Eski Bondié ena enn nom?

Bann reponse ki souvent nou tendé:

▪ “So nom c’est le Seigneur.”

▪ “Li pena nom.”

Ki Jésus ti dire?

▪ “Alors, c’est coumsa ki zot bizin prié: ‘Nou Papa ki dan le ciel, ki to nom sanctifié.’” (Matthieu 6:9) D’apré Jésus, Bondié ena enn nom.

▪ “Mo’nn faire zot konn to nom ek mo pou faire konn sa, pou ki l’amour ki to finn ena pou moi, kapav dan zot, ek pou ki moi mo en union avek zot.” (Jean 17:26) Jésus ti faire konn nom Bondié.

▪ “Zot nepli pou trouve moi ziska ki zot dire: ‘Beni sa kikenn ki vinn au nom Jéhovah-la.’” (Luc 13:35; Psaume 118:26) Jésus ti appel Bondié par so nom.

BONDIÉ Li-mem dire nou so nom. Li dire: “Mo-mem Jéhovah, sa-mem mo nom.”a (Isaïe 42:8, Bible de Crampon, 1905) Sa nom ki Bondié inn donne Li-mem dan langue hébreux, en français, prononce sa “Jéhovah” enn forme ki pli souvent servi. Sa kapav etonne ou ki sa nom hébreu ki zis Bondié tousel ena-la, li parette plusieurs millier fois dan bann ancient manuscrit biblik. En realité, nou trouve li pli souvent ki n’importe ki lezot nom mentionné dan la Bible.

Kan demann bann dimoune: “Couma Bondié appelé?” certain kapav reponn: “Le Seigneur.” Mais nou pa aprann nanyin kan nou gagne enn reponse coumsa. C’est coumadir ou pé demann enn dimoune: “Kisannla inn gagne election?” ek li reponn: “Candidat-la.” Okenn parmi sa deux reponse-la pa clair, parski “Seigneur” ek “candidat” zot pa bann nom.

Kifer eski Bondié inn faire nou konn so nom? Li’nn faire sa pou ki nou kapav konn Li pli bien. Anou prend enn l’exemple. Enn dimoune kapav gagne bann titre couma missié, patron, papa, ou-soit grand-pere dan different circonstance. Sa bann titre-la faire nou aprann kitsoz lor li. Mais nom sa dimoune-la faire nou rappel tou seki nou koné lor li. Li pareil pou Bondié. Bann titre couma Seigneur, Tout-Puissant, Pere, ek Createur attire nou l’attention lor different kitsoz ki Bondié faire. Mais, selman so nom personnel, Jéhovah, faire nou rappel tou seki nou koné lor Li. Couma ou pou kapav konn Bondié sans ki ou konn so nom?

Li important pou konn sa nom-la mais li important aussi pou servi li. Kifer? Parski la Bible dire nou: “Tou seki invok nom Jéhovah pou sauvé.”—Romains 10:13; Yoël 2:32.

[Note]

[L’encadré lor page 6]

Enn dimoune kapav gagne bann titre couma missié, patron, papa, ou-soit grand pere dan different circonstance. Mais so nom, faire nou rappel tou seki nou koné lor li