REPONSE POU BANN QUESTION BIBLIK
Kifer li bien difisil pou ena la paix dan le monde?
Zis enn gouvernement ki kapav change leker bann dimoune, ki pou kapav amenn la paix dan le monde
La Bible attire nou l’attention lor deux raison principal. Premierement, malgré ki bann dimoune inn accompli bann kitsoz extraordinaire, zot pa finn crée avek capacité pou dirige zot par zot-mem. Deuxiemement, projet bann dimoune pa finn reussi parski “le monde entier li dan pouvoir sa kikenn ki mauvais-la,” setadir Satan le Diable. A cause sa, bann zeffort ki bann dimoune inn faire pa’nn kapav amenn la paix dan le monde.—Lire Jérémie 10:23; 1 Jean 5:19.
Enn lot raison kifer li bien difisil pou ena la paix dan le monde, c’est parski bann dimoune zot egoïste ek zot ena l’ambition. Zis enn gouvernement mondial ki enseigne bann dimoune pou content seki bon ek interesse-zot sakenn ar zot camarade, ki pou kapav amenn la paix dan le monde.—Lire Isaïe 32:17; 48:18, 22.
Kisannla pou etabli la paix lor later?
Bondié Tout-Puissant inn promette pou etablir enn sel gouvernement ki pou dirige tou bann dimoune. Sa gouvernement-la pou remplace bann gouvernement humain. (Daniel 2:44) Jésus, Garson Bondié, pou dirigé en tant ki Prince la Paix. Li pou elimine le mal partout lor later ek li pou enseigne bann dimoune pou faire la paix.—Lire Isaïe 9:6, 7; 11:4, 9.
Deja, plusieurs million dimoune dan le monde entier pé suive direction Jésus ek pé servi Parole Bondié, setadir la Bible, pou enseigne lezot dimoune couma pou vive en paix. Bientot, vrai-mem pou ena la paix dan le monde.—Lire Isaïe 2:3, 4; 54:13.