Enn la-Musique Réconfortant
1 La musique ek bann chanté, occupe enn place important dans vrai l’adoration. Dans le passé en Israël, Asaph ek so bann frères ti chanté: “Remercié Jéhovah. . . . Chante pou Li, compose bann mélodies pou Li, prend compte so bann actions extraordinaire.” (1 Chron. 16:8, 9) Zordi, dans chaque réunion, nou chante pou Jéhovah. (Éph. 5:19) Oui, c’est vrémem enn bon l’occasion pou glorifié so nom!—Ps. 69:30.
2 Kan nou écoute bann Mélodies du Royaume, c’est-a-dire bann enregistrements cantiques par enn orchestre, nou l’esprit rempli avec bann pensées spirituel. Enn soeur dire: “Kan mo écoute bann mélodies, bann paroles vinn dans mo l’esprit. C’est vrémem enn bon moyen pou pense Jéhovah pendant ki mo pé écoute la musique!”—Phil. 4:8.
3 Bann l’occasions pou Apprécié Bann Mélodies: Kan nou joué bann Mélodies du Royaume kot nou, sa crée enn bon l’ambiance spirituel ki favorise la paix dans la famille. Enn famille écrire: “Nou écoute sa bann cassettes-la plusieurs fois dans lakaz ek dans l’auto. Nou écoute zot ek nou ré-écoute zot. Jamais nou pa fatigué écoute sa bann mélodies ki bien réconfortant-la. Souvent sa bann mélodies-la finn mette nou en bonne humeur kan nou pé prépare nou pou al réunion ou-soit kan nou pé voyagé pou al l’assemblée.” Enn soeur dire: “Kan mo écoute sa bann mélodies-la létan mo faire l’ouvrage, sa remonte mo moral. Kisannla ti pou pensé ki mo kapav joyeux kan mo pé pliye mo linge! Mo faire enn devoir écoute sa bann mélodies-la, chaque fois ki mo moral pa bon. Sa bann mélodies-la zot faire vrémem plaisir pou écouté! . . . Chaque mélodie faire moi ressenti enn gran bonheur.” Eski éna bann l’occasions kot ou kapav profite sa bann joli mélodies-la?
4 La plupart la-musique ki éna zordi, reflète l’esprit lé-monde. Bann parents kapav aide zot zenfants pou apprécié enn bon la-musique kan zot servi bien bann enregistrements Mélodies du Royaume. Beaucoup étudiants la-Bible ek bann dimoune intéressé, pou content koné ki éna sa bann mélodies-la. C’est bann mélodies ki glorifié Jéhovah ek ki en mem temps remonte nou moral.—Ps. 47:1, 2, 6, 7.