwar Bann Zapot 13:1–23:35

    Piblikasion Kreol Morisien (2000-2025)
    Dekoneksion
    Koneksion
    • Kreol Morisien
    • Partaze
    • Preferans
    • Copyright © 2025 Watch Tower Bible and Tract Society of Pennsylvania
    • Linformasion Legal
    • Prinsip Konfidansialite
    • Reglaz Konfidansialite
    • JW.ORG
    • Koneksion
    Partaze