Kuma pu Prezant Bann Peryodik

La Tour de Garde 15 Zin

“Sertin dimunn panse ki Zezi limem pli gran personaz ki’nn egziste dan listwar. Ena lezot ki demande si vremem li’nn egziste. Eski u panse ki nu krwayans lor Zezi inportan? [Les dimunn la reponn, apre sa lir Akt 4:12.] Ki prev nu ena ki Zezi vremem finn viv lor later? Sa Latur Degard la egzaminn sa kestyon la.”

Réveillez-vous! 22 Zin

“Buku dimunn trakase pu lanvironnman. Eski u panse li posib ki nu prezerv bann gran lafore tropikal? [Les dimunn la reponn.] Sa Réveillez-vous ! la koz lor bann zefor ki pe fer deza asterla mem pu sap sa bann lafore la. Li explik usi kuma sa zoli promes Bondye la pu realize.” Lir Izai 11:9.

Latur Degard 1 Zilyet

“Enn bann bezwin byin inportan pu bann imin, se ki zot kontan lezot, ek ki lezot kontan zot. [Lir komanter lor paz 4.] Me, eski u finn remarke ki lasosyete modern ena tandans pu donn pryorite bann lezot kitsoz? [Les dimunn la reponn.] Sa Latur Degard la explik sinifikasyon vre lamur ek kuma nu kapav devlop sa lamur la.” Lir 1 Korintyin 13:2.

Réveillez-vous! 8 Zilyet

“Buku trakase kan zot truve ki deplizanpli bann dimunn azir avek vyolans pu nanyin. [Donn enn legzanp lokal, ek les dimunn la reponn.] Sa Réveillez-vous ! la explike ki bann kitsoz ki amenn bann dimunn pu komet bann krim vyolan. Li explik usi kuma Bondye pu tir krim ek vyolans enn fwa pu tu.” Lir Psom 37:10,11.