Kuma pu Prezant Bann Peryodik

La Tour de Garde 15 févr.

“Buku dimunn truble par bann move kitsoz ki arive akoz la relizyon. Sertin mem panse ki se la relizyon ki rasinn tu nu bann problem. Ki u panse lor la? [Les dimunn-la reponn. Lerla lir Révélation 18:24.] Sa magazinn-la montre nu seki la Bib dir lor sa size-la.”

Réveillez-vous! 22 févr.

“Buku dimunn kontan konn inpe plis lor bann zanimo; ena mem ki kontan sweyn bann zanimo, pa vre? [Les dimunn-la reponn.] Sa magazinn-la montre nu sertin difikilte ki nu gayne kan nu sweyn zanimo. Li explike usi ki Bondye inn promet ki enn zur, tu zanimo pu viv anpe ant zot ek avek bann dimunn.” Lir Isaïe 11:6-9.

La Tour de Garde 1 mars

“Enn zur, enn dimunn ti poz Jésus Christ enn kestyon: ‘Ki pli gran komannman?’ U kone ki li ti reponn? [Lir Marc 12:29, 30.] Eski u’nn deza demann umem ki Jésus ti pe rod dir par la? [Les dimunn-la reponn.] Sa lartik-la, ‘Kuma Nu Montre Nu Lamur pu Bondye’ explik nu seki sa bann parol-la vedir.”

Réveillez-vous! 8 mars

“Enn tan, dimunn ti pe per pangar enn lager nikler eklate. Eski u panse ki zordi sa kapav arive? [Les dimunn-la reponn.] Sa magazinn-la egzaminn bann evennman ki pe arive inpe partu dan lemond ek ki tus nu tu. Li explike usi ki la Bib promet ki enn zur dimunn pu nepli bizin viv dan laper.” Lir Tsephania 3:13.