Zeova, Bondie Lape

1. Bondie tomem lamour,

To’nn promet nou to lape.

Pou kiltiv frwi to lespri sin,

Nou demann to led Bondie.

Lafwa dan to Garson,

Ki fidel ek ki sinser,

Fer nou vinn pros ar twa Bondie,

Ek fer nou gagn to faver.

2. To Parol diriz nou,

To lespri gid nou panse.

Kontign ed nou, ek protez nou,

Dan lemond, nou an danze.

Ziska ki ariv ler

Pou to tir tou bann lager,

Beni zefor ki nou pe fer

Pou viv bien ar nou bann frer.

3. Gras-a to lespri sin,

To bann fidel rasanble,

Dan lesiel ek lor later pou

Proklam to Rwayom, Bondie.

Li pou tir tou lager,

Sa pou enn vre soulazman.

Lerla bann inb pou kapav viv

Dan lape pou touletan!