Kuma pu Prezant Bann Peryodik

La Tour de Garde 15 Ut

“Dapre u, anver ki sirtu u bizin res plis fidel? [Les dimunn la reponn.] Sa lartik la montre nu kuma nu bizin res fidel ar Bondye. [Montre paz 5, ek lir 2 Samyel 22:26.] Eski u ti kone ki kan enn dimunn fidel anver Bondye sa kapav ed li pu ena lamur kan li azir anver lezot? Mo sir u pu kontan lir sa size la.”

Réveillez-vous! 22 Ut

“Eski u trakase kan u truve ki pa kapav kontrol polisyon ki ena dan lemond? [Les dimunn la reponn.] Enn rezon inportan kifer ena sa problem la, se gaspiyaz. Zezi ti anseyn so bann disip pu pa fer gaspiyaz. [Lir Zan 6:12.] Sa magazinn la montre nu ki, si bann fami swiv bann prinsip Labib, sa kapav ed zot pu evit fer gaspiyaz.”

Latur Degard 1 Sept.

“Eski u’nn remarke ki dan buku landrwa bann vwazin nepli konn zot kamarad kuma lontan? [Les dimunn la reponn.] Zezi ti sit enn prinsip inportan kuma nu kapav vinn enn bon vwazin. [Lir Matye 7:12.] Sa bann lartik la montre nu kuma nu kapav vinn enn bon vwazin ek ankuraz lezot pu fer parey.”

Réveillez-vous! 8 Sept.

“Zordi pu buku dimunn, lavi ranpli ar bann dut. [Lir Eklezyast 9:11.] Kot sa nu kapav gayn enn direksyon sir? [Les dimunn la reponn.] Sertin rod konn lavenir kan zot rod sinifikasyon bann sif. Eski se par sa mwayin la ki u kapav konn u lavenir? Kot sa u kapav truv bann ranseynman sir lor lavenir? Réveillez-vous ! reponn sa bann kestyon la.”