Interes Twa ar Lezot

Seki Zezi Ti Fer

VIDEO: Zezi ek enn Samaritenn

1. Get VIDEO, ouswa lir Zan 4:​6-9. Apre sa, reponn sa bann kestion-la:

1. Ki Zezi inn remarke avan ki li koz ar Samaritenn-la?

2. Zezi ti dir: “Donn mwa inpe delo pou bwar.” Kifer se enn bon fason pou li koumans so konversasion?

Ki To Kapav Aprann ar Lexanp Zezi?

2. Twa osi to pou kapav gagn enn bon konversasion si to koz lor enn kitsoz ki interes dimounn-la.

Swiv Lexanp Zezi

3. Adapte twa. Pa persiste pou koz lor enn size ki twa to’nn prepare. Koz lor enn kitsoz ki pe trakas bann dimounn azordi. Demann tomem:

1. ‘Lor ki kitsoz bann dimounn pe koze se dernie tan?’

2. ‘Ki kitsoz pe trakas mo bann vwazin, mo bann koleg travay, ouswa mo bann kamarad?’

4. To bizin bien atantif. Demann tomem:

1. ‘Ki sa dimounn-la pe fer? Lor ki kitsoz kitfwa li pe panse?’

2. ‘So linz, so laparans, ouswa so lakaz, ki sa aprann mwa lor so krwayans ouswa lor so kiltir?’

3. ‘Eski se bon moman pou koz avek li?’

5. Ekout bien.

1. Pa koz tro boukou.

2. Ankouraz dimounn-la pou donn so lopinion. Si to kapav, poz bann kestion.