Kestyon Ki Suleve

◼ Eski bann paran kapav kont ler ki zot pase pu anseyn ek form zot bann zanfan ek mark sa lor zot rapor servis?

Enn papa ek enn mama bizin fer buku zefor pu zot reysi pran zot responsabilite pu anseyn zot zanfan pu mars lor semin Zeova. Bann paran ki ena lakrint pu Bondye bizin dispoze pu anseyn zot zanfan, dan diferan fason tutlong lazurne. (Det. 6:6, 7; Efe. 6:4) Ki zot kont lertan ki zot pase pu fer sa lor zot rapor uswa non, sa pa sanz nanyin lor linportans zot responsabilite. Nu fer buku kitsoz an rapor avek servis Bondye, purtan nu kont zis enn tigit letan mem lor nu rapor.

Parkont, Lasosyete etabli enn rapor lor laktivite ki nu fer dan predikasyon. Sa aktivite la se kan nu pres bann laverite Biblik ar bann dimunn ki pankor form parti dan kongregasyon. Ala kifer laktivite ki nu marke lor nu rapor li sirtu konsern nu predikasyon an piblik, ar bann dimunn ki pa bann Temwin batize.

Donk, pu reponn bann let ki li’nn gayne lor sa size la, Lasosyete ti presiz sa pwin la: Si finn kondir enn letid regilyerman avek bann zanfan ki pa batize, enn ler ki’nn byin deside alavans parey kuma kan fer bann letid Labib kot bann dimunn, papa uswa mama ki kondir letid la kapav, si li anvi, kont enertan ek enn vizit par semenn ek enn letid par mwa.

Nu panse ki li preferab aret lamem lor kantite ler, vizit ek letid ki bann paran kapav konte kan zot anseyn bann zanfan ki pa batize. Sinon rapor kongregasyon pa pu mansyonn egzakteman laktivite predikasyon labonn nuvel an piblik, avek bann dimunn ki pa Temwin.