LESON 6

Fer enn Bon Aplikasion Bann Verse

Zan 10:33-36

REZIME: Pa zis lir enn verse ek pas lor prosin pwin. Fer sir ki bann dimounn konpran bien lien ki ena ant verse ki to’nn lir ek aplikasion ki to pe fer.

KOUMA POU FER SA:

Swazir bann mo kle. Apre ki to’nn lir enn verse, soulign bann mo ki ena enn lien direk avek to pwin prinsipal. To kapav fer sa kan to repet sa bann mo-la, ouswa kan to poz enn kestion ki pou ankouraz bann dimounn rekonet bann mo kle dan verse-la.

Si to servi lezot mo pou redir lide ki ena dan enn verse, fer sir ki bann ki pe ekout twa ankor touzour konpran ki bann mo ki ena dan Labib ena enn lien avek to pwin prinsipal.
Met laksan lor pwin ki to anvi zot rapel. Si to lir enn verse parski to ena enn rezon pou fer sa, explike ki lien ena ant ban mo kle dan verse-la ek rezon-la.

Pandan ki to pe explik verse-la, gard to Labib ouver. Sa pou ed bann dimounn pou fer enn lien ar seki to pe dir avek verse ki to fek lir.
Fer enn aplikasion ki sinp. Pa rant dan bann detay initil pou to pwin prinsipal. Baz twa lor seki bann dimounn deza kone lor to size. Lerla, deside ki kantite linformasion neseser pou permet twa fer enn aplikasion ki kler ek fasil pou konpran.