“Bondie Li Lamour”

1. Zeova, Bondie Li lamour,

Li dir: ‘Mars lor mo semin.’

Kontan Li ek kontan zot tou,

Sa pous nou pou fer lebien.

Lamour donn enn sans nou lavi,

San li nou nanye ditou.

Kontan lezot kouma Zezi;

Montre lamour ar zot tou.

2. Lamour pou Bondie motiv nou

Pou azir avek bonte.

Kan nou tonbe, Bondie ed nou,

So lafors fer nou leve.

Lamour bon, pasian, ek sinser;

Lamour pou res pou touzour.

Avek tou nou bann frer ek ser,

Anou montre vre lamour.

3. Zame les rankinn kontrol twa;

Pa les li vinn pre ar twa.

Bondie pou touletan gid twa,

Swiv sa de komannman-la:

Kontan Bondie ek to prosin;

Samem veritab lamour.

Touletan fer lezot dibien,

Montre to lamour touzour.