REPONS POU BANN KESTION BIBLIK
Kisannla pou al dan lesiel, ek kifer?
Plizir milyon dimounn panse ki zot pou al dan lesiel kan zot mor. Jésus ti dir ki so bann zapot fidel ti pou al dan lesiel. Avan li mor, li ti promet pou prepar enn plas pou zot avek so Papa ki dan lesiel.—Lir Jean 14:2.
Kifer bann dimounn lor later pou resisite pou al viv dan lesiel? Ki zot pou fer laba? Jésus ti dir so bann zapot ki zot ti pou vinn bann lerwa. Zot pou diriz later.—Lir Luc 22:28-30; Révélation 5:10.
Eski tou bann bon dimounn al dan lesiel?
Dan laplipar pei, zis enn tigit dimounn ki dirize. Lefe ki Jésus resisit bann dimounn pou al viv dan lesiel pou zot diriz later, nou atann ki li swazir zis enn tigit pou fer sa. (Luc 12:32) Labib dir exakteman komie dimounn pou dirize ansam avek Jésus.—Lir Révélation 14:1.
Jésus finn prepar bann plas dan lesiel pou sertin so bann disip. Eski ou kone ki zot pou fer laba?
Se pa zis bann ki al dan lesiel ki pou gagn bann rekonpans. Bann ki fidel anver Rwayom ki Jésus pou dirize, pou viv pou touletan lor later ki pou vinn enn paradi. (Jean 3:16) Sertin pou rant dan Paradi apre ki zot pou sape dan destriksion sa move lemond-la. Lezot pou rant dan Paradi kan zot pou resisite.—Lir Psaume 37:29; Jean 5:28, 29.